သင့်အသားအရေဟာ အသက်အရွယ်ရလာတာနဲ့အမျှကော ပတ်ဝန်းကျင်က လေထုညစ်ညမ်းမှုတွေ ထိတွေ့လာတာနဲ့အမျှကော တဖြည်းဖြည်း ပျက်စီးလာပါတယ်။ နေရောင်ခြည်ထိတွေ့မှု၊ လေထုညစ်ညမ်းမှု၊ အာဟာရဓာတ်ပြည့်ပြည့်၀၀မစားတာတွေနဲ့ သင်အသုံးပြုတဲ့ အလှကုန် ပစ္စည်းတွေကြောင့် သင့်အသားရေ တဖြည်းဖြည်း ပျက်စီးလာပါတယ်။ ဒါ့ကြောင့်လည်း သင့်အနေနဲ့ အာဟာရဓာတ်ညီညွှတ်မျှတအောင် စားသုံးဖို့လိုအပ်သလို၊ အလှကုန်ပစ္စည်းကိုလည်း သေချာရွေးချယ်ဝယ်ယူဖို့လိုအပ်ပါတယ်။
ရေခဲတာကော ဘယ်လိုအကျိုးရှိသလဲ
ရေခဲကို မနက်ပိုင်းမျက်နှာသစ်တဲ့အခါနဲ့ ညနေပိုင်းမျက်နှာသစ်တဲ့အခါ ပွတ်တိုက်ပေးခြင်းဖြင့် အသားအရေကို နုပျိုစိုပြေစေမှာဖြစ်ပါတယ်။ အရွယ်မတိုင်ခင် အရေးကြောင်းဖြစ်ခြင်းကနေ ကာကွယ်ပေးနိုင်လို့ အရှေ့အလယ်ပိုင်းဒေသမှာတော့ ရေခဲကို အသုံးပြုကြပါတယ်။ ခန္ဓာကိုယ်တစ်ခုလုံးကိုလည်း ရေခဲတုံးနဲ့ ပတ်တိုက်ပေးလို့ရပါတ်။
ချွေးပေါက်ကျယ်တာ၊ အဆီပြန်တာကိုသက်သာစေပြီး အသားရေကို နုပျိုစိုပြေစေပါတယ်။ မျက်လုံးနားတစ်ဝိုက်က မျက်ကွင်းညိုတာ၊ မျက်အိတ်ဖြစ်တာကိုလည်း သက်သာစေပါတယ်။
ရေခဲကိုဘယ်လိုသုံးမလဲ
သင့်နေနဲ့ နေ့စဉ်ရေခဲတုံးကို အသုံးပြုပေးလို့ရပါတယ်။ ဒီနည်းလမ်းကို အသုံးမပြုခင်အရင်ဆုံးတော့ မိတ်ကပ်ကို သေချာဖျက်ပေးဖို့လိုအပ်ပါတယ်။ ရေခဲတုံးကို သန့်ရှင်းတဲ့ တဘက်တစ်ခုနဲ့ အုပ်ပြီး မျက်နှာတစ်ဝိုက်ကို ၁မိနစ် ၂ မိနစ်လောက် အချိန်ယူပြီး ပွတ်ပေးပါ။ မေးစေ့နဲ့ ပါးပြင်၊ လည်ပင်း၊ နဖူး၊ နှာခေါင်းနားတစ်ဝိုက်ကို သေချာလေးပွတ်ပေးရပါမယ်။ မျက်လုံးနားတစ်ဝိုက်ကိုလည်း ညင်သာစွာ ဖိကပ်ပေးပါ။
ပြီးသွားပြီဆိုရင် မျက်နှာကို ရေနဲ့တစ်ခါ ထပ်ဆေးချပြီး တိုနာလိမ်းထားပေးလိုက်ပါ။
