စာရင်းဇယားတွေရဲ့ တွက်ချက်မှုတွေအရ ဒီကမ္ဘာပေါ်မှာ မွေးရာပါ ဆံပင်အနီရောင် ရှိကြသူတွေဟာ လူဦးရေ ၁-၂ ရာခိုင်နှုန်းသာရှိပါတယ်။ ဒါကြောင့်မို့လည်း ဒီဆံပင်အရောင်က တခြားအရောင်တွေထက် ပိုပြီးသတိထားမိလွယ်သလို ပိုပြီးတော့လည်း အမြင်လှတာဖြစ်ပါတယ်နော်။
ကမ္ဘာတစ်ဝှမ်း ကျော်ကြားလှတဲ့ ဟောလိဝုဒ်သရုပ်ဆောင်လောကမှာဆိုရင်လည်း ဆံပင်အနီရောင်ရှိကြတဲ့ မင်းသမီးတွေကိုလည်း တွေ့ဖူးကြမှာဖြစ်ပြီး တော်တော်လေးကို လှကြပါတယ်။
အခုတစ်ခေါက် ဒီဆောင်းပါးလေးကနေပြီး ဖော်ပြပေးချင်တာကတော့ နာမည်ကျော်မင်းသမီးတွေထဲကမှ ဆံပင်အနီရောင်ရှိကြသူတွေဖြစ်ပြီး သူတို့ကိုပဲ တခြားအရောင်နဲ့ ယှဥ်ကြည့်ကြမှာဖြစ်ပါတယ်။ အခုလိုယှဥ်ကြည့်ပြီး တချို့အနေနဲ့ သူတို့အတွက် ဆံပင်အနီရောင်က မူရင်းဆံပင်အရောင်မဟုတ်တာတောင်မှ ပိုပြီးလိုက်ဖက်တာကို မြင်တွေ့ရမှာပါ။
ကဲ…ဒါဆိုရင် ဘယ်သူတွေဖြစ်မလဲဆိုတာ ကြည့်လိုက်ကြရအောင်နော်။
Emma Stone
Emma Stone ကတော့ ဟောလိဝုဒ်မှာ ဆံပင်အနီရောင်နဲ့ နာမည်ကျော်ကြားတဲ့ မင်းသမီးတွေထဲက တစ်ဦးအပါအဝင်ဖြစ်ပါတယ်။ ဒါပေမယ့် ပရိတ်သတ်တွေ မထင်မှတ်ထားမှာကတော့ သူမရဲ့နဂိုဆံပင်အရောင်ဟာ blonde ဖြစ်ပြီး သူမကိုယ်တိုင်ကလည်း ဆံပင်အနီရောင်ကိုပဲ ပိုသဘောကျတယ်လို့ ဆိုပါတယ်။
Evan Rachel Wood
နဂိုဆံပင်အရောင် Blonde ရှိတဲ့ နောက်ထပ်မင်းသမီးတစ်လက် Evan Rachel Wood ကလည်း သူမဆိုးခဲ့ဖူးသမျှ အရောင်တွေထဲမှာ အနီကိုပဲ သဘောအကျဆုံးလို့ ပြောခဲ့ဖူးပါတယ်။
Amy Adams
Amy Adams ကို ဆံပင်အနီရောင်နဲ့မဟုတ်ဘဲ တခြားဆံပင်အရောင်နဲ့ တွေ့ဖူးဖို့ကတော့ တော်တော်လေးရှာလောက်မှာပါ။ ဒါပေမယ့် သူမလည်းပဲ မူရင်းဆံပင်အရောင်က Blonde ဖြစ်ပါတယ်။
သူမ အသက် ၂၇ နှစ်အရွယ်မှာ တခြား Blonde ဆံပင်အရောင်ရှိတဲ့ မင်းသမီးတစ်လက်နဲ့ အတူသရုပ်ဆောင်ရမယ့်အချိန်မှာ နှစ်ယောက်ထဲက တစ်ယောက်ကတော့ ဆံပင်အရောင်ချိန်းဖို့လိုလာတဲ့အတွက် သူမအနေနဲ့ အနီရောင်ဆေးဆိုးဖို့ ရွေးချယ်ခဲ့တာဖြစ်ပါတယ်။
Marcia Cross
Desperate Housewives ထဲက မင်းသမီး Marcia Cross ဟာလည်းပဲ ဆံပင်အနီရောင်ကြောင့် လူသိများပါတယ်။ သူမရဲ့ နဂိုဆံပင်အရောင်ဖြစ်ပြီး Blonde ထက် သူမနဲ့ပိုလိုက်ပါတယ်။
Bryce Dallas Howard
Bryce က နာမည်ကြီးဒါရိုက်တာ Ron Howard ရဲ့ သမီးဖြစ်ပြီးတော့ အဖေတူသမီးပီပီ ဆံပင်အရောင်လည်း တူပါတယ်။
Nicole Kidman
In her earlier projects, you can see her natural hair color: bright curly red hair. Now, she often has blonde hair, and wears wigs in all sorts of different colors. Do you think she looks good with dark hair?
မင်းသမီးကြီး Nicole Kidman ရဲ့ ဟိုးတုန်းက ဇာတ်ကားတွေမှာဆိုရင် သူမရဲ့သဘာဝဆံပင်အရောင်ဟာ အနီကောက်ကောက်ကို မြင်တွေ့ရနိုင်ပါတယ်။ အခုချိန်မှာတော့ Blonde အရောင်ကို မကြာခဏထားလေ့ရှိပြီး တခြားအရောင်တွေနဲ့ ဆံပင်အတုတွေလည်း အသုံးပြုပါသေးတယ်။
Karen Gillan
Jumanji ဇာတ်ကားထဲက မင်းသမီး Karen Gillan ကလည်း ဆံပင်အနီရောင် ပိုင်ရှင်ဖြစ်ပါတယ်။ တခြားအရောင်တွေနဲ့ ဆံပင်အတုတွေ သုံးဖူးပေမယ့်လည်း သူမရဲ့နဂိုအရောင်သာ အကြိုက်ဆုံးပါဆိုပြီး ဝန်ခံဖူးပါတယ်။
Lindsay Lohan
ကလေးသရုပ်ဆောင်ဘဝကတည်းက လူသိများကျော်ကြားခဲ့တဲ့ မင်းသမီး Lindsay Lohan ကတော့ နဂိုဆံပင် အနီရောင်ဆိုတာကို ပရိတ်သတ်အများစု သိပြီးလောက်မှာပါ။ အသက်ကြီးလာချိန်မှာ Blonde အရောင်ဆေးဆိုးခဲ့ပေမယ့်လည်း အခုချိန်မှာတော့ နဂိုဆံပင်အရောင်ကို ပြန်ဆိုးလိုက်ပါတယ်။
Jessica Chastain
Jessica ကလည်း ဆံပင်အနီရောင်ပိုင်ရှင်ပါ။ သူမရဲ့ဆံပင်အနီရောင်က သူမကို ပေါ်လွင်စေတယ်လို့ ခံစားရတဲ့အတွက် သူမသရုပ်ဆောင်ရဲ့ ကာရိုက်တာတွေပေါ်မူတည်ပြီး ဆံပင်ဆေးဆိုးမယ့်အစား ဆံပင်အတုတွေပဲ အသုံးပြုခဲ့ပါတယ်။
Bonnie Wright
Bonnie Wright ကတော့ သူမသရုပ်ဆောင်ခဲ့တဲ့ ဇာတ်ရုပ် Ginny Weasley အတိုင်းပဲ ဆံပင်အရောင်တူရှိပါတယ်။ တစ်ခါတစ်လေ အဆန်းအနေနဲ့ ဆံပင်ဆေးဆိုးဖူးပေမယ့်လည်း သူမပရိတ်သတ်တွေကတော့ သူမရဲ့နဂိုဆံပင်အရောင်ကိုပဲ ပိုသဘောကျကြပါတယ်။
Image Source: BrightSide
