လက်သည်း ခဏခဏကျိုးပဲ့နေရတဲ့အကြောင်းရင်းတွေကို သိရှိစေဖို့

တချို့ကောင်မလေးတွေဆိုရင် လက်သည်းလေးနည်းနည်းရှည်လာတာနဲ့ ကျိုးသွားတာမျိုး၊ ပဲ့ထွက်တာတာမျိုးတွေ ခဏခဏဖြစ်ကြပါတယ်။ လက်သည်းအရှည်ထားချင်တဲ့ မိန်းကလေးတွေအတွက်ကျတော့ ဒီလိုခဏခဏကျိုးနေရင် အဆင်မပြေဘူးပေါ့။ ဒါကြောင့် အခုလိုလက်သည်းတွေ ခဏခဏကျိုးပဲ့နေရတဲ့အကြောင်းရင်းတွေကို သိရှိစေဖို့နဲ့ ဘယ်လိုအရာတွေကို ဆင်ခြင်ပေးသင့်လဲဆိုတာကို ဝေမျှပေးလိုက်ပါတယ်။

သံဓာတ်ချို့တဲ့ခြင်း

ခန္ဓာကိုယ်မှာ သံဓာတ်ချို့တဲ့နေရင်လည်း လက်သည်းခဏခဏကျိုးပါတယ်။ ဒါကြောင့် သံဓာတ်ဖြစ်စေတဲ အစားအသောက်တွေကို ပုံမှန်စားသုံးပေးပါ။

လက်သည်းနီအမြဲဆိုးတာ

လက်သည်းနီမှာက Chemicals တွေပါဝင်လို့ အမြဲလက်သည်းနီဆိုးထားမယ်၊ ခဏခဏ လက်သည်းဖျက်လိုက်၊ ဆိုးလိုက် အမြဲလုပ်နေမယ်ဆိုရင် လက်သည်းပျက်စီးစေပါတယ်။ ဒါကြောင့်လည်း လက်သည်းက ခဏခဏကျိုးတာပါ။ ကာကွယ်တဲ့အနေနဲ့ Base Coat ခံပြီးမှ လက်သည်းနီဆိုးပါ။ တစ်ပတ်မှာ နှစ်ရက် လက်သည်းကို ဘာမှမဆိုးပဲ ဒီတိုင်းလေးထားပါ။

Computer အမြဲသုံးရတဲ့အခါ

Computer အမြဲသုံးရတဲ့သူတွေ၊ အထူးသဖြင့် လက်ကွက်မြန်မြန် အမြဲရိုက်ရတဲ့သူတွေဆိုရင် လက်သည်းရှည်ထားလို့ အဆင်မပြေပါဘူး။ ထားလိုက်တိုင်းမှာလည်း ခဏခဏ ကျိုးပါလိမ့်မယ်။

လက်သည်းကိုက်တာ

လက်သည်းကိုက်တတ်တဲ့အကျင့်ရှိရင်လည်း လက်သည်း ခဏခဏကျိုးပါတယ်နော်။ လက်သည်းကိုက်တာက လက်သည်းလည်း အရမ်းပျက်စီးစေသလို ကျန်းမာရေးအတွက်လည်း မကောင်းပါဘူး။

ဗီတာမင်ဓာတ်ချို့တဲ့ခြင်း

ခန္ဓာကိုယ်မှာ ဗီတာမင်ဓာတ်ချို့တဲ့ရင်လည်း လက်သည်းခဏခဏကျိုးပါတယ်။ ဗီတာမင် ဘီက လက်သည်းနဲ့ ဆံပင်တွေ သန်စွမ်းစေဖို့ အထောက်အကူပြုပါတယ်။ ဒါကြောင့် ဗီတာမင်ဓာတ်ကြွယ်ဝတဲ့ အစားအသောက်တွေကိုလည်း စားသုံးဖို့လိုပါတယ်။