လူအများစုသည် သေးသွယ်ကျစ်လျစ်လိုကြသည့် ဆန္ဒအပြည့်အဝရှိကြသောကြောင့် မြောက်မြားစွာသော ကိုယ်အလေးချိန်လျော့ချနည်းလမ်းတွေကို လိုက်လံပြုလုပ်ကြပါတယ်။ ဒါပေမယ့်လည်း အချို့မှာအလွန်ပြင်းထန်ပြီး ယခင်ရှိခဲ့တဲ့သက်ရောက်မှုတွေမှာလည်း အစာစားသုံးမှုပုံစံပြောင်းလဲသွားသည်နှင့် ပျောက်ရှသွားကြပါတယ်။ သည့်အပြင် တနေ့တာဘဝကို အမျိုးမျိုးရုန်းကန်နေရသောကြောင့် လေ့ကျင့်ခန်းအကြောင်းကို စဉ်းစားဖို့အင်မတန်ခက်ခဲသွားပါတယ်။
ဒါပေမယ့်လည်း ထိုအကြောင်းအရာများကြောင့် စိတ်ဓာတ်ကျနေစရာမလိုပါဘူး။ ယခုဖော်ပြမယ့် နည်းလမ်းလေးတွေကို သေချာမှတ်သားထားမယ်ဆိုရင် မည်သည့်အားစိုက်ထုတ်မှု၊ အစာလျော့စားမှုနှင့် လေ့ကျင့်ခန်းတွေကိုမှ လုပ်စရာမလိုဘဲ ကိုယ်အလေးချိန်ကို လျော့ချနိုင်မှာဖြစ်ပါတယ်။
၁။ ရေသောက်ဖို့မမေ့ပါနဲ့။
ထမင်းမစားခင် နာရီဝက်အလိုမှာ ရေ တစ်ခွက်မှနှစ်ခွက်သောက်ပေးခြင်းက အကောင်းဆုံးပါပဲ။ ထိုသို့သောက်သုံးပေးခြင်းက ကိုယ်ခန္ဓာဇီဝဖြစ်စဉ်အတွက် ကောင်းမွန်ပြီး ဗိုက်ပြည့်သွားစေသောကြောင့် အစားနည်းနည်းပဲ စားမိစေမှာဖြစ်ပါတယ်။
၂။ မိမိ၏အစားအသောက်နှင့်ပတ်သက်ပြီး အာရုံထားပါ။
စားပွဲတွင်ထိုင်လိုက်သည်နှင့် အလျင်မလိုဘဲ၊ ပြဿနာတွေမတွေးဘဲ၊ တီဗွီမကြည့်ဘဲ၊ ဖုန်းမပြောဘဲ အစာစားသည်ကိုသာ ဂရုစိုက်ပေးပါ။ ဘာကိုဘယ်လိုစားသည်ကို အာရုံထားပါ။ ထိုနည်းလမ်းက အစားအရသာကို ရှင်းရှင်းလင်းလင်းမြည်းစမ်းနိုင်ရန် ကူညီပေးပြီး အစာနည်းနည်းစားအောင် ကူညီပေးနိုင်ပါတယ်။ သည့်အပြင် တတ်နိုင်သမျှ နှေးနှေးစားပါ။
၃။ ပန်းကန်အသေးနှင့်စားပါ။
အစားအစာပမာဏကို တွေးတောမိခြင်းမှ ရှောင်ရှားရန်အတွက် ပန်းကန်အသေးတွင်ဆံ့ဝင်သည့်ပမာဏကို စားသုံးခြင်းအကျင့်ကို ရယူပါ။
၄။ ပိုအိပ်ပါ။
အိပ်နေသည့်အခါ အစာစားမိခြင်းမှလည်း ရှောင်ရှားနိုင်ကာ ခန္ဓာကိုယ်ဇီဝဖြစ်စဉ်အပေါ် ကောင်းကျိုးသက်ရောက်နိုင်ကာ ကိုယ်ခန္ဓာကို ကျစ်ကျစ်လျစ်လျစ်ရှိစေပါတယ်။ သည့်အပြင် အိပ်နေစဉ်အတွင်း တစ်နာရီလျှင် ကယ်လိုရီပေါင်း ၅၀ မှ ၁၀၀ အထိကို လောင်ကျွမ်းပေးပါတယ်။
၅။ သွားတိုက်ပေးပါ။
ထမင်းစားပြီးတိုင်း သွားတိုက်သည့်အကျင့်ကို လုပ်ဆောင်ပေးခြင်းသည် အစာထပ်စားခြင်းမှ ကာကွယ်ပေးကာ ပါးစပ်အတွင်းစွဲကျန်နေသည့် သွားတိုက်ဆေးအရသာကြောင့် အစားအစာများကို အရသာပျက်သွားစေနိုင်ပါတယ်။
၆။ ရယ်မောပါ။
သုတေသီများ၏ဖော်ပြချက်အရ ရယ်မောချိန်တွင် သုံးစွဲသည့်စွမ်းအင်ပမာဏသည် အနားယူချိန်ထက် ၂၀ ရာခိုင်နှုန်း ပိုမိုတိုးတက်စေနိုင်ပြီး ဝမ်းဗိုက်ပိုင်းကြွက်သားများကို အလုပ်လုပ်စေသောကြောင့် ရယ်မောခြင်းဖြင့် လေ့ကျင့်ခန်းလုပ်ပေးပါ။
