မင်္ဂလာပါ…. ပျိုမဒီတို့ရေ… အရင်ကဆို ကမ်းခြေသွားတဲ့အခါ Bikini လှလှလေးတွေဝတ်ချင်ပေမယ့် Bikini Area က အမွှေးအမျှင်တွေကြောင့် မဝတ်ရဲဘဲ ယုံကြည်ချက်တွေ ပျောက်တတ်ပါတယ်။ ဒါပေမယ့် အခုဆိုရင်တော့ ခန္ဓာကိုယ်ပေါ်က မလိုချင်တဲ့အမွှေးအမျှင်တွေကို ဖယ်ရှားဖို့အတွက် စိတ်ညစ်စရာမလိုပဲ လွယ်လွယ်ကူကူနဲ့ Waxing လုပ်လို့ရနေပါပြီ။ Waxing လုပ်တာက ကြောက်စရာမရှိပါဘူး။
ဒါပေမယ့် Waxing လုပ်တော့မယ်ဆိုရင် အိမ်မှာလုပ်တာပဲဖြစ်ဖြစ် ဆိုင်မှာလုပ်တာပဲဖြစ်ဖြစ် မလုပ်ခင်ကတည်းက ဂရုစိုက်ဖို့လိုပါတယ်။ အသားအရေကို နုပျိုစေပြီး Waxing ရလဒ်တွေကို Waxing မလုပ်ခင် ဂရုစိုက်ရမယ့် နည်းအချို့ကို ဝေမျှလိုက်ပါတယ်နော်။
အရှည်
Waxing လုပ်တော့မယ်ဆိုရင် အရှည်က အနည်းဆုံး တစ်လက်မ လေးပုံတစ်ပုံလောက် ရှည်သင့်ပါတယ်။
နာကျင်မှု
Waxing မလုပ်ခင်ရက်တွေမှာ အရက်ကိုရှောင်ဖို့ ပညာရှင်များက အကြံပြုထားကြပါတယ်။ ဘာလို့လဲဆိုတော့ အရက်က သွေးကိုပိုပါးစေပြီး နာကျင်မှုကိုပိုမိုခံစားရစေလို့ပါ။ ဒါ့အပြင် ရာသီလာချိန်တဝိုက်မှာလည်း ရှောင်ရှားသင့်ပါတယ်။
သန့်ရှင်းမှု
Waxing လုပ်တော့မယ်ဆိုရင် တစ်ကိုယ်ရေသန့်ရှင်းဖို့ကလည်း အရေးကြီးပါတယ်။ ဘာလို့လဲဆိုတော့ ခန္ဒာကိုယ်ကထွက်တဲ့အဆီတွေ ၊ ချွေးတွေက Waxing လုပ်တဲ့အခါ ဖယောင်းကိုသေချာမမြဲစေလို့ပါ။
ချောင်ချောင်ချိချိ ဝတ်ဆင်ပါ
သက်တောင့်သက်သာရှိဖို့နဲ့ Waxing လုပ်တဲ့အခါ အဆင်ပြေစေဖို့ တင်းကြပ်တဲ့အဝတ်အစားတွေအစား သက်တောင့်သက်သာရှိတဲ့ အဝတ်အစားကို ရွေးသင့်ပါတယ်။
