လူကြီး လူငယ်မရွေး နှစ်ခြိုက်စွာ စားသုံးနေတဲ့ အစားအစာတွေထဲမှာ အာလူးကလည်း တစ်ခုအပါဝင်ပဲဖြစ်ပါတယ်။ ဒီလိုအရသာရှိတဲ့ အစားအစာက ပျိုမေတို့ရဲ့ အသားအရေကို နူးညံ့ချောမွေ့လာအောင်လည်း ကူညီပေးနိုင်သလို ကြည်လင်ဝင်းပလာအောင်လည်း ပြုလုပ်ပေးနိုင်တယ်ဆိုရင်ရော ပျိုမေလေးတို့ ယုံမှာလား။
မယုံဘူးဆိုရင်တော့ လက်တွေ့စမ်းသပ်ကြည့်လို့ရအောင်လို့ အာလူးနဲ့ ပေါင်းတင်လို့ရမယ့် နည်းလမ်းလေးတွေကို ဝေမျှပေးလိုက်တယ်နော်။
အသားဖြူချင်သူများအတွက် အာလူးနှင့် ပျားရည်
Source: sazworld.com
အာလူးရည် စားပွဲတင်ဇွန်း ၃ ဇွန်းနဲ့ ပျားရည် စားပွဲတင်ဇွန်း ၂ ဇွန်းတို့ လိုအပ်ပါမယ်။ ပါဝင်ပစ္စည်းများ အားလုံးကို သမအောင် ရောမွှေပြီးတဲ့နောက်မှာ မျက်နှာနဲ့ လည်ပင်းပေါ်မှာ သုတ်လိမ်းပေးလိုက်ပါ။ ၁၀ မိနစ်၊ ၁၅ မိနစ်ခန့် ခြောက်လာတဲ့အထိ စောင့်ပေးပါ။ ပြီးမှ မျက်နှာသစ်လိုက်ပါ။ အသားဖြူချင်သူများအနေနဲ့ နေ့စဉ်မှန်မှန်ပြုလုပ်ပေးရမှာဖြစ်ပါတယ်။
အသားအရေ ဝင်းလက်တောက်ပြောင်ချင်သူများအတွက် အာလူးနှင့် သံပုရိုရည်
Source: homeremediz.blogspot.com
အာလူးရည် လက်ဖက်ရည်ဇွန်း ၂ ဇွန်းနဲ့ သံပုရိုရည် လက်ဖက်ရည်ဇွန်း ၂ ဇွန်းတို့ လိုအပ်ပါမယ်။ (ပျားရည် လက်ဖက်ရည်ဇွန်း တစ်ဝက်ခန့် ထပ်ထည့်လည်း ရပါတယ်) ပါဝင်ပစ္စည်းများ အားလုံးကို သမအောင် ရောမွှေပြီးတဲ့နောက်မှာ မျက်နှာနဲ့ လည်ပင်းပေါ်မှာ သုတ်လိမ်းပေးပါ။ ၁၅ မိနစ်ခန့် ကြာမှ ရေဆေးချလိုက်ပါ။ တစ်ရက်ခြား တစ်ခါ ပြုလုပ်ပေးမယ်ဆိုရင် ပျိုမေလေးတို့ရဲ့ အသားအရေ Glow လာပါလိမ့်မယ်။
ဝက်ခြံသမားတွေအတွက် အာလူးနှင့် ခရမ်းချဉ်သီး
အာလူးရည် စားပွဲတင်ဇွန်း တစ်ဇွန်း၊ ခရမ်းချဉ်သီး အရည် စားပွဲတင်ဇွန်း ၁ ဇွန်းနဲ့ ပျားရည် စားပွဲတင်ဇွန်း ၁ ဇွန်းတို့ လိုအပ်ပါမယ်။ အာလူးနဲ့ ခရမ်းချဉ်သိးကို အရင်ရောစပ်ပြီးမှ ပျားရည်နဲ့ ထပ်မံရောစပ်ပေးလိုက်ပါ။ ထို့နောက် မျက်နှာပေါ်မှာ ညီညီညာညာသုတ်လိမ်းပြီးနောက် ဝက်ခြံပေါက်တဲ့နေရာမှ ထူထူလေး လိမ်းပေးလိုက်ပါ။ ၁၅ မိနစ်ကြာမှ မျက်နှာသစ်လိုက်ပါ။ ဝက်ခြံပျောက်တဲ့အထိ တစ်ရက်တစ်ကြိမ်ခန့် မှန်မှန်ပြုလုပ်ပေးလိုက်ပါ။
Featured images Source: sazworld.com
