မင်္ဂလာပါ ပျိုမေလေးတို့ရေ… ညစ်ညမ်းတဲ့လေထုတွေ ဖုန်မှုန့်နဲ့ အညစ်အကြေးတွေကြောင့် အသားအရေက ညစ်နွမ်းနေလို့ စိတ်ညစ်နေပါသလား။ ဒါ့အပြင် တစ်နေ့တာလုံး လိမ်းကျံထားတဲ့ မိတ်ကပ်ကို ကုန်စင်အောင် မဖျက်မိဘူးဆိုရင်လည်း ထိုမိတ်ကပ်အကြွင်းအကျန်တွေက ချွေးပေါက်တွေထဲမှာ ခိုအောင်းနေတတ်ပြီး အသားအရေက မကြည်လင် မတောက်ပဘဲ ညစ်နွမ်းနေတတ်ပါတယ်။
အသားအရေလေးက သဘာဝအတိုင်း Glow နေတာမျိုးကိုရော မလိုချင်ကြဘူးလား။ အခုဖော်ပြပေးမယ့် ပေါင်းတင်နည်းတွေထဲက ပျိုမေလေးတို့နှစ်သက်ရာ တစ်မျိုးမျိုးနဲ့ ပေါင်းတင်ပေးလိုက်ပါ။
အသားအရေလေးက သဘာဝအတိုင်း ကြည်လင်တောက်ပလာတာကို တွေ့မြင်ရပါလိမ့်မယ်။
ပန်းသီးနှင့် စပျစ်သီးပေါင်းတင်နည်း
ပန်းသီး တစ်ခြမ်းနှင့် စပျစ်သီး ခုနစ်လုံးကို သစ်သီးဖျော်စက်ထဲထည့်ပြီး အနှစ်များ ရလာသည်အထိ ကြိတ်ချေပေးလိုက်ပါ။ သင့် မျက်နှာပေါ် မလိမ်းကျံခင်မှာ မျက်နှာကို အရင်ဆုံးသန့်စင်အောင် ဆေးကြောလိုက်ပါ။ ပြီးမှ မျက်နှာပေါ်မှာ လိမ်းကျံပေးလိုက်ပါ။ မိနစ် ၃၀ ခန့်ကြာမှ ရေအေးလေးနဲ့ မျက်နှာသစ်ပေးလိုက်ပါ။
ဒီပေါင်းတင်နည်းကို အသုံးပြုမယ်ဆိုရင်တော့ တစ်ပတ်မှာ နှစ်ကြိမ်ခန့် အသုံးပြုပေးရပါမယ်။
စတော်ဘယ်ရီသီးဖြင့် ပေါင်းတင်နည်း
စတော်ဘယ်ရီသီး လေးလုံးကို အနှစ်များရအောင် ခက်ရင်းဖြင့် ကြိတ်ချေလိုက်ပါ။ ထိုအနှစ်ထဲသို့ ကိုးကိုးမှုန့် စားပွဲတင်ဇွန်း တစ်ဇွန်းနှင့် ပျားရည် လက်ဖက်ရည်ဇွန်း တစ်ဇွန်းတို့ ထည့်ကာ သမအောင် မွှေပေးလိုက်ပါ။ ထို့နောက် မျက်နှာပေါ်မှာ သုတ်လိမ်းပေးလိုက်ပါ။ ဆယ့်ငါးမိနစ်ခန့်ကြာမှ ရေနွေးနွေးလေးနဲ့ မျက်နှာသစ်ပေးလိုက်ပါ။
မျက်နှာသစ်ပြီးတဲ့နောက်မှာ သင့် အသားအရေက ကြည်လင်တောက်ပလာတာကို တွေ့မြင်ရပါလိမ့်မယ်။ ဒီပေါင်းတင်နည်းကိုတော့ တစ်ပတ်မှာတစ်ကြိမ်ခန့် ပြုလုပ်ပေးရပါမယ်။
ပျားရည်နှင့် သင်္ဘောသီး ပေါင်းတင်နည်း
သင်္ဘောသီး နှစ်စိပ်ခန့်ကို အခွံခွာပြီး အနှစ်များရအောင် ခက်ရင်းဖြင့် ချေလိုက်ပါ။ ထို့နောက် ပျားရည် လက်ဖက်ရည်ဇွန်း တစ်ဇွန်းဖြင့် ရောနှောလိုက်ပါ။ ပြီးရင်တော့ သန့်စင်ဆေးကြောထားတဲ့ မျက်နှာပေါ်မှာ သုတ်လိမ်းပေးလိုက်ပါ။ ၁၅ မိနစ်၊ မိနစ် ၂၀ ခန့် အခြောက်ခံပြီးမှ ရေဖြင့် မျက်နှာသစ်လိုက်ပါ။
ဒီပေါင်းတင်နည်းကို တစ်ပတ်တစ်ကြိမ်ခန့် ပုံမှန်အသုံးပြုပေးမယ်ဆိုရင် သင့် အသားအရေက သဘာဝအတိုင်း Glow နေတာကို သိသိသာသာမြင်တွေ့ရပါလိမ့်မယ်။
Source: Stylecraze.com
By MyStyle Myanmar
