အားလုံးပဲ မင်္ဂလာပါ။ စာဖတ်သူပျိုမေလေးတွေထဲမှာ ဝိတ်ကျချင်တဲ့ ပျိုမေလေးတွေရှိကြလား။ ဒီတစ်ခါမှာတော့ ဝိတ်ကျချင်တဲ့ ပျိုမေလေးတွေအတွက်ရော Gym သွားဖို့ မအားတဲ့ ပျိုမေလေးတွေအတွက်ပါ သတင်းကောင်းလေး ပါးချင်ပါတယ်။

အဲ့ဒါကတော့ ဝိတ်သိသိသာသာကျစေဖို့အတွက် မိမိအိမ်မှာပဲ အလွယ်တကူ ပြုလုပ်လို့ရမယ့် Plank လေ့ကျင့်ခန်းလေးတွေကို ဝေမျှပေးချင်ပါတယ်။

တံတောင်ကွေးပြီး ပြန်ဆန့်တန်းပါ

အရင်ဆုံး ပထမပုံထဲကအတိုင်းတံထောင်လေး ထောက်ထားလိုက်ပါ။ ပြီးရင် ထောက်ထားတဲ့တံတောင်ကို ဒုတိယပုံလေးအတိုင်း ပြန်ဆန့်တန်းလိုက်ပါ။ ထိုအနေအထားနှစ်ခုကို တစ်လှည့်စီပြန်လုပ်ပေးလိုက်ပါ။

လက်ဖျားနဲ့ ခြေဖျားလေးတွေ လှမ်းထိလိုက်ပါ

အရင်ဆုံး ခန္ဓာကိုယ်ကို ဘေးတစောင်းထားပြီး တံတောင်တစ်ဖက် ထောက်ထားပါ။ ထို့နောက် ခြေထောက်တစ်ဖက်ကို အပေါ်မြှောက်လိုက်ပြီး လက်ဖျားနဲ့ ခြေဖျားလေးတွေကို လှမ်းထိလိုက်ပါ။ ခြေထောက်ကို ကွေးမသွားစေဖို့ သတိထားပါ။ ၁၅ ကြိမ် ပြည့်တဲ့အခါ အခြားဘက်တစ်ခြမ်း ပြောင်းပြီး လုပ်ပေးရပါမယ်။

ဒူးခေါင်းနဲ့ တံတောင်ကို လှမ်းထိလိုက်ပါ

စောစောက လေ့ကျင့်ခန်းအတိုင်း ခန္ဓာကိုယ်ကို ဘေးတစ်စောင်းထားပြီး Plank ထောက်ပါ။ ထို့နောက် ဒူးတစ်ဖက်ကို ကွေးပြီး တံတောင်နဲ့ လက်နဲ့ ထိကပ်လိုက်ပါ။ ၁၅ ကြိမ်ပြည့်တဲ့အခါ ခန္ဓာကိုယ် အခြားတစ်ဖက်ပြောင်းပေးလိုက်ပါ။

ခြေထောက်နဲ့ လက်ကို ကားနိုင်သမျှ ကားလိုက်ပါ

ဒီလေ့ကျင့်ခန်းရဲ့ အစကတော့ ရိုးရိုး Plank ထောက်တဲ့အနေအထားကနေ စရပါမယ်။ ထို့နောက် ခြေထောက်နဲ့ လက်ကို တဖြည်းဖြည်း ကားနိုင်သမျှ ကားလိုက်ပါ။ ထို့ကဲ့သို့ ကားနေတဲ့အချိန်မှာ ခန္ဓာကိုယ်ကို တဖြည်းဖြည်းအောက်နိမ့်ချလိုက်ပါ။

လက်ဘေးကပ်ပြီး Plank ထောက်ပါ

ဒီလေ့ကျင့်ခန်းကတော့ လက်တစ်ဖက်ကို ခန္ဓာကိုယ် ဘေးဘက်ကပ်လိုက်ပါ။ အခြားလက်တစ်ဖက်ကိုတော့ ထောက်ထားလိုက်ပါ။ ထိုအနေအထားအတိုင်း စက္ကန့်အနည်းငယ်ခန့် တောင့်ခံထားပါ။ ပြီးတာနဲ့ အခြားလက်တစ်ဖက်ပြောင်းလုပ်ပေးလိုက်ပါ။

ခန္ဓာကိုယ်ကို ဘယ်ညာ ယိမ်းပါ

အရင်ဦးဆုံး ရိုးရိုး Plank ထောက်တဲ့ အနေအထားနဲ့ စတင်ပါ။ ထို့နောက် ခန္ဓာကိုယ်ကို ဘယ်ယိမ်းလိုက် ညာယိမ်းလိုက် ပြုလုပ်ပေးလိုက်ပါ။

ခြေထောက်မလေ့ကျင့်ခန်း

လေ့ကျင့်ခန်း အစပြုဖို့ရန်အတွက် ရိုးရိုး Plank နဲ့ စတင်လိုက်ပါ။ ထို့နောက် ခြေထောက်တစ်ဖက်ကို အပေါ်မြှောက်လိုက်ပါ။ မြှောက်ပြီးတဲ့အခါ မူလအနေအထားအတိုင်း ပြန်ချပါ။ ထို့နောက် အခြားတစ်ဖက် ပြောင်းလုပ်ပါ။ ဘယ်ညာ တစ်လှည့်စီပြုလုပ်ပေးရမှာပဲဖြစ်ပါတယ်။

Source: Brightside.me