အားလုံးပဲမင်္ဂလာပါနော်။ Return of Superman ဆိုတဲ့ အစီအစဥ်ဟာ ကိုယ်ရင်းနှီးတဲ့ ကိုယ်သဘောကျတဲ့ အနုပညာရှင်တွေနဲ့အတူ သူတို့ရဲ့ သားသမီးလေးတွေပါ အတူပါဝင်ထားတဲ့ အစီအစဥ်မို့ လူတော်တော်များများ ကြည့်ဖြစ်ပြီး သဘောကျကြပါတယ်။ Return of Superman ထဲက အင်မတန်လူချစ်များခဲ့ကြတဲ့ ကလေးတွေထဲက Sam Hammington ရဲ့ သားနှစ်ယောက် William နဲ့ Bentley ကို ပရိတ်သတ်တွေလည်း အခုချိန်ထိ မှတ်မိနေကြအုံးမယ်ထင်ပါတယ်။
တချို့တွေဆို သူတို့မိသားစုလေးက အစီအစဥ်ထဲမှာ မပါဝင်တော့တာတောင်မှ သူတို့ရဲ့ တခြားအစီအစဥ်တွေကို ရှာပြီးကြည့်နေကြဆဲပါပဲ။
သူတို့ကိုတော့ William နဲ့ Bentley လို့ လူသိများကြပေမယ့် ကိုရီးယားနာမည်တွေကတော့ Jeong Tae-oh နဲ့ Jeong Woo-seong တို့ဖြစ်ပါတယ်။ William ရဲ့မွေးနေ့က ၂၀၁၆ ခုနှစ် ဇူလိုင် ၁၂ ရက်နေ့ဖြစ်ပြီး Bentley ကတော့ ၂၀၁၇ ခုနှစ် နိုဝင်ဘာလ (၈) ရက်နေ့ပါ။
၂၀၁၆ ခုနှစ်မှာ The Return of Superman ကိုရီးယား ရုပ်မြင်သံကြားအစီအစဉ်မှာ စတင်ပါဝင်လာခဲ့ပြီး ပရိသတ်တွေ ချစ်မိသွားစေခဲ့သလို အခုဆိုရင်တော့ ဆယ်လီလေးတွေ ဖြစ်သွားကြပြီပေါ့နော်။
အခုတစ်ခေါက်မှာတော့ သူတို့ သားအဖ (၃) ယောက်ရဲ့ ကြည်နူးစရာပုံရိပ်လေးတွေကို မျှဝေပေးလိုက်ပါတယ်။
Image Source: Pinterest
