All of Us Are Dead ကြည့်ပြီး Park Solomon ကိုကြွေနေကြသူများအတွက် သူ့ရဲ့Drama List လေးတွေကို စုစည်းပြီး ဖော်ပြပေးလိုက်ပါတယ်။ တစ်ခုချင်းပြန်ရှာကြည့်လို့ရတာပေါ့။

Bride of the Century

2014 တုန်းကထွက်ထားတဲ့ Drama ဖြစ်ပြီး ဒီ Drama ထဲမှာတော့ Guest Role နေရာကနေ Choi Kang Joo အဖြစ်နဲ့ ပါဝင်သရုပ်ဆောင်ခဲ့ပါတယ်။ ဒါက Solomon ရဲ့ ပထမဆုံး Drama လေးဖြစ်ပြီး သူ့ရဲ့အသက်ကလည်း ဆယ်ကျော်သက်လေး 15 နှစ်ပဲရှိပါသေးတယ်။

Legendary Witch

2014 တုန်းကထွက်ထားတဲ့ Drama ဖြစ်လို့ ဒီမှာဆိုရင်လည်း Solomon ရဲ့အသက်က 15 နှစ်ပဲရှိပါသေးတယ်။ ဒီ Drama လေးထဲမှာဆိုလည်း Guest Role နေရာကနေ Ma Do Hyun အဖြစ်နဲ့ ပါဝင်သရုပ်ဆောင်ခဲ့ပါတယ်။

Doctors

2016 မှာထွက်ထားတဲ့ Doctors ဆိုတဲ့ Drama ထဲမှာတော့ Guest Role နေရာကနေ Hong Ji Hong အဖြစ်နဲ့ ပါဝင်သရုပ်ဆောင်ခဲ့ပါတယ်။ ဒီ Drama ရိုက်ကူးချိန်မှာတော့ Solomon ဟာ 17 နှစ် ကောင်လေးတစ်ယောက်ပေါ့။

The Guardians

2017 တုန်းကထွက်ခဲ့တဲ့ ဒီ Drama ထဲမှာဆိုရင်တော့ Support Role နေရာကနေ Yoon Shi Wan အဖြစ်နဲ့ ပါဝင်သရုပ်ဆောင်ခဲ့ပါတယ်။ ဒါက Support Role နေရာကနေပါဝင်ခဲ့တဲ့ ပထမဆုံး Drama လေးလည်း ဖြစ်ပါတယ်။

Sweet Revenge

2017 မှာထွက်ထားတဲ့ Sweet Revenge ကတော့ Solomon ရဲ့ ပထမဆုံးသော Main Role နေရာကနေ ပါဝင်ထားတဲ့ Drama လေးပါပဲ။ ဒီ Drama လေးထဲမှာတော့ Solomon ရဲ့အသက်က 18 နှစ်ရှိပါပြီ။ Shin Ji Hoon ဆိုတဲ့ ကောင်လေးအဖြစ်နဲ့ သရုပ်ဆောင်ခဲ့ပြီး တချို့ဆိုရင် Sweet Revenge မှာထဲက Solomon ကို စကြွေခဲ့ကြတာပါ။ အရမ်းလည်းရယ်ရတဲ့ Drama လေးဖြစ်တာကြောင့် မကြည့်ရသေးရင် ကြည့်သင့်ပါတယ်။

Lookism

2019 မှာထွက်ထားတဲ့ Drama ဖြစ်ပြီး Main Role နေရာကနေ “Handsome” Tuo Wen Shuai / Kris အဖြစ်နဲ့ ပါဝင်သရုပ်ဆောင်ထားပါတယ်။ ဒီ Drama ထဲမှာလည်း Solomon က အရမ်း Handsome ဖြစ်တာကြောင့် Must Watch ပါပဲ။

All of Us Are Dead

2 နှစ်လောက် Drama ရိုက်တာတွေနားထားပြီး 2022 မှာတော့ All of Us Are Dead ဆိုတဲ့ Drama လေးမှာ Lee Soo Hyeok အဖြစ်နဲ့ ပြန်လာခဲ့ပါတယ်။ ကြည့်ပြီးတဲ့သူတွေကတော့ ဒီမှာပဲ Solomon ကို စကြွေကြတော့တာပါပဲ။ မကြည့်ရသေးရင်တော့ Zoombie ကားတွေကြိုက်ရင် ကြည့်သင့်တဲ့ Drama ကောင်းလေးပါ။

Solomon ကို အသည်းစွဲဖြစ်နေကြတဲ့သူတွေအတွက် ဝမ်းသာစရာသတင်းကတော့ Third Person Revenge ဆိုတဲ့ Drama အသစ်လေးမှာ Main Role နေရာကနေ ပါဝင်သရုပ်ဆောင်ဖို့ရှိပါတယ်။ ဘယ်တော့ ထုတ်လွှင့်ပြသမယ်ဆိုတာကိုတော့ ဖော်ပြထားခြင်း မရှိသေးပါဘူး။