ချွေးပေါက်ကျယ်တဲ့သူတွေအတွက် သင်္ဘောသီးနဲ့ချွေးပေါက်တွေကျဉ်းသွားအောင်ကုသနိုင်မယ့်နည်းလမ်း

ချွေးပေါက်တွေကျယ်ရင် အဆီပိုပြန်ပါတယ်။ ဒါ့အပြင် မိတ်ကပ်လိမ်းရင်လည်း ချွေးပေါက်ကျယ်တော့ အဆီပြန်ပြီး ခဏလေးနဲ့ မိတ်ကပ်ကွက်တာမျိုး၊ မိတ်ကပ်စင်အောင် မဖျက်တဲ့အခါ ဝက်ခြံပေါက်တာမျိုးတွေ ခဏခဏဖြစ်နေတတ်ပါတယ်။ ဒါကြောင့် ချွေးပေါက်ကျယ်နေရင် ချွေးပေါက်ကျဉ်းစေမယ့် Product တွေ Skincare တွေကို ရွေးပြီးသုံးပေးသင့်ပါတယ်။

အိမ်မှာပဲ ပုံမှန်လေးပေါင်းတင်ပြီး ချွေးပေါက်ကျဉ်းအောင် လုပ်ချင်တဲ့သူတွေအတွက်ကတော့ သင်္ဘောသီးကိုသုံးပြီး ချွေးပေါက်တွေကျဉ်းသွားအောင် ကုသနိုင်မယ့်နည်းလမ်းကောင်းလေးကို မျှဝေပေးလိုက်ပါတယ်။

Photo Source: www.pinterest.com

လုပ်ရမယ့်ပုံစံကတော့ သင်္ဘောသီးအမှည့်ကို အခွံခွာ၊ အစေ့တွေဖယ်ပြီး အသားတွေကိုယူကာ ပန်းကန်ထဲထည့်ချေပါ။ သေချာကျေညက်အောင်ချေပြီးရင် မျက်နှာမှာ အနှံ့သုတ်လိမ်းပြီး မိနစ် ၂၀ ထားရပါမယ်။ အချိန်ပြည့်ရင် မျက်နှာသစ်ပြီး ကိုယ်လိမ်းနေကျ Skincare တွေ လိမ်းပေးပါ။ မျက်နှာသစ်ရင် ရေနဲ့ပဲသစ်လို့လည်းရသလို၊ မျက်နှာသစ်ဆေးသုံးပြီး သစ်လို့လည်းရပါတယ်။