Oversized T Shirt တွေက လူငယ်မိန်းကလေးတွေကြား အဝတ်များတဲ့ ဖက်ရှင်စတိုင် ဖြစ်ပါတယ်။ အထူးသဖြင့် လူငယ်ဆန်ဆန် ပေါ့ပေါ့ပါးပါး ဝတ်ရတာ သဘောကျတဲ့ လူငယ်မိန်းကလေးတွေ T Shirt အပွကို ရွေးချယ်လေ့ရှိကြပါတယ်။
T Shirt အပွက လူငယ်ဆန်တယ်ဆိုပေမယ့် လက်အကျ ဒီဇိုင်းဖြစ်ကာ အပွဖြစ်တာကြောင့် တစ်ခါတလေ တွဲစပ်ရ ခက်ခဲတတ်ပါတယ်။ မတွဲတတ်ရင် အပေါ်က အပွနဲ့ အောက်ဘောင်းဘီရှည်က လွတ်လွတ်လပ်လပ် မရှိလှပါဘူး။ သင်က ဒီလို အခက်အခဲ ကြုံနေတယ်ဆိုရင်တော့ ဖော်ပြပါ ဖက်ရှင်တွေအတိုင်း စမ်းဝတ်ကြည့်သင့်ပါတယ်။ ဒီတော့ အိုင်ဒီယာတွေကို ကြည့်လိုက်ရအောင်နော်-
ခါးရှည် ဘောင်းဘီတိုထဲ T Shirt အပွကို ထည့်ဝတ်တာက ပေါ့ပေါ့ပါးပါး ရှိတဲ့ ဖက်ရှင်စတိုင် ဖြစ်ပါတယ်။
Skirt တိုလေးနဲ့ ဆိုရင်တော့ Oversized T Shirt လက်အရှည်ကို ခေါက်လိုက်ကာ စကပ်ထဲ ထည့်ဝတ်နိုင်ပါတယ်။ ဒီလိုဆိုရင် စတိုင်ကျ စမတ်ကျတဲ့ အထာမျိုး ရမှာပါ။
ဆွဲဆောင်မှုရှိရှိ ခန္ဓာကိုယ် ကောက်ကြောင်း ပေါ်ချင်ရင် တီရှပ်ကို ဘောင်းဘီတိုထဲ ထည့်ဝတ်ပြီးနောက် ခါးပတ်လေးနဲ့ ခါးကို ပတ်နိုင်ပါတယ်။
Jean ဘောင်းဘီတိုနဲ့အတူ Oversized T Shirt ကို တစ်ဝက်တပျက်ပဲ ခေါက်ထည့်ကာ ဝတ်တာက အထာကျပါတယ်။
Biker Short နဲ့ Oversized T Shirt က လ်ိုက်ဖက်လွန်းတာမို့ Biker Short တစ်ထည် ပိုင်ဆိုင်ထားတာက မမှားပါဘူး။
ရှပ်အင်္ကျီအပွကို စကပ်ထဲ အပြည့်ထည့်လိုက်မယ်ဆိုရင်တော့ ကိုးရီးမလေးတွေ ပေါ့ပေါ့ပါးပါး ဝတ်သလို ဖြစ်သွားပါပြီ။
ဒီစတိုင်ကတော့ ကံကောင်းတဲ့ ပျိုမေတို့ပဲ အထာကျကျ ဝတ်နိုင်မယ့် စတိုင်လို့ ပြောလို့ရပါတယ်။
Oversized T Shirt နဲ့အတူ Ripped Jeans အတွဲအစပ်က ပေါ့ပေါ့ပါးပါး ရှိကာ လွတ်လွတ်လပ်လပ်လည်း ဖြစ်ပါတယ်။
ဘောင်းဘီတိုလေးနဲ့ လူငယ်ဆန်ဆန် တွဲဝတ်ချင်တဲ့ ကောင်မလေးတွေအနေနဲ့ ခြေအိတ်ရှည်ကို မမေ့သင့်ပါဘူး။
Oversized T Shirt ကို အမြင်မရိုင်းချင်ရင် စကပ်အရှည်ထဲပါ ထည့်ဝတ်နိုင်ပါတယ်။ သင့်ခန္ဓာကိုယ် Shape ကိုပါ ပေါ်စေနိုင်ပါတယ်။
Oversized T Shirt အထက်က ဂျင်းအနွေးထည်အပွလေးကိုလည်း လိုက်ဖက်စွာ ဝတ်ဆင်နိုင်ပါသေးတယ်။
Photo Source: Pinterest
By MyStyle Myanmar
