Kpop Idol ဖက်ရှင် Idea လေးတွေကို စိတ်ဝင်စားကြတဲ့ ပျိုမေတို့ အားလုံးပဲ မင်္ဂလာပါနော်။ ဒီတစ်ခေါက် ဖက်ရှင်ချစ်သူတို့အတွက် ဖော်ပြပေးချင်တဲ့ အနုပညာရှင်ကတော့ အဆို၊ အက တော်တဲ့အပြင် Visual ပိုင်းမှာပါ အပြစ်ပြောစရာမရှိတဲ့ မျက်နှာပေါက်လှလှလေးကို ပိုင်ဆိုင်ထားတဲ့ Solo အဆိုတော်မလေး Kwon Eunbi ပဲဖြစ်ပါတယ်။

အသက် ၂၆ နှစ်ရှိပြီဖြစ်တဲ့သူမဟာ ငယ်ငယ်ကတည်းက အကပိုင်းကို ဝါသနာပါခဲ့သူဖြစ်ပြီး အသက် ၁၇ နှစ်မှာ စီနီယာ Kpop မိန်းကလေးအဖွဲ့အချို့ရဲ့ နောက်ခံအကသမားအဖြစ်ပါဝင်ခဲ့ဖူးသူလည်းဖြစ်ပါတယ်။ ၂၀၁၄ ခုနှစ်မှာ ‘Kazoo’ ဆိုတဲ့နာမည်နဲ့ “Ye-A” ဆိုတဲ့ အဖွဲ့မှာ ပါဝင်ခဲ့ပြီး သီချင်းတစ်ပုဒ်ထွက်ရှိခဲ့ပါတယ်။ အဖွဲ့ကွဲပြီးနောက် ၂၀၁၈ ခုနှစ်မှာ Produce 48 ပြိုင်ပွဲဝင်ပြိုင်ခဲ့ပြီး အနိုင်ရရှိကာ ‘IZ*ONE’ အဖွဲ့ဝင် ခေါင်းဆောင်အဖြစ် ပွဲဦးထွက်နိုင်ခဲ့သူလည်း ဖြစ်ပါတယ်။

လက်ရှိမှာတော့ သူမဟာ Solo အနုပညာရှင်တစ်ဦးအဖြစ်ရပ်တည်နေပြီး Album နှစ်ခွေအထိ ထွက်ရှိထားပြီးသူဆိုရင်လည်းမမှားပါဘူး။ သူမဟာ ကိုယ်တိုင်ရေးသီချင်းတွေသီဆိုလေ့ရှိသလို ‘IZ*ONE’ အဖွဲ့အတွက်လည်း သီချင်းတွေရေးစပ်ပေးခဲ့သူတစ်ဦးပါ။ လက်ရှိမှာ သူမရဲ့ ပထမဆုံး တစ်ကိုယ်တော် Concert ကိုကျင်းပဖို့ ပြင်ဆင်နေတယ်လို့ ပရိသတ်တွေကို အသိပေးထားပါတယ်။

သူမဟာ Kpop Idol တွေဖြစ်ကြတဲ့ Pentagon အဖွဲ့ဝင် Kino ၊ Ha Sung Woon ၊ Youtuber Free Zia တို့နဲ့အတူ ဖက်ရှင်အစီအစဉ်တစ်ခုရိုက်ကူးခဲ့ဖူးတာကြောင့် ခေတ်မှီတဲ့ ဖက်ရှင်အမြင်ရှိသူလေး တစ်ယောက်ဆိုရင်လည်း မမှားပါဘူး။

ဒီတော့ ဒီတစ်ခေါက်မှာ မော်ဒယ်တစ်ယောက်လို ကိုယ်လုံးကိုယ်ပေါက်နဲ့ မျက်နှာပေါက်လေးပိုင်ဆိုင်ထားတဲ့ Solo အဆိုတော် Eunbi ရဲ့ ဖက်ရှင်ပုံရိပ်လေးတွေကို ဖော်ပြပေးလိုက်ပါတယ်။ ပေါ့ပေါ့ပါးပါးနဲ့ ခေတ်ဆန်တဲ့ ဖက်ရှင်အစပ်လေးတွေဖြစ်တာမို့ အခုခေတ် လူငယ်ကောင်မလေးတွေနဲ့လည်း လိုက်ဖက်စေမှာပါ။

Photo Source: Pinterest

By MyStyle Myanmar