ခန္ဓာကိုယ် တဖြောင့်တည်း သွားတဲ့ ခန္ဓာကိုယ် ပိုင်ရှင်တွေကို Rectangular Body Shape လို့ ခေါ်ကြပါတယ်။ ဒီ Body Type တွေက ခါးနေရာ အဆီကျဖို့ ခက်ခဲသလို ခါးပိုသေးဖို့လည်း ပိုခက်တတ်ပါတယ်။ ဒါ့အပြင် ခါးက တစ်တန်းတည်း သွားတာမို့ အဝတ်အစား ဝတ်တဲ့အခါ လှည့်ကွက်တွေကို သိမှ ခါးပိုသေးတယ် ထင်ရစေနိုင်ပါတယ်။ သင့်အနေနဲ့ ဒီလို အချိုးအစား မျိုးကို ပိုင်ဆိုင်ထားလို့ စိတ်ညစ်စရာ မလိုပါဘူး။
အစားအသောက် ကို ကျန်းမာရေးနဲ့ ညီညွတ်အောင်စားကာ လေ့ကျင့်ခန်း ပုံမှန် လုပ်ပေးမယ် ဆိုရင် ခါးနေရာအဆီ မရှိဘဲ ခါးသေးတဲ့ မိန်းကလေးတွေ ထက်တောင် ပိုအထာကျကျ ဝတ်နိုင်ပါသေးတယ်။ ဒီတစ်ခေါက်မှာတော့ ခါးပိုသေးတယ်ထင်ရစေမယ့် ဖက်ရှင်ဝတ်ဆင်ပုံတွေကို ဖော်ပြလိုက်ပါတယ်။
ဘောင်းဘီအပွ
ဘောင်းဘီအပွကိုပဲ Boot Cut Jeans တွေ၊ ကြယ်သီးနေရာ Cross ပုံစံသွားတဲ့ Criss Cross Jeans တွေ၊ အောက်ပွ ခေါင်းလောင်း ဘောင်းဘီ၊ ခါးနေရာ အကျပ် Jeans တွေက သင့်ခါးကို ပိုပေါ်စေပါတယ်။ ရှောင်သင့်တဲ့ Jeans တွေက တစ်ဖြောင့်တည်း သွားတဲ့ဘောင်းဘီ၊ ပွလွန်းတဲ့ Baggy Jeans တွေကို ရှောင်သင့်ပါတယ်။
Top ဝတ်တဲ့အခါ
အပေါ်အင်္ကျီ Top ကို ရွေးချယ်တဲ့အခါ ခါးပတ်ပါတဲ့ ခါးတို အင်္ကျီ၊ ခါးနား စည်းထားတဲ့ ခါးတို မျိုး၊ အပေါ် ဖဲပြားပုံစံ စည်းထားတဲ့ Top, လည်ပင်းကျယ်တဲ့ အင်္ကျီ၊ ရင်ဘတ်နေရာ ဖဲပြားပါတဲ့ Crop လေးတွေ၊ ပခုံးတစ်ဘက်ပါတဲ့ Top တွေ၊ ပခုံးနေရာမှာ ဖောက်ထားတဲ့ Top မျိုးတွေနဲ့ လိုက်ဖက်ပါတယ်။ ရှောင်သင့်တဲ့ Top တွေကတော့ ခါးနေရာကျယ်သွားတဲ့ Crop တွေ၊ လည်ပင်းလေးထောင့်ပုံစံ Crop တွေ၊ ရင်ပြတ် Crop၊ လည်ပင်းအပိတ် လက်ရှည် Top တွေ ဖြစ်ပါတယ်။
ဂါဝန်
ဂါဝန်ဝတ်တဲ့အခါ ခါးနေရာမှာ Cut ပါတဲ့ ဂါဝန်တွေ၊ ခါးနေရာ စည်းထားတဲ့ ဂါဝန်တွေ၊ ခါးနေရာ စည်းပြီး အောက်ဘက်ပွသွားတဲ့ Peplum Dress တွေ၊ A Line Dresses တွေ၊ Mermaid Dress တွေနဲ့ လိုက်ဖက်ပါတယ်။ ရှောင်သင့်တဲ့ Dress တွေကတော့ တစ်တန်းတည်းသွားတဲ့ ဂါဝန်တွေ ဖြစ်ပါတယ်။
Photo Source: Pinterest
By MyStyle Myanmar
