Casual ကျကျ ပေါ့ပေါ့ပါးပါး ဝတ်ချင်သူတွေအကြားမှာ Flannel Shirts တွေကလည်း လူကြိုက်များကြတာပါပဲ။ ဖလန်နယ်သားနဲ့ လုပ်ထားတဲ့ ရှပ်တွေ ဖြစ်လို့ နွေးထွေးပေါ့ပါးတာကြောင့် ဆောင်းရာသီလို ရာသီဥတုအေးတဲ့အချိန်တွေမှာလည်း ဝတ်လို့ ရပါတယ်။
Flannel နဲ့ Stylish ဖြစ်ချင်ရင် အခုပြောမယ့် Outfit စတိုင်လေးတွေလည်း စမ်းကြည့်သင့်ပါတယ်။
(၁) Jeans နဲ့ ဝတ်ပါ
အရိုးရှင်းဆုံးနဲ့ အဝတ်အများဆုံး Flannel Shirt ဝတ်နည်းတစ်ခုက Jeans ဘောင်းဘီနဲ့ တွဲဝတ်တာပဲ ဖြစ်ပါတယ်။ များသောအားဖြင့် Skinny Jeans တွေ ၊ Slim Fit ဆန်တာတွေနဲ့ ဝတ်လေ့ရှိပါတယ်။ အရောင်ကိုတော့ Dark Denim ဖြစ်ဖြစ် အရောင်ဖျော့ဖျော့ ဂျင်းပြာနဲ့ ဖြစ်ဖြစ် တွဲဝတ်နိုင်ပါတယ်။
(၂) T-Shirt/Crop Top အပေါ်ကနေ ဝတ်ပါ
ဖလန်နယ်သားတွေက နည်းနည်း ထူပါတယ်။ ဒါကြောင့်ပဲ သူ့ချည်းဝတ်တာထက် Outer Layer အဖြစ် အပေါ်ကနေ ထပ်ဝတ်တာ များပါတယ်။ အေးစိမ့်စိမ့်ရာသီမျိုးမှာ အောက်က တီရှပ်ပြောင် Plain T-Shirt လေးဖြစ်ဖြစ် Crop Top လေးဖြစ်ဖြစ် ခံပြီး အပေါ်က သပ်သပ်ရပ်ရပ်နဲ့ ကြည့်ကောင်းတဲ့ Flannel Shirt လေး ထပ်ဝတ်သွားဖို့ အကြံပေးချင်ပါတယ်။
(၃) Denim Jacket ဖက်ရှင် ဝတ်ပါ
သိပ်အေးတဲ့အခါ Flannel Shirt အပေါ်မှာ ဂျာကင်ထပ်ဝတ်နိုင်ပါတယ်။ အရောင်ကိုတော့ အောက်ခံရှပ်အရောင်ပေါ်လိုက်ပြီး အရောင်ချင်း Match ဖြစ်အောင် ဝတ်ရမှာ ဖြစ်ပါတယ်။
(၄) Sweater နဲ့ ဝတ်ပါ
Jacket မကြိုက်ရင် Sweater နဲ့လည်း Flannel ကို ကြည့်ကောင်းအောင် ဝတ်လို့ ရပါတယ်။ အရမ်းအေးနေတဲ့ အချိန်မျိုးမှာ ဒီဖက်ရှင်က ပိုအဆင်ပြေပါတယ်။ Flannel Shirt အပေါ်က ဝတ်မယ့် Sweater ဟာ အရောင်တစ်ရောင်တည်းရှိတဲ့ Plain Sweater ဖြစ်ဖို့တော့ လိုပါတယ်။
