ဓာတ်ပုံထဲမှာ တက်တူးနဲ့အထာကျချင်သူတွေအတွက် လက်မောင်းမှာထိုးလို့ရတဲ့ တက်တူးဒီဇိုင်းလေးတွေ

မင်္ဂလာပါ ပျိုမေတို့ရေ။ တက်တူးထိုးပြီး ဓာတ်ပုံထဲမှာ ပေါ်နေအောင် အထာကျကျလေး ရိုက်ချင်တယ်ဆိုရင် လက်မောင်းနှစ်ဖက်ပေါ်မှာ ထိုးဖို့ တိုက်တွန်းချင်ပါတယ်နော်။ မိန်းကလေးတွေမှာ လက်မောင်းတက်တူး ထိုးတဲ့သူက ရှားပေမယ့် ဓာတ်ပုံရိုက်တဲ့အခါ ဒီလို လက်ပေါ်မှာ ထိုးတဲ့တက်တူးလေးတွေက ပိုထင်းပါတယ်။

Selfie ပဲရိုက်ရိုက် အဝေးကပဲရိုက်ရိုက် ကိုယ့်ရဲ့ အပေါ်ပိုင်း Outfit ကိုပါ အထာပိုကျအောင် ပံ့ပိုးပေးမှာပါ။ အသားပိုလင်းသွားသလိုပါ မြင်ရတာမို့ သင်က တက်တူးထိုးရတာလည်း ကြိုက်တယ် တက်တူးနဲ့အမှတ်တရ ပုံလှလှလေးလည်း ရိုက်ချင်တယ်ဆိုရင် အခုဖော်ပြပေးမယ့် တက်တူးဒီဇိုင်းလေးတွေက သင့်အတွက်ပါပဲ။ လူငယ်ဆန်ဆန် ဒီဇိုင်းလေးတွေရှာနေတဲ့သူတွေအတွက် အိုင်ဒီယာရစေမှာဖြစ်လို့ စိတ်ဝင်စားတယ်ဆိုရင် ကြည့်လိုက်ရအောင်နော်-

Cele တွေကိုယ်တိုင် ထိုးလေ့ရှိတဲ့ လိပ်ပြာ ပုံဒီဇိုင်းလေး ဖြစ်ပါတယ်။ လိပ်ပြာပုံလေးတွေက ခပ်ကြီးကြီးထိုးလဲ အမြင်မရိုင်းတာမို့ မိန်းကလေးတိုင်းအတွက် အဆင်ပြေမှာပါ။

ပန်းပုံလေးတွေထိုးမယ်ဆို အရောင်နဲ့ကိုမှ အပွင့်ကားကား အရိုးရှည်ရှည်နဲ့ ခပ်ပါးပါးဆွဲထားတဲ့ ဒီဇိုင်းလေးတွေ ပန်းပွင့်သေးသေး အရောင်နုတာလေးတွေ စပ်ပြီးထိုးကြည့်ပါနော်။