သဘာဝ ပစ္စည်းတွေ ဖြစ်တဲ့ ရှားစောင်းလတ်ပတ်၊ ခရမ်းချဉ်သီး၊ ထောပတ်သီး၊ သခွားသီး၊ ပျားရည် စတဲ့ ပစ္စည်းတွေကို အလှကုန်တွေရဲ့ Ingredients တွေထဲမှာ အမြဲ မြင်တွေ့နိုင်ပါတယ်။ သင် ငယ်စဉ်ကလည်း အိမ်မှာရှိတဲ့ သဘာဝ ပစ္စည်းတစ်မျိုးမျိုးနဲ့ သင့်အသားအရေကို Skin Care ဖူးမှာပါ။ ဒီတစ်ခေါက်မှာတော့ တစ်ခါ လုပ်ကြည့်ရုံနဲ့ မျက်နှာသိသိသာသာ Glow လာစေမယ့် သဘာဝ ပစ္စည်းတွေနဲ့ DIY နည်းလမ်းတစ်ခုကို ဖော်ပြပါရစေ။
နည်းလမ်း
သန့်ရှင်းတဲ့ ခွက်တစ်ခွက်ထဲကို ပျားရည်တစ်ဇွန်း ထည့်ပေးရပါမယ်။ ပျားရည်က အသားအရေကို စိုပြေကာ ပိုးသတ်ပေးတဲ့ အာနိသင် ရှိပါတယ်။
Photo Source: Byrdie
နောက်တစ်ဆင့်အနေနဲ့ သံပယိုရည် အနည်းငယ်ကို ထည့်ရပါမယ်။ သံပယိုရည်က အသားအရေကို တောက်ပစေကာ Glow စေနိုင်ပါတယ်။
Photo Source: Pinterest
နနွင်းမှုန့် တစ်ဇွန်းကို ပျားရည်နဲ့ သံပယိုရည် ထဲ ထပ်ထည့်ရပါမယ်။ နနွင်းမှုန့်ကတော့ အမည်းစက်တွေကို လျော့ပါးစေကာ အမာရွတ်ရှိရင် သက်သာစေပါတယ်။ နနွင်းမှုန့်က အယောင်အယမ်းကျစေတဲ့အပြင် ချွေးပေါက်ပိတ်နေတာကိုပါ ပွင့်သွားစေနိုင်ပါတယ်။
Photo Source: ShineSheets
ပြီးနောက် နောက်ဆုံး ပါဝင်ပစ္စည်း အနေနဲ့ သံလွင်ဆီ တစ်ဇွန်း ထပ်ထည့်ရပါမယ်။ သံလွင်ဆီက အသားအရေကို စိုပြေစေကာ Glow စေပါတယ်။
Photo Source: Pinterest
ဒီ သဘာဝပစ္စည်းတွေကို ရောပြီးနောက် မျက်နှာပေါ် လိမ်းပေးရပါမယ်။ လိမ်းပြီးနောက် ၁၀ မိနစ် ထားရပါမယ်။ ပြီးရင်တော့ ပုံမှန်အတိုင်း မျက်နှာသစ်ဆေးနဲ့ မျက်နှာသစ်ပေးရပါမယ်။ ပြီးတာနဲ့ အစိုဓာတ်ထိန်းခရင်နဲ့ သေချာ ရေဓာတ် ပြန်ဖြည့်ပေးရပါမယ်။
ဒီနည်းလမ်းက သင့်အသားအရေ Glow လာဖို့ ကူညီပေးပါလိမ့်မယ်။
By MyStyle Myanmar
