ချစ်ဖို့ကောင်းအောင် ကြိုးတစ်လုံးဂါဝန်တွေကို နှစ်ထပ်ဝတ်လို့ရမယ့် ဖက်ရှင်အိုင်ဒီယာများ

ချစ်ဖို့ကောင်းတဲ့ Cute Type လေးတွေကြိုက်တဲ့ မိန်းကလေးတွေအတွက် ဒီတစ်ခါမှာတော့ ချစ်ဖို့ကောင်းအောင် ကြိုးတစ်လုံးဂါဝန်တွေကို ဒီတိုင်းမဝတ်ပဲ အောက်ကနေ အင်္ကျီလေးတွေခံပြီး နှစ်ထပ်ဝတ်လို့ရမယ့် ဖက်ရှင်အိုင်ဒီယာတွေကို မျှဝေပေးလိုက်ပါတယ။ ကြိုးတစ်လုံးဂါဝန်ကို ဒီတိုင်းဝတ်တာတစ်မျိုး၊ အပေါ်ကနေ Cardigan ထပ်ဝတ်တာတစ်မျိုး၊ အောက်ကနေအင်္ကျီခံဝတ်တာ တစ်မျိုးဆိုရင် ဖက်ရှင် ၃ မျိုးတောင် ရတယ်ဆိုတော့ တစ်ထည်ထဲနဲ့ အဆင်ပြေနေပြီနော်။

ဒီဖက်ရှင်လေးမှာဆိုရင် လူငယ်ဆန်ပြီး ချစ်ဖို့ကောင်းအောင် ဝတ်ထားတာ ရိုးရိုးရှင်းရှင်းလေးပါပဲ။ Boots စီးလိုက်တော့ ပိုပြီးဖက်ရှင်ကျသွားတာပေါ့။

အောက်ကနေ ဘာအင်္ကျီခံဝတ်ရမှန်းမသိရင် T shirt ဗြောင်တွေသာ ခံဝတ်လိုက်ပါ။ ချစ်ဖို့ကောင်းတာပါပဲ။

ကြိုးတစ်လုံးဇာဂါဝန်လေးတွေဆိုရင် ဒီလိုမျိုး နှစ်ထပ်ဝတ်လို့ရပါသေးတယ်။

ညအိပ်ဝတ်ဂါဝန်ကိုလည်း ဖက်ရှင်ဆန်းအောင် ဒီလိုနှစ်ထပ်ဝတ်လို့ရပါတယ်။ သူများနဲ့မတူတဲ့ ဖက်ရှင်မျိုး ဆန်းသစ်တာမျိုး ဝတ်ချင်ရင် ဒီလိုလေးတွေလည်း ဝတ်ကြည့်နော်။

ဒီဖက်ရှင်လေးကတော့ လုံးဝကို Cute ဖြစ်တာမျိုးဆိုတော့ လူငယ်ကောင်မလေးတွေ၊ ဆယ်ကျော်သက်လေးတွေနဲ့ ပိုပြီးလိုက်ဖက်ပါတယ်။

Floral ကြိုးတစ်လုံးဂါဝန်လေးတွေဆိုရင်လည်း အောက်ကနေ ဒီလိုလက်ရှည်လေးတွေ ခံဝတ်လိုက်မယ်ဆိုရင် ချစ်ဖို့ကောင်းနေတာပါပဲ။ အေးတဲ့နေရာဒေသတွေမှာဆို ဒီလိုလေးဝတ်လို့ရတယ်နော်။

ဂါဝန်က Body fit လေးဆိုရင် နောက်ကနေ ရှပ်အင်္ကျီလေးခံဝတ်ပြီး Boots လေးစီးလိုက်ပါ။ စမတ်ကျပြီးလှပနေမှာ သေချာပါတယ်။

ဒီလိုကြိုးတစ်လုံးဂါဝန်လေးဆိုရင် တော်တော်များများက Cardigan ထပ်ဝတ်တာမျိုးပဲ လုပ်လေ့ရှိပါတယ်။ သူများနဲ့မတူအောင် ဒီလိုအောက်ကနေ လက်ဖောင်းအင်္ကျီအဖြူလေး ခံဝတ်ကြည့်ပါ။ ပိုချစ်ဖို့ကောင်းပါတယ်။

ဒီလိုကြိုးတစ်လုံးဂါဝန်အရှည်လေးကို အောက်ကနေ T shirt အဖြူလေး ခံဝတ်တာကလည်း အရမ်းချစ်ဖို့ကောင်းပါတယ်။ ဒီလိုဖက်ရှင်လေးဝတ်မယ်ဆိုရင်တော့ ဖိနပ်ကို Sneakers အဖြူလေးစီးပါ။