မင်္ဂလာပါနော်။ Kpop သီချင်း Fan တွေကတော့ ချစ်စရာအဆိုတော်မလေးခြောက်ယောက်နဲ့ ဖွဲ့စည်းထားတဲ့ Oh My Girl အဖွဲ့ကို ကြားဖူးပြီးသားဖြစ်မှာပါနော်။ Oh My Girl အဖွဲ့ထဲက အဖွဲ့ဝင် Yooa ဟာဆိုရင် အဖွဲ့ရဲ့ Main Dancer နဲ့ Lead Vocalist တစ်ဦးဖြစ်ပြီး Solo သီချင်းခွေတွေပါ ထွက်ရှိထားသူဖြစ်ပါတယ်။ နာမည်အပြည့်အစုံ Yoo Shi Ah ဖြစ်ပြီး YooA အနေနဲ့ လူသိများပါတယ်။

၁၉၉၅ ခုနှစ်ဖွားဖြစ်လို့ အသက် ၂၇ နှစ်ရှိနေပြီဖြစ်ပေမယ့် အသက်နဲ့မလိုက်အောင် ချစ်စရာကောင်းတဲ့ မျက်နှာပေါက်လေးကို ပိုင်ဆိုင်ထားသူပါ။ သူမရဲ့ မျက်နှာသေးသေး၊ ဝိုင်းစက်တဲ့မျက်ဝန်းတွေနဲ့ နှုတ်ခမ်းဖူးဖူးတွေကြောင့် အရုပ်ကလေးလို Visual မျိုးပိုင်ဆိုင်ထားတဲ့သူရယ်လို့ ပရိသတ်တွေက အသိအမှတ်ပြုကြပါတယ်။

လတ်တလောမှာ Selfish ဆိုတဲ့ တစ်ကိုယ်တော်သီချင်းကောင်းတစ်ပုဒ်ထွက်ရှိထားပြီး အောင်မြင်မှုတွေရရှိထားတဲ့သူလေးလည်းဖြစ်ပါတယ်နော်။ အဆိုရောအကပါ ထူးချွန်တဲ့ YooA ဟာ ဖက်ရှင်ပိုင်းမှာလည်း သူမရဲ့ ပိန်ပိန်သွယ်သွယ်ခန္ဓာကိုယ်လေးနဲ့ လိုက်ဖက်အောင် ဝတ်တတ်သူတစ်ယောက်ပါ။ သူမဝတ်နေကျပုံစံလေးတွေက ပေ့ါပေါ့ပါးပါးနဲ့ Casual ကျတဲ့ စတိုင်လေးတွေဖြစ်လို့ ထသွားထလာဖက်ရှင်တွေ စိတ်ဝင်စားတဲ့ပျိုမေတို့အတွက် အဆင်ပြေမှာပါ။ ဒီတော့ သူမရဲ့ဖက်ရှင်လေးတွေကို ကြည့်လိုက်ရအောင်နော်-

Photo Source: Pinterest

By MyStyle Myanmar