ညိုချောလေးတွေအတွက် Foundation လိမ်းစရာမလိုတဲ့ Simple ဖြစ်ပြီးလှတဲ့ Glow Makeup Look ပြင်နည်းကို မျှဝေပေးလိုက်ပါတယ်။ Simple ဖြစ်ပြီးလှတာကြောင့် နေ့တိုင်းပြင်ဆင်ဖို့၊ ထသွားထလာပြင်ဆင်ဖို့ အရမ်းအဆင်ပြေပါတယ်။ Foundation လိမ်းစရာမလိုတဲ့အတွက် ငပျင်းလေးတွေအတွက်လည်း အရမ်းအဆင်ပြေတယ်နော်။ Eye Look လေး ပိုလှချင်ရင်တော့ မျက်ကပ်မှန်လေးတပ်ပါ။ ပိုပြီးဆွဲဆောင်မှုရှိရှိနဲ့ လှပါတယ်။
အရင်ဆုံး အညိုရောင် Eyeshadow ကို မျက်ခွံမှာခြယ်ပါမယ်။ မျက်လုံးအောက်နားကိုလည်း ခြယ်ပါမယ်။
Eyeliner အညိုရောင်နဲ့ Eyeliner Wing လေးဆွဲပါမယ်။ အောက်နားကိုလည်း Shade လေးဆွဲပါမယ်။
Mascara နဲ့ အပေါ်မျက်တောင်၊ အောက်မျက်တောင် ကော့ပါမယ်။
မျက်ခုံးမွှေးဆွဲပြီး Brow Gel နဲ့ မျက်ခုံးမွှေးဖြီးပါမယ်။
မျက်မှာပေါ်က အမဲစက်၊ ဝက်ခြံတွေနဲ့ ပုံမှာလုပ်ပြထားတဲ့ မေးစိ၊ နဖူး၊ ပါးနှစ်ဖက်နေရာကို Concealer နဲ့ တို့ပြီး Beauty Sponge နဲ့ Blend လုပ်ပါမယ်။
ပါးနီကို လိမ္မော်ဖောက်တဲ့အရောင်လေး ခြယ်ပါမယ်။
Powder Pact နဲ့ မျက်လုံးအောက်နားကို ဖိဖိပြီးလိမ်းပါမယ်။ Glow Look မပျက်အောင် တခြားနေရာတွေကိုတော့ မလိမ်းတော့ပါဘူး။
Glitter Eyeshadow ကို မျက်ခွံမှာ ခြယ်ပါမယ်။
နှုတ်ခမ်းနီကို အရောင်အဖျော့လေးပဲဆိုးပြီး အပေါ်ကနေ Lip Gloss လေးထပ်ဆိုးပါမယ်။ ဒါမှ Glow Look နဲ့ ပိုလိုက်မှာပါ။
ဒါဆိုရင်တော့ ညိုချောလေးတွေအတွက် Foundation တောင်လိမ်းစရာမလိုတဲ့ Simple Glow Makeup Look လေးကို ရရှိသွားပြီပဲ ဖြစ်ပါတယ်။
