ဆောင်းရာသီဝင်တာနဲ့ အသားခြောက်တာတွေ စဖြစ်လာတတ်လို့ Body Lotion ကို အစိုဓာတ်ကောင်းကောင်းပေးနိုင်တာမျိုး ရွေးသုံးဖို့လိုပါတယ်။ အသားအရမ်းခြောက်လာရင် အသားပတ်တာမျိုးတွေပါ ဖြစ်လာပါလိမ့်မယ်။ ဒါကြောင့် ဆောင်းရာသီအတွက် အသားလုံးဝမခြောက်အောင် ကူညီပေးမယ့် Body Lotion တွေကို ဖော်ပြပေးလိုက်ပါတယ်။
The Body Shop Argan Body Butter
Argan Oil နဲ့လုပ်ထားတဲ့ Body Butter ဖြစ်တာကြောင့် အသားအရမ်းခြောက်တဲ့ Skin Type မျိုးကိုတောင် အစိုဓာတ်ကောင်းကောင်းပေးနိုင်ပါတယ်။ Body Butter လည်းဖြစ်တာကြောင့် 48 နာရီကြာ အစိုဓာတ်ပေးပါတယ်။ ဒါကြောင့် ဆောင်းရာသီအတွက်တော့ အကောင်းဆုံးဖြစ်မှာပါ။
The Body Shop Body Yogurt
ထူထူပျစ်ပျစ်လေးနဲ့ လိမ်းလိုက်ရင် အသားအရေကို Hydrating ကောင်းကောင်းပေးနိုင်ပါတယ်။ ပုံမှန်အသားအရေတွေဆိုရင် ဆောင်းတွင်းမှာ ဒါလေးကို ရွေးချယ်လို့လည်းရပါတယ်။ Body Lotion ထက်စာရင်တော့ ဒါတွေက ပိုပြီး အစိုဓာတ်ပေးပါတယ်။
Nivea Nourishing Body Lotion
ဈေးသက်သာပြီး ဆောင်းရာသီအတွက် အစိုဓာတ်ကောင်းကောင်းပေးနိုင်တဲ့ Lotion မျိုးရှာနေရင်တော့ ဒီ Lotion ကိုသာ ရွေးချယ်ပါ။ အစိုဓာတ်ကြာကြာပေးနိုင်ပြီး လိမ်းလိုက်တာနဲ့ အသားကစိုစိုလေးဖြစ်နေတာ အရမ်းမိုက်ပါတယ်။
Vaseline Cocoa Glow Lotion
ဈေးသင့်ပြီး အနံ့မွှေးအီနေတာမျိုး၊ ချောကလက်အနံ့မျိုးကို ကြိုက်ရင်တော့ ဒီ Lotion ကိုသာရွေးချယ်ပါ။ လိမ်းလိုက်တာနဲ့ အသားက စိုစိုအိအိလေးဖြစ်ပြီး Glow စေပါတယ်။ အစိုဓာတ်လည်း ကောင်းကောင်းပေးနိုင်ပါတယ်။ ရေရှည်သုံးရင် အသားသိသိသာသာ ကြည်စေပါတယ်။
Palmer’s Cocoa Butter Formula
Cocoa Butter, Coconut Oil, Vitamin E စတာတွေနဲ့ ပေါင်းစပ်ပြုလုပ်ထားလို့ အသားအရေကို Hydrating ကောင်းကောင်းပေးနိုင်ပါတယ်။ အသားခြောက်သွေ့တာမျိုး လုံးဝမဖြစ်စေပဲ အသားအရေကို စိုစိုအိအိလေး ဖြစ်နေစေပါတယ်။