မိတ်ကပ်မပြင်ထားတဲ့ No Makeup Look ပုံစံလေးနဲ့လှအောင်ပြင်ဆင်နည်း

မိတ်ကပ်တွေအများကြီးလိမ်းပြီး ပြင်ဆင်ရတာမျိုးကိုမကြိုက်တဲ့ မိန်းကလေးတွေအတွက် ဒီတစ်ခါမှာတော့ မိတ်ကပ်မပြင်ထားတဲ့ No Makeup Look ပုံစံလေးနဲ့လှအောင် ပြင်ဆင်နည်းကို မျှဝေပေးလိုက်ပါတယ်။ No Makeup Look ဆိုပေမယ့် Foundation ကတော့ လိမ်းရမှာပါပဲ။ အဓိကက သဘာဝအတိုင်း လှနေတဲ့ပုံစံမျိုးလေးရအောင် ပြင်တာမျိုးပါ။

အရင်ဆုံး အသားအရောင်ညီသွားအောင် Concealer ကို မျက်လုံးအောက်နားနဲ့ မျက်ခွံမှာ လိမ်းပါမယ်။

No Makeup Look ရဖို့အတွက် Foundation ကို ကိုယ့်အသားအရောင်နဲ့ တစ်ထပ်တည်းကျတာမျိုး ရွေးသုံးပေးပါ။

No Makeup Look ပုံစံလေးနဲ့ သဘာဝဆန်ဆန်လေး လှချင်ရင်တော့ ပါးနီခြယ်တဲ့အခါမှာ Liquid Type ကို သုံးပေးပါ။

ဒီမှာတော့ Liquid Type ကိုမှ မိတ်ကပ်ရောင်နုနုလေးကို ရွေးသုံးထားပါတယ်။ ဒါမှ အရမ်းကြီးထင်းမနေပဲ သဘာာဝဆန်စေမှာပါ။

Eyeshadow ကိုလည်း ခုနကသုံးထားတဲ့ ပါးနီပဲသုံးပါမယ်။ ပြီးမှ မျက်လုံးအရှေ့နားလေးမှာ Glitter Eyeshadow ကို နည်းနည်းခြယ်ပါမယ်။

Mascara နဲ့ မျက်တောင်ကော့ပါမယ်။ အပေါ်မျက်တောင်ကော့ပြီး အောက်မျက်တောင်ကိုပါ Mascara သုံးပေးပါ။

မျက်ခုံးမွှေးကို ကိုယ်ဆွဲနေကျအတိုင်းပဲ ဆွဲပေးပါ။ အရမ်းကြီးထင်းပြီး Over Look ဖြစ်အောင်မဆွဲဖို့ပါပဲ။

မျက်နှာက သဘာဝအတိုင်း Glow နေတဲ့ပုံစံမျိုးလေးဖြစ်ဖို့အတွက် Highlighter ကို ကောင်းကောင်းလေးသုံးပေးပါ။ Highlighter ကို ပါးရိုးနှစ်ဖက်၊ နှာတံ၊ အပေါ်နှုတ်ခမ်းအပေါ်နဲ့ မေးစိမှာ ခြယ်ပေးပါ။

Eyeliner အညိုလေးနဲ့ ပုံမှာပြထားတဲ့အတိုင်း တစ်ဝက်ကနေစဆွဲပါမယ်။ အထူကြီးဆွဲစရာမလိုပါဘူး။

နှုတ်ခမ်းနီကို Lip Tint လေးဆိုးပါမယ်။ ဒီမှာတော့ Rose Shade လေးသုံးထားပါတယ်။ နှုတ်ခမ်းနီကို လက်မှာသုတ်ပြီး လက်ကဟာကိုမှ လက်ညှိုးလေးနဲ့ယူပြီး နှုတ်ခမ်းမှာဆိုးပေးပါ။ အဲ့လိုဆိုးပေးတာက ပိုပြီး သဘာဝဆန်ဆန်လေး ဖြစ်စေပါတယ်။