မနက်မိုးလင်းတဲ့အခါ အသားအရေ ကြည်လင်စိုပြေနေစေဖို့ ညမအိပ်ခင်မှာ ပြုလုပ်ပေးရမယ့် အလေ့အကျင့်တွေကို မျှဝေပေးချင်ပါတယ်။

မိတ်ကပ်ကို အမြဲတမ်းဖျက်ပါ

သင့်ရဲ့ မိတ်ကပ်ကို ညအိပ်ယာမဝင်ခင် သေချာပေါက် ဖျက်ပေးသင့်ပါတယ်။ မိတ်ကပ်တွေ Eyeshadow တွေ လိုင်နာတွေ Mascara တွေကို သေချာဖျက်ပေးပြီးမှ အိပ်ယာဝင်သင့်ပါတယ်။ မဟုတ်ရင်တော့ ချွေးပေါက်ပိတ်စို့ပြီး နောက်နေ့ ဝက်ခြံဖြစ်ပေါ်လာစေမှာပါ။

ညင်သာစွာ သန့်စင်ပါ

မနက်မိုးလင်းတဲ့အခါ အသားအရေကို ကြည်လင်နေစေဖို့ ညဖက်မှာ ပြုလုပ်ပေးရမယ့် အလေ့အကျင့်လေးတွေ

မိတ်ကပ်ဖျက်တဲ့အခါမှာ Cleanser (သို့) ရေစိုအဝတ်စနဲ့ ညင်သာစွာ သန့်စင်ပေးပါ။ ခပ်ကြမ်းကြမ်း သုတ်ပေးမယ်ဆိုရင် အသားအရေကို ထိခိုက်ပျက်စီးစေနိုင်ပါတယ်။

သင့်အသားအရေနဲ့ သင့်တော်တဲ့ အလှကုန်ပစ္စည်းသုံးပါ

ခြောက်သွေ့တဲ့အသားအရေ၊ အဆီပြန်တဲ့အသားအရေ၊ ပေါင်းစပ်အသားအရေ၊ Sensitive ဖြစ်တဲ့အသားအရေ စတာတွေအတွက် သီးသန့်ထုတ်ထားတဲ့ အလှကုန်ပစ္စည်းတွေကိုဝယ်သုံးပါ။ ညအိပ်ယာမဝင်ခင်မှာလည်း ခရင်မ်တစ်ခုခုလိမ်းပြီး အိပ်ယာဝင်သင့်ပါတယ်။

Anti-Aging ပါတဲ့ ကုန်ပစ္စည်းတွေကိုသုံးပါ

သင့်အသားအရေကို ထိန်းသိမ်းရာမှာ အိုမင်းရင့်ရော်မှုကို တားဆီပေးနိုင်တဲ့ Anti-Aging ပါတဲ့ ကုန်ပစ္စည်းတွေကို ရွေးချယ်သုံးပေးသင့်ပါတယ်။

ရေသောက်ပါ

မနက်အိပ်ယာထရင် ရေသောက်ပေးသင့်သလို ညအိပ်ယာမဝင်ခင် ရေတစ်ခွက်သောက်ပြီး အိပ်ယာဝင်ပေးသင့်ပါတယ်။ အရက်သောက်တာကို လျှော့ပါ။

Mask နဲ့ ပေါင်းတင်ပါ

မျက်နှာပေါင်းတင်တဲ့ Mask နဲ့ မျက်နှာသစ်ပြီးတဲ့အခါ ကပ်ပေးပါ။ ၁၅ မိနစ်လောက်ထားပြီး ပြန်ခွာပြီးရင် မျက်နှာပြန်သစ်ကာ ခရင်မ်တစ်ခုခုလိမ်းပြီး အိပ်ယာဝင်ပါ။

အိပ်ရေးဝဝအိပ်ပါ

အိပ်ရေးခဏခဏ ပျက်ရင် အသားအရေကို ခြောက်သွေ့စေပြီး ပင်ပန်းနွမ်းနယ်စေပါတယ်။ ညဖက်ကို ၈ နာရီလောက်အိပ်ပေးသင့်ပါတယ်။ အိပ်ရေးဝဝအိပ်ပေးတာဟာ သင့်အသားအရေအတွက်ကော သင့်ကျန်းမာရေးအတွက်ပါ ကောင်းမွန်ပါတယ်။ အိပ်တဲ့အခါမှာလည်း ခေါင်းအုံးပေါ် မျက်နှာမတင်ဘဲ ပက်လက်အိပ်ပေးသင့်ပါတယ်။