ဒီတစ်ခေါက်မှာတော့ ဟောလိဝုဒ်ဇာတ်ကားတွေ ကြည့်လေ့ရှိကြသူတွေဆို ရင်းနှီးနေကြမယ့် မင်းသမီးချော Nicole Kidman ရဲ့ ဖက်ရှင်စတိုင်လ်တွေကို ရွေးချယ်တင်ဆက်ပေးသွားမှာဖြစ်ပါတယ်။
Nicole Kidman ရဲ့ ဖက်ရှင်တွေလို့ ဆိုလိုက်တာနဲ့ လူအများစု ပြေးမြင်ကြမှာတွေထဲမှာဆိုရင် သူမရဲ့ ဘယ်တော့မှရိုးမသွားဘဲ အမြင်လည်းတအားမရိုင်းစေတဲ့ ပွဲတက်ဝတ်စုံဖက်ရှင်တွေလည်း တစ်ခုအပါအဝင်ဖြစ်မယ်ဆိုတာ သေချာပေါက် ယုံကြည်ပါတယ်။
သူမရဲ့ အနုပညာသက်တမ်းတလျှောက် လျှောက်လှမ်းခဲ့သမျှ ကော်ဇောနီပေါင်းက ရေတွက်နိုင်မှာမဟုတ်တော့သလို ဒီလိုမျိုး လျှောက်လှမ်းခဲ့ချိန်တိုင်းမှာလည်း သူမကိုယ်သူမ စင်ဒရဲလား အလား ထင်မှတ်ရလို့လည်း ပိုပြီး ဝတ်စုံတွေကို ဂရုတစိုက် ဆင်မြန်းရတာလည်း ဖြစ်ပါတယ်။
အထူးသဖြင့် ငယ်စဥ်အရွယ်က ဆင်းရဲချို့တဲ့လို့ ငယ်စဥ်ကလေးဘဝတုန်းက မိခင်နဲ့အတူ ဘေထုပ်အထည်တွေ ဝတ်ပြီးကြီးပြင်းလာခဲ့ရသူတစ်ယောက်မို့လို့လည်း အခုလိုမျိုး အခိုက်အတန့်တွေကို ပိုပြီးတန်ဖိုးထားရတာဖြစ်ကြောင်းကိုလည်း ပြောပြခဲ့ဖူးပါသေးတယ်။
ကဲ ဒါဆိုရင်တော့ အသက် ၅၀ ကျော်နေပေမယ့်လည်း အလှမပျက်သေးဘဲ အခုထိ ချောမောလှပနေသေးတဲ့ မင်းသမီး Nicole Kidman ရဲ့ ပွဲတက်ဖက်ရှင်လေးတွေကို အတူတူကြည့်လိုက်ရအောင်ပါ။
Image Source: Pinterest
