ဘာအပြစ်မှ ပြောစရာမရှိတဲ့ ချောမွတ်နူးညံ့တဲ့ အသားအရေက ပျိုမေတိုင်း ရဲ့ အိပ်မက်ပါပဲ။ ဒါပေမဲ့ စိုပြေတောက်ပတဲ့ အသားအရေကို ပိုင်ဆိုင်ဖို့က အချိန်တစ်ခု ရင်းနှီးပြီး ဂရုစိုက်ပေးမှ ပိုင်ဆိုင်နိုင်မှာပါ။ ဒီတစ်ခေါက် ပြောပြမယ့် ထိန်းသိမ်းနည်းကတော့ နည်းလမ်းအသစ်ပါ။ ဒါပေမဲ့ ပါဝင်ပစ္စည်းတွေကတော့ သင်အလွယ်တကူ ရရှိနိုင်တဲ့ ပစ္စည်းတွေပါပဲ။ ဒီတော့ နည်းလမ်းကို ကြည့်လိုက်ရအောင်နော်-

၁။ ဒိန်ချဉ်

Photo source: Organic Authority

ဒိန်ချဉ်မှာ ပါဝင်တဲ့ Lactic Acid က အရေးအကြောင်းတွေကို သက်သာစေပါတယ်။ အသားအရေကို တင်းရင်းစေပြီး ချွေးပေါက်ကျဉ်းစေပါတယ်။

၂။ သံပယိုရည် အနည်းငယ်

သံပယိုရည်က Vitamin C ပါဝင်ပြီး အသားအရေ ပျက်စီးခြင်းကို လျော့ကျစေပါတယ်။ ဒါ့အပြင် အိုမင်းရင့်ရော်မှုကို နှေးကွေးစေပါတယ်။ အဆီပြန်တဲ့ အသားအရေ ပိုင်ရှင်တွေအတွက် သံပယိုရည်က အဖော်မွန်ပါပဲ။

ဒီနှစ်မျိုးကို သေချာ ရောမွှေပေးရပါမယ်။

၃။ နနွင်းမှုန့်

နနွင်းမှုန့်က ဘတ်တီးရီးယား ပိုး သေစေပြီး ဝက်ခြံတွေကို တိုက်ထုတ်ပေးတဲ့ သဘာဝပစ္စည်း တစ်မျိုးပါ။ နနွင်းမှုန့်တစ်ဇွန်းကို ဒီအရောထဲ ထပ်ထည့်ပေးရပါမယ်။

၄။ ခရမ်းချဉ်သီး အရည်

ခရမ်းချဉ်သီးကို လှီးပြီးနောက် နနွင်းမှုန့်၊ ဒိန်ချဉ်နဲ့ သံပယိုရည် အရောထဲ ညှစ်ချရပါမယ်။ ခရမ်းချဉ်သီးက ဗီတာမင် စီ ကြွယ်ဝပြီး အသားအရေ တောက်ပစေတဲ့ သဘာဝ အသီးတစ်မျိုးပါ။

ဒီပါဝင်ပစ္စည်းတွေကို သေချာရောမွှေပေးရပါမယ်။ မျက်နှာပေါ် ဒီအရော မလိမ်းခင် လှီးထားတဲ့ ခရမ်းချဉ်သီးနဲ့ မျက်နှာကို ပွတ်ပေးရပါမယ်။ ပွတ်ပြီးနောက် မွှေထားတဲ့ အရောကို မျက်နှာပေါ်လိမ်းနိုင်ပါပြီ။ လိမ်းပြီးနောက် ခြောက်အောင် ထားပေးရပါမယ်။

ပြီးနောက်မှာတော့ ရေအေးအေးနဲ့ ဆေးချပြီး အစိုဓာတ်ထိန်းခရင် လိမ်းပေးရပါမယ်။

ဒီနည်းလမ်းကို ဝက်ခြံ အမာရွတ် သက်သာဖို့နဲ့ အသားအရေ ချောမွေ့ဖို့ အတွက် အသုံးပြုနိုင်ပြီး တစ်ပတ်မှာ နှစ်ကြိမ် ပြုလုပ်နိုင်ပါတယ်။

Photo Source: Pinterest

By MyStyle Myanmar