အသစ်အသစ်တွေကို စောင့်နေကြတဲ့ K-Dramas ချစ်သူတွေအတွက် သြဂုတ်လမှာတော့ စိတ်ကူးယဉ်၊ မိသားစု၊ တရားဥပဒေနဲ့ အချစ်ဇာတ်လမ်းအမျိုးအစားများစွာပါဝင်တဲ့ K-Dramas အသစ်များစွာ ပြသတော့မှာပါ။
ဒါကြောင့် K-Dramas ချစ်သူတွေ မဖြစ်မနေစောင့်ကြည့်နိုင်ဖို့ သြဂုတ်လမှာထွက်ရှိမယ့် K-Dramas အသစ်များကို ဝေမျှပေးလိုက်ပါတယ်။
1. “Mary Kills People”
Canadian ဇာတ်လမ်းတွဲကိုပြန်ရိုက်ကူးထားပြီး လူနာတွေရဲ့ အသက်အဆုံးသတ်ရာကို တိတ်တဆိတ် ကူညီပေးနေတဲ့ Woo Sojung အကြောင်းကို ရိုက်ကူးထားတဲ့ ဒီ Drama က သြဂုတ် ၁ ရက်နေ့မှာ ထွက်ရှိမှာဖြစ်ပြီး သောကြာနဲ့ စနေနေ့ 10:00 PM KST TV မှာ ပြသမှာဖြစ်ပါတယ်။
2. “My Lovely Journey”
Channel A ကနေ သြဂုတ်လ 2 ရက်နေ့မှာထုတ်လွှင့်မယ့် ဒီဇာတ်လမ်းတွဲကတော့ idol Kang Yeoreum အဖြစ် Gong Seungyeon မှ သရုပ်ဆောင်ထားပြီး ဒီဇာတ်လမ်းတွဲကို စနေ၊ တနင်္ဂနွေ ည 9:20 PM KST မှာ ထုတ်လွှင့်ပြသမှာပါ။
3. “The Tyrant’s Chef”
Girls’ Generation အဖွဲ့ဝင် Yoona က အချက်အပြုတ်ပြိုင်ပွဲမှာ အနိုင်ရရှိပြီး Joseon ခေတ်ကို ရုတ်တရက် အချိန်ခရီးသွားတဲ့ ပြင်သစ်လေ့ကျင့်ရေး စားဖိုမှူး Yeon Jiyoung အဖြစ် သရုပ်ဆောင်ထားတဲ့ ဒီဇာတ်လမ်းတွဲကိုတော့ tvN က သြဂုတ်လ 23 ရက်နေ့မှာ စတင်ပြသမှာ ဖြစ်ပြီး အပတ်စဉ် Netflix မှာ ထုတ်လွှင့်ပြသမှာပါ။
4. “Beyond The Bar”
တရားရေးဆိုင်ရာအကြောင်းအရာကို ရိုက်ကူးထားတဲ့ ဒီဇာတ်လမ်းတွဲကိုတော့ ဩဂုတ်လ 2 ရက်နေ့ TBC မှာ စတင်ပြသမှာဖြစ်ပြီး Netflix ကနေ အပတ်စဉ်ထုတ်လွှင့်ပြသမှာပါ။
5. “Love, Take Two”
tvN ကနေ သြဂုတ် ၄ ရက်မှာ စတင်ထုတ်လွှင့်မယ့် ဒီဇာတ်လမ်းတွဲမှာတော့ အသက် 43 နှစ်အရွယ် တစ်ကိုယ်ရေမိခင် Lee Jian အဖြစ် Yum Jung Ah က သရုပ်ဆောင်ထားပြီး မိသားစုရုန်းကန်မှုများနဲ့ မျိုးဆက်နှစ်ခုကို ချိတ်ဆက်ပေးတဲ့ စိတ်ခံစားမှုဆိုင်ရာတို့ကို ရိုက်ကူးထားတာပါ။
6. “Our Golden Days”
Jung Il Woo နဲ့ Jung In Sun တို့ပါဝင်သရုပ်ဆောင်ထားပြီး မိသားစုအတွင်း မျိုးဆက်ကွဲပြားမှုကို အဓိကထားပြသထားတဲ့ ဒီဇာတ်လမ်းတွဲကိုတော့ သြဂုတ်လ 9 ရက်နေ့ KBS2 ကနေ ပြသမှာဖြစ်ပြီး စနေ နဲ့ တနင်္ဂနွေ နေ့တိုင်း ည 8:00 KST မှာ ထုတ်လွှင့်မှာဖြစ်ပြီး နိုင်ငံတစ်ကာမှာဆိုရင်တော့ KOCOWA+ မှာ ကြည့်ရှုနိုင်ပါတယ်။
