ခရီးသွားတဲ့အခါမှာ ယောကျ်ားလေးတွေကတော့ ဘာမှထွေထွေထူးထူးထည့်နေစရာမလိုပါဘူး။ မိန်းကလေးတွေကျတော့ ယူသွားမယ့်ပစ္စည်းတွေနဲ့ ထည့်သွားသင့်တဲ့ပစ္စည်းတွေက အရမ်းကိုများလွန်းပါတယ်။ အဲ့ဒီအများကြီးထဲကမှ ပျိုမေတို့ မဖြစ်မနေယူဆောင်သွားသင့်တဲ့ ပစ္စည်းလေးတွေကို ရွေးချယ်ပေးလိုက်ပါတယ်။
ကျောပိုးအိတ် နဲ့ ပိုက်ဆံအိတ်အသေး
Source: www.blog.aifsabroad.com
ခရီးသွားတဲ့အခါမှာ ကိုယ်လိုတာလေးတွေကို ပြည့်ပြည့်စုံစုံသယ်သွားလို့ရအောင် ကျောပိုးအိတ်လေးတစ်လုံးတော့ ယူသွားသင့်ပါတယ်။ လွတ်လွတ်လပ်လပ်လေးသွားချင်တဲ့အခါမျိုးမှာ အရေးကြီးတာလေးတွေကိုပဲ ထည့်သွားလို့ရအောင် ပိုက်ဆံအိတ်အသေးလေးလည်း ထည့်သွားသင့်ပါတယ်။
Makeup Box နဲ့ Makeup Remover
Source: www.lilyengland.com
မိန်းကလေးတိုင်း ကိုယ်သုံးနေတဲ့ မိတ်ကပ်ပစ္စည်းအစုံကိုစုထည့်ထားတဲ့ Makeup Box လေးကို ယူသွားသင့်ပါတယ်။ မိတ်ကပ်လိမ်းပြီးရင်ပြန်ဖျက်ဖို့ အရေးအကြီးဆုံးဖြစ်တဲ့ Makeup Remover ကိုလည်း မဖြစ်မနေထည့်သွားသင့်ပါတယ်။
Lotion နဲ့ Sunscreen
Source: www.ebay.com
ဘယ်နေရာ၊ ဘယ်ကိုပဲသွားသွား ပျိုမေတို့ရဲ့အသားအရေလေး မပျက်စီးဖို့အတွက် နေလောင်ဒဏ်ကာကွယ်တဲ့ Sunscreen နဲ့ Lotion ကို မဖြစ်မနေယူသွားပြီး လိမ်းပေးနေမှဖြစ်မှာပါ။
ဖုန်းအားသွင်းကြိုးနဲ့ Power Bank
Source: www.powerbanktalk.com
ခရီးသွားပြီဆိုရင် အရေးအကြီးဆုံးကတော့ ဖုန်းအားသွင်းကြိုးနဲ့ Power Bank ပါ။ မီးမရတဲ့အခါနဲ့ မီးပြတ်တဲ့အခါမျိုးမှာသုံးလို့ရအောင် Power Bank ကိုပါ မဖြစ်မနေယူဆောင်သွားရပါမယ်။
နားကျပ်
Source: www.etymotic.com
နားကြပ်ကတော့ တော်တော်များများလည်း ဘယ်သွားသွား သယ်သွားကြတဲ့အရာဖြစ်လို့ လုံးဝမေ့လို့မဖြစ်ဘူးနော်။
ကင်မရာ
Source: www.pixatravel.000webhostapp.com
ဓာတ်ပုံရိုက်တာ ဝါသနာပါတဲ့သူတွေအနေနဲ့ လှပတဲ့နေရာလေးတွေကိုမှတ်တမ်းတင်ဖို့၊ ဓာတ်ပုံရိုက်ဖို့ ကင်မရာကောင်းကောင်းတစ်လုံးတော့ ယူသွားသင့်ပါတယ်။
ခေါင်းအုံးအသေး
Source: www.armchairempire.com
ခရီးသွားတဲ့အခါ ကားပေါ်မှာပဲဖြစ်ဖြစ်၊ လေယာဉ်ပေါ်မှာပဲဖြစ်ဖြစ် သက်တောင့်သက်သာနဲ့ အိပ်စက်လို့ရအောင် ခေါင်းအုံးအသေးလေးလည်း ထည့်သွားသင့်ပါတယ်။
ဖိနပ်
Source: www.whowhatwear.com
မိန်းကလေးတွေအနေနဲ့ ဖိနပ်ကိုတစ်ရံထဲမဟုတ်ပဲနဲ့ နှစ်ရံ၊ သုံးရံတော့ ထည့်သွားပါ။ Slipper လေးစီးပြီးသွားမယ်ဆိုရင်တော့ ခရီးဆောင်အိတ်ထဲမှာ ဒေါက်ဖိနပ်တစ်ရံနဲ့ Sneakers လေးတစ်ရံပါ ထပ်ထည့်သွားနိုင်ရင် ပိုကောင်းပါတယ်။
