ကမ်းခြေသွားထားလို့ပဲဖြစ်ဖြစ်၊ နေပူထဲသွားထားလို့ပဲဖြစ်ဖြစ် အကြောင်းအမျိုးမျိုးကြောင့် နေလောင်ပြီး ခြေဖမိုးမဲသွားတာကို ပြန်လည်ကုသနိုင်မယ့် သဘာဝနည်းလမ်းတွေကို မျှဝေပေးလိုက်ပါတယ်။

ရှားစောင်းလက်ပတ်ဂျယ်လ်

ညအိပ်ရာမဝင်ခင်မှာ လတ်ဆတ်တ ဲ့ရှားစောင်းလက်ပတ်ဂျယ်လ်ကို ခြေထောက်ပေါ် တိုက်ရိုက်လိမ်းပြီး မနက်ရောက်မှ ရေဆေးချလိုက်ပါ။ ဒီလိုလုပ်ပေးခြင်းက နေလောင်ထားတာတွေကို သက်သာပျောက်ကင်းစေပါတယ်။

သခွားသီး

သခွားသီးတစ်လုံးကို အခွံနွှာ၊ ကြိတ်ပြီးတော့ အရည်ရအောင်ညှစ်ချပါ။ ပြီးရင် သခွားသီးအရည်ကို ခြေထောက်ပေါ်လိမ်းပြီး မိနစ် ၂၀ ထားပြီးမှ ရေဆေးချလိုက်ပါ။ သခွားသီးက အသားအရေကို အေးမြစေပြီး နေလောင်ထားတာကို သက်သာစေပါတယ်။

ဒိန်ချဉ်နဲ့နနွင်း

နနွင်းအနည်းငယ်နဲ့ ဒိန်ချဉ်တစ်ဇွန်းကို ရောမွှေပြီး ခြေထောက်ပေါ်လိမ်းပေးပါ။ မိနစ် ၂၀ လောက်ထားပြီးရင် ရေဆေးချလိုက်ပါ။ ဒိန်ချဉ်မှာ Lactic Acid ပါဝင်တာကြောင့် အသားအရေကို Brightening ဖြစ်စေပြီး နေလောင်ထားတာတွေလည်း သက်သာစေပါတယ်။

ခရမ်းချဉ်သီး

လတ်ဆတ်တဲ့ ခရမ်းချဉ်သီးကို ပျစ်ပျစ်လေးဖြစ်အောင် ကြိတ်ချေပြီး ခြေထောက်မှာ လိမ်းပေးပါ။ မိနစ် ၂၀ လောက်ထားပြီးမှ ရေဆေးချပါ။ ခရမ်းချဉ်သီးမှာ သဘာဝအတိုင်း အရောင်ချွတ်နိုင်တဲ့ ဂုဏ်သတ္တိတွေရှိပြီး အသားအရောင်ကို တောက်ပစေပါတယ်။

အာလူး

အာလူးတစ်လုံးကို ခြစ်ပြီး အရည်ရအောင်ညှစ်ပါ။ ပြီးရင် ရလာတဲ့အရည်ကို နေလောင်ထားတဲ့နေရာကို လိမ်းပေးပါ။ မိနစ် ၃၀ လောက်ထားပြီးမှ ရေဆေးချလိုက်ပါ။ အားလူးအရည်မှာက အသားအရေကို တောက်ပစေနိုင်တဲ့ Enzymes တွေပါဝင်လို့ နေလောင်ထားတာတွေ ပျောက်စေပါတယ်။