လက်သည်းကျိုးပဲ့လွယ်တဲ့သူတွေအတွက် လက်သည်း Strong ဖြစ်လာစေမယ့် သဘာဝနည်းလမ်းများ

လက်သည်းက ခဏခဏကျိုးပဲ့နေရင် အရှည်လည်းနှေးစေပါတယ်။ လက်သည်းအရှည်ထားဖို့လည်း မလွယ်ပါဘူး။ ဒါကြောင့် လက်သည်းခဏခဏ ကျိုးပဲ့လွယ်တဲ့သူတွေအတွက် လက်သည်း Strong ဖြစ်လာစေမယ့် သဘာဝနည်းလမ်းကောင်းတွေကို မျှဝေပေးလိုက်ပါတယ်။ အိမ်မှာ အလွယ်တကူ လုပ်လို့ရတာကြောင့် လူတိုင်းလုပ်ရတာ အဆင်ပြေမှာပါ။

သံပယိုသီး

လက်သည်းသန်မာဖို့ Strong ဖြစ်ဖို့ဆိုရင်တော့ သံပယိုသီးက မပါမဖြစ်ပါပဲ။ သံပယိုသီးက Vitamin C ကြွယ်ဝစွာပါဝင်လို့ လက်သည်းတွေ ကျန်းမာသန်စွမ်းဖို့ အထောက်အကူပြုပါတယ်။

သံပယိုသီးကိုလှီးပြီး လက်သည်းခြေသည်းတွေကို ၅ မိနစ်လောက် ပွတ်ပေးပါ။ ပြီးရင်တော့ ရေကြက်သီးနွေးနဲ့ သန့်စင်လိုက်ရုံပါပဲ။ နေ့တိုင်းလုပ်ပေးလည်းရသလို ၃ ရက်တစ်ခါ ပုံမှန်လုပ်ပေးလည်း ရပါတယ်။

ပျားရည်

ပျားရည်ကတော့ လက်သည်းကျန်းမာသန်စွမ်းစေဖို့၊ ဘတ်တီးရီးယားနဲ့ မှိုတွေ မဖြစ်စေဖို့ ကာကွယ်ပေးနိုင်ပါတယ်။
ပျားရည် – လက်ဖက်ရည်ဇွန်း ၂ ဇွန်းကို သံပယိုရည် – အနည်းငယ်ညှစ်ထည့်ပြီး ရောမွှေပါ။ ပြီးရင် လက်သည်းပေါ်လိမ်းပေးပြီး လက်ချောင်းလေးတွေနဲ့ Massage လုပ် နှိပ်နယ်ပေးပါ။ ၁၅ မိနစ်ထားပြီးရင်တော့ ရေနဲ့ပြန်သန့်စင်နိုင်ပါပြီ။ ဒီနည်းလမ်းကို လုပ်မယ်ဆိုရင် တစ်ပတ်တစ်ကြိမ် ပုံမှန်လုပ်ပေးပါ။

အုန်းဆီ (သို့) သံလွင်ဆီ

အုန်းဆီနဲ့သံလွင်ဆီမှာ Vitamin E ပါလို့ လက်သည်းကျန်းမာရေးအတွက် အရမ်းကောင်းပါတယ်။ လက်သည်းလည်း Strong ဖြစ်စေပါတယ်။

ညအိပ်ယာဝင်ခါနီးမှာ လက်သည်းခြေသည်းတွေကို အုန်းဆီ (သို့) သံလွင်ဆီ လိမ်းပြီး လက်ချောင်းလေးတွေနဲ့ Massage လုပ် နှိပ်နယ်ပေးရုံပါပဲနော်။ အရမ်းလွယ်ကူပါတယ်။