နဖူးမှာ ခဏခဏဝက်ခြံပေါက်တာက များသောအားဖြင့် ဆံပင်အရှေ့ချတဲ့သူတွေ၊ အစာခြေစနစ်မှာ ပြဿနာရှိတဲ့သူတွေနဲ့ stress များတဲ့သူတွေမှာ အဖြစ်များပါတယ်။ ဒါကြောင့် နဖူးမှာပေါက်တဲ့ဝက်ခြံတွေကို အမြန်ဆုံး ပျောက်အောင်လုပ်ပေးနိုင်တဲ့ သဘာဝနည်းလမ်းတွေကို မျှဝေပေးလိုက်ပါတယ်။ ဒီနည်းလမ်းတွေထဲက ကိုယ်ကြိုက်နှစ်သက်ရာ၊ အဆင်ပြေတာတစ်မျိုးကို ရွေးချယ်ပြီး လုပ်ပေးရုံပါပဲ။

သံပယိုရည်

သံပယိုရည် – စားပွဲတင်ဇွန်း ၂ ဇွန်းကို ရေနည်းနည်းနဲ့ရောပြီး ဂွမ်းလုံးလေးနဲ့တို့ယူကာ ဝက်ခြံပေါက်တဲ့နေရာမှာ အုံပေးပါ။ ၅ မိနစ်လောက်အုံပေးပြီး အချိန်ပြည့်ရင် ရေခဲရေနဲ့ သန့်စင်ပေးပါ။ ဝက်ခြံတွေ အမြန်ဆုံး ပျောက်သွားပါလိမ့်မယ်။

Tea Tree Oil

Tea tree oil – ၂ စက်ကို ရေ – စားပွဲတင်ဇွန်း ၁ ဇွန်းနဲ့ ရောမွှေပြီး ခုနကလိုပဲ ဂွမ်းလုံးလေးနဲ့တို့ယူပြီး နဖူးမှာပွတ်ပေးပါ။ ဝက်ခြံပေါ်ကိုလည်း တို့ပေးပါ။ ပြီးရင်တော့ တစ်ညထားပြီး မနက်မှ မျက်နှာသစ်လိုက်ပါ။ ဝက်ခြံတွေချက်ချင်းချပ်ပြီး သက်သာသွားပါလိမ့်မယ်။

ဖရဲသီး

ဖရဲသီးကို နဖူးမှာပွတ်ပေးပြီး တစ်ညထားပါ။ မနက်ရောက်မှ မျက်နှာသစ်ပေးပါ။ ဒါဆိုရင်တော့ ဝက်ခြံတွေ သက်သာပျောက်ကင်းသွားပြီး အသားအရေနူးညံ့နေတာကို မြင်တွေ့ရမှာပါ။

ငရုပ်ကောင်းမှုန့်

ငရုပ်ကောင်းမှုန့် – လက်ဖက်ရည်ဇွန်းတစ်ဝက်ကို ရေနဲ့ပျစ်ပျစ်လေးဖြစ်အောင် ရောမွှေပါ။ ပြီးရင် ဝက်ခြံပေါ်မှာ အုံထားပြီး ခြောက်တဲ့အထိထားပါ။ ခြောက်သွားပြီဆိုမှ ရေခဲရေနဲ့ သန့်စင်ပေးပါ။ ဒီနည်းလမ်းကလည်း ဝက်ခြံတွေကို အမြန်ဆုံးသက်သာပျောက်ကင်းစေပါတယ်။