ဆောင်းရာသီမှာဆိုရင် အသားခြောက်တာ၊ နှုတ်ခမ်းခြောက်တာတွေအပြင် ဦးရေပြားခြောက်သွေ့တာတွေလည်း ဖြစ်စေပါတယ်။ ဦးရေပြားခြောက်သွေ့တာက ယားယံခြင်းနဲ့ စိတ်မသက်မသာဖြစ်ခြင်း၊ ဗောက်ထခြင်းတွေကိုလည်း ဖြစ်စေပါတယ်။ ဒါကြောင့် ဆောင်းရာသီမှာ ဦးရေပြားခြောက်သွေ့တာ သက်သာစေမယ့် သဘာဝနည်းလမ်းတွေကို မျှဝေပေးလိုက်ပါတယ်။
Tea tree oil
Tea tree oil က antiseptic properties နဲ့ anti-fungal effects တွေရှိတာကြောင့် ဦးရေပြားအတွက် အရမ်းအထောက်အကူပြုပါတယ်။ Tea tree oil ကို အုန်းဆီနဲ့ရောပြီး ဦးရေပြားအနှံ့လိမ်းပေးကာ ၁၀ မိနစ်လောက် ထားလိုက်ပါ။ ပြီးရင် ခေါင်းလျှော်လိုက်ရုံပါပဲ။ တစ်ပတ်တစ်ကြိမ် ပုံမှန်လုပ်ပေးရုံနဲ့ ဦးရေပြားခြောက်သွေ့တာတွေလည်း သက်သာစေပါတယ်။
ကြက်ဆူဆီ
ကြက်ဆူဆီက ဦးရေပြားခြောက်သွေ့ပြီး ယားယံတာတွေကို သက်သာစေပါတယ်။ ကြက်ဆူဆီကို ရှားစောင်းလက်ပတ်ဂျယ်လ်နဲ့ ရောစပ်ပြီးတော့ ဦးရေပြားအနှံ့ သေချာလိမ်းပေးပါ။ ပြီးရင် မိနစ် ၃၀ ထားပြီးတော့မှ ခေါင်းလျှော်ပေးပါ။
ရှားစောင်းလက်ပတ်ဂျယ်လ်
ရှားစောင်းလက်ပတ်က အစိုဓာတ်ထိန်းပေးပြီး ရောင်ရမ်းမှုကို သက်သာစေတာကြောင့် အလှကုန်ပစ္စည်းတော်တော်များများမှာ အသုံးပြုပါတယ်။ ခေါင်းမလျှော်ခင်မှာ ရှားစောင်းလက်ပတ်ဂျယ်လ်ကို ဦးရေပြားအနှံ့ ပွတ်လိမ်းပေးရင် ဦးရေပြားခြောက်သွေ့တာ သက်သာစေပါတယ်။
Apple cider vinegar
Apple cider vinegar ကို ရေနဲ့ရောမွှေပြီး ဦးရေပြားကိုလိမ်းပေးရမှာပါ။ ခေါင်းလောင်းချလိုက်ပြီး ၅ မိနစ်ထားလည်း ရပါတယ်။ ပြီးမှ တစ်ခါထဲ ခေါင်းလျှော်လိုက်ပါ။ ဦးရေပြားမခြောက်သွေ့စေဖို့ ကူညီပေးမယ့် နည်းလမ်းကောင်းဖြစ်ပါတယ်။
Jojoba oil
Jojoba oil က ဦးရေပြားအစိုဓာတ်ထိန်းပေးဖို့အတွက် ထိရောက်ပါတယ်။ ဒါကြောင့် jojoba oil ကို ဦးရေပြားအနှံ့လိမ်းပြီး မိနစ် ၂၀ ထားပါ။ အချိန်ပြည့်ရင် ခေါင်းလျှော်လိုက်ရုံပဲနော်။
