သင့်ရဲ့ စိတ်ကူးအိပ်မက်ထဲက အတိုင်း မျက်နှာအသားအရေလေး ကြည်လင်ဝင်းပဖို့အတွက် ဘယ်လိုအလှကုန်ပစ္စည်းတွေ၊ ဘယ်လိုပေါင်းတင်နည်းတွေကို အသုံးပြုလေ့ရှိသလဲ။ ဒီတခါ MyStyle Myanmar ကနေပြီးတော့ သဘာဝပေါင်းတင်နည်းကို မျှဝေပေးသွားမှာပါ။
၁။ အုတ်ဂျုံနဲ့ ရေ
အဆီပြန်တတ်တဲ့အသားအရေနဲ့ ပေါင်းစပ်အသားအရေအတွက် ကောင်းမွန်ပါတယ်။ အဆီပိုတွေကိုဖယ်ရှားပေးပြီး ဝက်ခြံနဲ့ အမည်းစက်ကို သက်သာစေပါတယ်။
အုတ်ဂျုံစားပွဲတင်ဇွန်း ၃ ဇွန်း
ရေ ခွက် ၁/၄ ပုံ
ပြုလုပ်နည်း
ပါဝင်ပစ္စည်းနှစ်မျိုးလုံးကိုသေချာရောလိုက်ပါ။ ပြီးရင် မျက်နှာပေါ်မှာလိမ်းပေးပြီး မိနစ် ၂၀ လောက်ထားကာ ရေအေးအေးနဲ့ ဆေးချလိုက်ပါ။
၂။ ငှက်ပျောသီးနဲ့ ပျားရည်
ခြောက်သွေ့တဲ့ အသားအရေပိုင်ရှင်အတွက်ကောင်းမွန်ပါတယ်။ အရေးကြောင်းကို သက်သာစေပြီး အသားအရေကို စိုပြေစေပါတယ်။
ပါဝင်ပစ္စည်း
ငှက်ပျောသီး တစ်ခြမ်း
ပျားရည် စားပွဲတင်ဇွန်း ၁ ဇွန်း
ပြုလုပ်နည်း
ပါဝင်ပစ္စည်းတွေအားလုံးကိုရောလိုက်ပါ။ ငှက်ပျောသီးကို ပြဲအောင်လုပ်ရပါမယ်။ ပြီးရင် သေချာရောသွားပြီဆိုရင်တော့ မျက်နှာပေါ်မှာလိမ်းပေးပြီး ၂၅ မိနစ်လောက်ထားပါ။ အဲဒီနောက် ရေနွေးနွေးလေးနဲ့ ဆေးချလိုက်ပါ။
