သွားဖြူဖြူလေးတွေက ရယ်လိုက်တဲ့အချိန်တ်ိုင်း ကိုယ့်ကို ကြည့်နေတဲ့ သူ့ကိုပါ မေ့မရ ဖြစ်စေနိုင်ပါတယ်။ ရယ်လိုက်တာနဲ့ ဖြူဖွေးတဲ့ သွားလေးတွေ ပေါ်လာရင် သင်ကိုယ်တိုင်လည်း ပျော်ရွှင်နိုင်မှာပါ။
ဒါပေမဲ့ ကိုယ့်နေထိုင်မှုပုံစံ၊ ကိုယ်စားတဲ့ အစားအသောက်တွေကြောင့် သွားဝါလာနိုင်ပါတယ်။ ဒီတစ်ခေါက်မှာတော့ သွားဖြူဖြူလေး ပိုင်ဆိုင်စေမယ့် DIY သဘာဝ နည်းလမ်းတွေကို ဖော်ပြလိုက်ပါတယ်။
၁။ နနွင်းမှုန့်
Photo Source: Steemit
နနွင်းမှုန့်က သွားဖြူစေတဲ့ သဘာဝ ပစ္စည်း တစ်မျိုးပါ။ နနွင်းမှုန့် DIY အတွက် လိုအပ်တဲ့ပစ္စည်းတွေကတော့- နနွင်းမှုန့်၊ အုန်းဆီနဲ့ မုန့်ဖုတ်ဆိုဒါတို့ ဖြစ်ပါတယ်။ ဒီသုံးမျိုးကို ရောပေးရပါမယ်။ ဒါကို မနက် သွားတိုက်ဆေးအနေနဲ့ သုံးနိုင်ပါတယ်။
၂။ Charcoal
Photo source: NetDoctor
သင်က နနွင်းအနံ့ကို မကြိုက်ရင် ဒါကို သုံးနိုင်ပါတယ်။ Charcoal မှုန့်က သွားတိုက်ဆေး အချို့မှာ ပါဝင်တဲ့ ပါဝင်ပစ္စည်း ဖြစ်ပါတယ်။ Charcoal မှုန့်နဲ့အတူ မုန့်ဖုတ်ဆိုဒါ၊ အုန်းဆီတို့ကို ရောမွှေပေးရပါမယ်။ ဒါကို မနက်ပိုင်းမှာ သွားတိုက်ဆေးအနေနဲ့ သုံးနိုင်ပါတယ်။
၃။ အုန်းဆီ
Photo Source: Treasured Tips
အုန်းဆီ အနည်းငယ်ကို Peppermint Oil နဲ့ ရောပေးရပါမယ်။ ဒီဆီ နှစ်မျိုး အရောက သွားထဲက အကြွင်းအကျန်တွေကို ဖယ်ရှားပေးနိုင်ပါတယ်။
၄။ ငှက်ပျောသီးခွံ
Photo Source: Within Nigeria
ငှက်ပျောသီးအခွံ အသားဘက်ကို သင့်သွားပေါ် တိုက်ပေးရမှာပါ။ ဒီလို တိုက်ပေးတာကို သွားမတိုက်ခင် လုပ်ပေးသင့်ပါတယ်။ ဒီနည်းလမ်းက သွားတွေကို နဂိုထက် ပိုဖြူလာစေပါတယ်။
၅။ စတော်ဘယ်ရီသီး
Photo Source: Kor Whitening
စတော်ဘယ်ရီသီး ကို တစ်ခြမ်းစီ ခြမ်းကာ သင့်သွားပေါ်မှာ မိနစ် အနည်းငယ် ပွတ်တိုက်ပေးရပါမယ်။ ဒီနည်းလမ်းက အလွယ်ကူဆုံး ဖြစ်တာမို့ သင့်ရဲ့ သွားဖြူစေတဲ့ နည်းလမ်းထဲ ထည့်သွင်းသင့်ပါတယ်။
By MyStyle Myanmar
