ဆံပင်ဖြူတာကိုသက်သာအောင်လုပ်ပေးမယ့် သဘာဝအိမ်တွင်းဖြစ်နည်းလမ်းကောင်းများ

ငယ်ငယ်ရွယ်ရွယ်နဲ့ ဆံပင်ဖြူနေတဲ့သူတွေ၊ အသက်ကြီးလာလို့ ဆံပင်ဖြူလာတဲ့သူတွေအတွက် ဆံပင်ဖြူတာကို သက်သာအောင်လုပ်ပေးမယ့် သဘာဝအိမ်တွင်းဖြစ် နည်းလမ်းကောင်းတွေကို မျှဝေပေးလိုက်ပါတယ်။ ကိုယ်အဆင်ပြေတဲ့ နည်းလမ်းတစ်မျိုးကို ရွေးလုပ်ရုံပဲမို့ ဆံပင်ဖြူလာသက်သာချင်ရင် လုပ်ကြည့်သင့်ပါတယ်။

Almond Oil နဲ့ သံပယိုရည်

Almond oil – စားပွဲတင်ဇွန်း ၃ ဇွန်းနဲ့ သံပယိုရည် – စားပွဲတင်ဇွန်း ၂ ဇွန်းတို့ကို ရောမွှေပြီး ဦးရေပြားမှာ message လုပ်နှိပ်နယ်ပြီး လိမ်းပေးပါ။ ဆံပင်ဖြူနေတဲ့နေရာတွေကိုလည်း သေချာလိမ်းပေးပါ။ ပြီးရင်တော့ တစ်နာရီခွဲကြာအောင် ထားပေးပါ။ အချိန်ပြည့်မှ mild shampoo နဲ့ ခေါင်းလျှော်ပေးပါ။

ဒီနည်းလမ်းကို တစ်ပတ်တစ်ခါ ပုံမှန်လုပ်ပေးသွားရင် ဆံပင်ဖြူတာတွေ သက်သာလာမှာပါ။

ကြက်သွန်နီ၊ သံလွင်ဆီနဲ့ သံပယိုရည်

ကြက်သွန်နီကိုထောင်းပြီး အရည်ရအောင် ညှစ်ချပါ။ ရလာတဲ့ ကြက်သွန်နီအရည် – လက်ဖက်ရည်ဇွန်း ၃ ဇွန်းစာနဲ့ သံလွင်ဆီ – စားပွဲတင်ဇွန်း ၁ ဇွန်း၊ သံပယိုရည် – လက်ဖက်ရည်ဇွန်း ၁ ဇွန်းတို့ကို ရောမွှေပြီး ဦးရေပြားအနှံ့ စက်ဝိုင်းပုံစံပွတ်လိမ်းပေးပါ။ ပြီးရင်တော့ တစ်နာရီကြာအောင်ထားပြီး အချိန်ပြည့်မှ ရေကြက်သီးနွေးလေးနဲ့ mild ဖြစ်တဲ့ shampoo သုံးပြီး ခေါင်းလျှော်ပေးပါ။

ဒီနည်းလမ်းကိုလုပ်မယ်ဆိုရင်လည်း တစ်ပတ်တစ်ခါတော့ ပုံမှန်လုပ်ပေးဖို့လိုပါတယ်။ ဆံပင်ဖြူတာတွေ သက်သာလာမယ့်အပြင် ဆံပင်အုံထူလာစေပါတယ်။

ငရုပ်ကောင်းမှုန့်၊ သံပယိုရည်နဲ့ ဒိန်ချဉ်

ငရုပ်ကောင်းမှုန့် – စားပွဲတင်ဇွန်း ၁ ဇွန်း၊ သံပယိုရည် – စားပွဲတင်ဇွန်း ၁ ဇွန်းနဲ့ ဒိန်ချဉ် – ခွက်တစ်ဝက်စာတို့ကို ရောမွှေပြီး ဦးရေပြားအနှံ့သေချာနှိပ်နယ်ပြီး လိမ်းပေးပါ။ ဆံပင်အရင်းကနေ အဖျားအထိလည်း သေချာလိမ်းပေးပါ။ ပြီးရင်တော့ တစ်နာရီထားပြီး အချိန်ပြည့်မှ ရေကြက်သီးနွေးနဲ့ ခေါင်းလျှော်ပေးပါ။

ဒီနည်းလမ်းကိုလုပ်မယ်ဆိုရင်လည်း တစ်ပတ်တစ်ခါတော့ ပုံမှန်လုပ်ပေးရပါမယ်။ ဆံပင်ဖြူတာတွေ သက်သာစေပြီး ဆံသားကျန်းမာစေပါတယ်။