ပျိုမေတို့ အားလုံးမင်္ဂလာပါ။ ကျန်းမာဖြောင့်စင်းတဲ့ ဆံကေသာကို ပိုင်ဆိုင်ထားတဲ့ပျိုမေတွေက ကံကောင်းသူတွေပါပဲ။ ဆိုးဆေး၊ ဓာတုပစ္စည်းတွေကြောင့် ပျိုမေအချို့ ဆံကေသာပျက်စီးနေကြပါတယ်။ ဒီတော့ ဆံပင်နှစ်ခွဖြစ်တာ၊ ဆံပင်ကျွတ်တာ စတဲ့ဆံကေသာပြဿနာတွေကို ဒီအိမ်တွင်းသုံးပစ္စည်းတွေနဲ့ အလွယ်တကူ ဖြေရှင်းလိုက်ရအောင်နော်-
၁။ ပျက်စီးတဲ့ဆံကေသာအတွက်
လိုအပ်တဲ့ပစ္စည်းတွေကတော့-
- ကြက်ဥ
- Essential Oil
ဒီနှစ်ခုကို ရောပြီးတော့ ခေါင်းမလျှော်ခင် နာရီဝက်/တစ်နာရီလောက် ပေါင်းတင်ပေးရပါမယ်။ ပြီးရင်တော့ ပုံမှန်အတိုင်းခေါင်းလျှော်နိုင်ပါပြီ။
၂။ အဆီပြန်လွယ်တဲ့ ဆံကေသာအတွက်
လိုအပ်တဲ့ပစ္စည်းတွေကတော့-
- သံပယိုရည်
- ပျားရည်
အဆီပြန်တဲ့ဆံကေသာပေါ်မှာ ပျားရည်တစ်ဇွန်း နဲ့သံပယိုရည်ကို ရောပြီး လိမ်းပေးပါ။ ပြီးနောက် ရေဆေးချပါ။
၃။ ခြောက်သွေ့တဲ့ ဆံကေသာအတွက်
လိုအပ်တဲ့ပစ္စည်းတွေကတော့-
- ငှက်ပျောသီး
- ဗာဒံစေ့အဆီ (Almond Oil)
ငှက်ပျောသီးကို အနှစ်ရအောင် ချေပေးရပါမယ်။ ဒီထဲကို Almond Oil ထည့်ပြီး ပေါင်းတင်ပေးရပါမယ်။
၄။ ဆံပင်အဖျားနှစ်ခွ ပြဿနာအတွက်
လိုအပ်တဲ့ပစ္စည်းတွေကတော့-
- ဒိန်ချဉ်
- သံလွင်ဆီ
ဒီနှစ်မျိုးကို ရောပြီး အဖျားနှစ်ခွဖြစ်တဲ့နေရာပေါ် လိမ်းပေးရပါမယ်။ ပြီးနောက်ရေဆေးချရပါမယ်။
၅။ ဗောက်ပြဿနာအတွက်
လိုအပ်တဲ့ပစ္စည်းတွေကတော့-
- သံပယိုရည်
- အုန်းဆီ
Photo source: Inlife Healthcare
ပါဝင်ပစ္စည်းနှစ်မျိုးကို ရောပြီးနောက် ဆံကေသာပေါ် လိမ်းပေးရပါမယ်။
၆။ ဆံပင်ကျွတ်တာအတွက်
လိုအပ်တဲ့ပစ္စည်းတွေကတော့-
- Fenugreek အစေ့မှုန့်
- သံလွင်ဆီ
Photo Source: Susan M Parker
ဒီနှစ်မျိုးကို ရောပြီး ဆံကေသာပေါ် လိမ်းပေးရပါမယ်။
သင့်အနေနဲ့ကော ဆံကေသာကို ဘယ်လိုထိန်းသိမ်းလေ့ရှိလဲ ပြောပြခဲ့ပါဦး။