ပိုးသားလိုနူးညံ့တဲ့ဆံသားမျိုးရရှိစေမယ့် သဘာဝဆံပင်ပေါင်းတင်နည်းများ

မိန်းကလေးတိုင်းအတွက် ဆံသားအလှအပကလည်း အရေးကြီးပါတယ်။ ဒါကြောင့် ပိုးသားလိုနူးညံ့တဲ့ ဆံသားမျိုးရရှိစေမယ့် သဘာဝဆံပင်ပေါင်းတင်နည်းတွေကို မျှဝေပေးလိုက်ပါတယ်။ ကိုယ်နှစ်သက်ရာ၊ ကိုယ်အဆင်ပြေရာတစ်ခုကို ရွေးလုပ်ပေးရုံပါပဲ။

ကြက်ဥအကာ

ပန်းကန်လုံးထဲကို ကြက်ဥ ၂ လုံးဖောက်ထည့်ပါ။ ထည့်တဲ့အခါမှာ အနှစ်ကိုဖယ်ပြီး အကာရည်ပဲထည့်ပါမယ်။ ပြီးရင်တော့ သံလွင်ဆီ – စားပွဲတင်ဇွန်း ၁ ဇွန်းနဲ့ ပျားရည် – ၂ စက်လောက်ထည့်ပြီး မွှေပေးပါ။ လက် (သို့) brush နဲ့ယူပြီး ဆံသားအနှံ့လိမ်းပေးပါ။ ပြီးရင်တော့ shower cap နဲ့ မိနစ် ၂၀ အုပ်ထားပါ။ အချိန်ပြည့်ရင် shampoo နဲ့ သေချာပြောင်အောင် ခေါင်းလျှော်ပေးပါ။

ကြက်သွန်နီအရည်

ကြက်သွန်နီကို အခွံခွာလှီးပြီး ပန်းကန်လုံးတစ်လုံးစာလောက်ရအောင် blender ထဲထည့်ကြိတ်ပါ။ ပြီးရင်တော့ အနံ့အရမ်းမနံအောင် lavender essential oil – ၃ စက်လောက်ထည့်မွှေပါ။ ပြီးရင်တော့ ဦးရေပြားနဲ့ဆံသားမှာ သေချာနှံ့အောင်လိမ်းပေးပြီး ၁၅ မိနစ်ထားပါ။ အချိန်ပြည့်မှ shampoo နဲ့ သေချာပြောင်အောင် ခေါင်းလျှော်ပေးပါ။

ဒိန်ချဉ်

ပန်းကန်လုံးထဲကို ဒိန်ချဉ် – ၁ ခွက်ထည့်ပြီး သံလွင်ဆီ – စားပွဲတင်ဇွန်း ၂ ဇွန်းနဲ့ lavender essential oil – ၄ စက်လောက်ထည့်မွှေပါ။ ပြီးရင်တော့ ဆံသားမှာသေချာလိမ်းပေးပြီး မိနစ် ၂၀ ထားပါ။ အချိန်ပြည့်ရင် ထုံးစံအတိုင်း shampoo နဲ့ ခေါင်းလျှော်လိုက်ရုံပါပဲ။ ရေခဲရေနဲ့ ခေါင်းလျှော်ပေးမယ်ဆို ပိုကောင်းပါတယ်။

ငှက်ပျောသီး

ငှက်ပျောသီးတစ်လုံးကို ပန်းကန်ထဲထည့်ချေပါ။ ပြီးရင်တော့ lavender essential oil – ၂ စက်ထည့်မွှေပါ။ မွှေပြီးရင် ဆံသားမှာသေချာနှံ့အောင် လိမ်းပေးပြီး မိနစ် ၃၀ ထားပါ။ အချိန်ပြည့်ရင်တော့ shampoo နဲ့ ခေါင်းလျှော်ပေးပါ။ ရေခဲရေနဲ့လျှော်ပေးရင် ပိုကောင်းပါတယ်။ Conditioner ပြန်သုံးပေးဖို့လည်း မမေ့ပါနဲ့။