ပိတ်ရက်တွေမှာ ရယ်မောဖို့အတွက် ပြန်ကြည့်သင့်တဲ့ K-Drama တွေကို ဖော်ပြပေးလိုက်ပါတယ်။ K-Drama အဟောင်းတွေချည်းပဲဖြစ်လို့ အပျင်းပြေပြန်ကြည့်ဖို့ အကောင်းဆုံးပါပဲ။
Welcome To Waikiki
ဘယ်အချိန်ကြည့်ကြည့် ရိုးမသွားပဲ ရယ်နေရမယ့် Drama ပါပဲ။ ဟာသသီးသန့်ဖြစ်လို့ ရယ်မောချင်ရင် မဖြစ်မနေကြည့်သင့်တဲ့ Drama ပါ။ Seanson 1, 2 ရှိလို့ ပိတ်ရက်တွေမှာ အေးဆေးကြည့်လို့ရတာပေါ့။
Weightlifting Fairy Kim Bok Joo
ဒီ Drama ကတော့ တော်တော်များများ ကြည့်ဖူးပြီးသားဖြစ်မှာပါ။ တချို့ဆိုရင် အရမ်းကြိုက်လို့ ခဏခဏတောင် ပြန်ကြည့်ကြတာပါ။ Students Drama ဖြစ်ပြီး ရယ်စရာတွေရော လူငယ်အချစ်ဇာတ်လမ်းလေးရော ပါတာကြောင့် ပိတ်ရက်မှာ နောက်တစ်ခေါက် ပြန်ကြည့်ဖို့ အကောင်းဆုံးပါပဲ။
The Legend of the Blue Sea
ဒီ Drama ကတော့ မကြည့်ဖူးတဲ့သူမရှိသလောက်ပါပဲ။ ရယ်လည်းရယ်ရသလို Lee Min-ho ကို ကြိုက်တဲ့သူတိုင်း ပြန်ကြည့်သင့်တဲ့ Drama ဖြစ်ပါတယ်။
Fight for My Way
ရယ်ရတာလေးတွေရော၊ ဘဝအကြောင်းလေးတွေရော ပါဝင်တဲ့ လူငယ်ဇာတ်လမ်းလေးပါ။ ထင်ထားတာထက်ကို ပိုပြီးကြည့်လို့ကောင်းတာကြောင့် ကြည့်ဖူးတဲ့သူတိုင်းလိုလို ကြိုက်ကြတဲ့ Drama ပါ။ 2017 က ထွက်ထားတာဆိုတော့ အရမ်းကြာနေပြီမို့ နောက်တစ်ခေါက်ပြန်ကြည့်ဖို့ အကောင်းဆုံးပါပဲ။
Strong Woman Do Bong Soon
ဒီ Drama ဆိုလည်း 2017 က ထွက်ထားတာမို့ ကြာနေပါပြီ။ ရယ်လည်းရယ်သလို မင်းသား မင်းသမီးကလည်း ချစ်ဖို့ကောင်းတာကြောင့် အခုချိန်ပြန်ကြည့်ရင် ရိုးမှာမဟုတ်ပါဘူး။
Mr. Queen
2020 ကမှ ထွက်ထားတာဖြစ်ပြီး ရယ်ရတဲ့ နန်းတွင်း Drama လေးဖြစ်လို့ ရသတစ်မျိုးလေး ခံစားရစေပါတယ်။ ကြည့်ဖူးတဲ့သူတွေကတော့ ကြိုက်မှာသေချာပါတယ်။ မကြည့်ရသေးတဲ့သူတွေဆိုရင်တော့ ပိတ်ရက်မှာ မဖြစ်မနေကို ကြည့်ကြည့်ဖို့ Recommend ပေးပါတယ်။
