နိုင်ငံတောင်ပိုင်းမှာရှိတဲ့ ပင်လယ်ကမ်းခြေတွေဆီပဲ အလည်သွားချင်သလား။ ဒါမှမဟုတ် နိုင်ငံမြောက်ပိုင်းမှာရှိတဲ့ တောင်တန်းတွေဆီပဲ ခြေဆန့်ချင်သလား။ ထိုင်းနိုင်ငံက သင့်ကို စိတ်မပျက်စေရပါဘူး။ ခရီးသွားချစ်သူများအနေနဲ့ ထိုင်းနိုင်ငံကို ခရီးသွားတဲ့အခါ ပျားပန်းခတ်မျှ စည်ကားနေတဲ့ ဘန်ကောက်နှင့် ချင်းမိုင်မြို့များကိုလည်း မေ့မထားသင့်သလို အခုဖော်ပြပေးမယ့်နေရာဒေသတွေဆီသို့လည်း သွားရောက်လည်ပတ်သင့်ပါတယ်။

Wat Doi Suthep

ချင်းမိုင်ရဲ့မြို့အဝင်ဝလေးမှာ တည်ရှိတဲ့ Doi Suthep ဘုရားကျောင်းဟာ တိတ်ဆိတ်အေးချမ်းပြီး ဘုရားဝတ်ပြုလို့ကောင်းတဲ့ အထင်ကရနေရာတစ်ခုပဲဖြစ်ပါတယ်။

အယုဒ္ဓယ သမိုင်းဝင်ပန်းခြံ

ရှေးထိုင်းလူမျိုးများနှင့် ခမာလူမျိုးတို့ရဲ့ဗိသုကာလက်ရာကို လေ့လာချင်တယ်ဆိုရင်တော့ အယုဒ္ဓယ သမိုင်းဝင်ပန်းခြံကို သွားရောက်လည်ပတ်သင့်ပါတယ်။ ထိုနေရာသည် ၁၉၉၁ ခုနှစ်တွင် ယူနက်စကို ကမ္ဘာ့ရှေးဟောင်းအမွေအနှစ်စာရင်းထဲ ဝင်ခဲ့တာဖြစ်ပါတယ်။

Full Moon Party

ကမ်းခြေပေါ်မှာ EDM သီချင်းများ၊ လိုက်ဖ်ရှိုးများတွင် ကမ္ဘာကျော် DJ တွေရဲ့သီချင်းကောင်းတွေနဲ့ မြူးတူးကခုန်ပျော်ပါးချင်တယ်ဆိုရင်တော့ Koh Phangan ကျွန်းပေါ်မှာတည်ရှိတဲ့ Haad Rin ကမ်းခြေသို့ သွားရောက်လည်ပတ်သင့်ပါတယ်။

New Lumpinee လက်ဝှေ့အားကစားရုံ

ထိုင်းနိုင်ငံရဲ့ရိုးရာအားကစားတစ်ခုဖြစ်တဲ့ မွေ့ထိုင်းကို သဘောကျနှစ်ခြိုက်တယ်ဆိုရင်တော့ ဘန်ကောက်မြို့ထဲမှာ တည်ရှိတဲ့ New Lumpinee လက်ဝှေ့အားကစားရုံထဲသို့ သွားရောက်လည်ပတ်သင့်ပါတယ်။ ထိုအားကစားရုံက ၁၉၅၆ ခုနှစ်ကတည်းက စတင်ဖွင့်လှစ်ထားတဲ့ အားကစားရုံဖြစ်ပါတယ်။

ရေပေါ်ဈေး

လတ်ဆတ်တဲ့ ထိုးရိုးရာအစားအစာတွေကို အိမ်ပြန်လက်ဆောင်အဖြစ် သယ်သွားချင်တယ်ဆိုရင်တော့ ထိုင်းနိုင်ငံရဲ့အရောင်အသွေးစုံလင်လှတဲ့ ရေပေါ်ဈေးလေးကို သွားရောက်လည်ပတ်သင့်ပါတယ်။

Wat Arun

ဒီဘုရားကျောင်းကတော့ ၁၉ ရာစုနှစ်ကတည်းက ဆောက်လုပ်ထားခဲ့တာဖြစ်ပြီး သူ့ရဲ့ဗိသုကာလက်ရာများကလည်း ခမ်းနားကြီးကျယ်လွန်းလှပါတယ်။ ထိုနေရာကို လည်ပတ်လို့အကောင်းဆုံးအချိန်ကတော့ နေထွက်ချိန် (သို့) နေဝင်ချိန်ပဲဖြစ်ပါတယ်။

Maya ပင်လယ်အော်

လှပတဲ့ ပင်လယ်ကမ်းခြေမှာ အပန်းခြေအနားယူချင်တယ်ဆိုရင်တော့ Maya ပင်လယ်အော်နားမှာတည်ရှိတဲ့ ကမ်းခြေဆီသို့ သွားရောက်အပန်းဖြေလိုက်ပါ။

Khao Yai အမျိုးသားဥယျာဉ်

သဘာဝအလှအပများကို ကြည့်ရှုခံစားချင်ပြီး ချစ်စရာကောင်းတဲ့ တိရိစ္ဆာန်လေးများနဲ့ မိတ်ဆွေဖွဲ့ချင်တယ်ဆိုရင်တော့ Khao Yai အမျိုးသားဥယျာဉ်သို့ သွားရောက်လည်ပတ်သင့်ပါတယ်။ ထိုအမျိုးသားဥယျာဉ်က ယူနက်စကို ရှေးဟောင်းအမွေအနှစ်စာရင်းထဲတွင် သတ်မှတ်ခြင်းခံထားရတဲ့ နေရာတစ်ခုဖြစ်ပါတယ်။