အဆီပြန်တဲ့အသားအရေပိုင်ရှင်တွေမှာ ရှိထားဖို့လိုတဲ့ Skincare နဲ့ Cosmetics ပစ္စည်းများ

အဆီပြန်တဲ့အသားအရေပိုင်ရှင်တွေမှာ ရှိထားဖို့လိုတဲ့ Skincare နဲ့ Cosmetics ပစ္စည်းတွေကို ပြောပြပေးလိုက်ပါတယ်။ ဒါတွေကိုကြည့်ပြီး ကိုယ့်အနေနဲ့ ဘာ Skincare တွေသုံးဖို့လိုအပ်လဲ၊ ဘာ Cosmetics တွေ သုံးဖို့လိုအပ်လဲဆိုတာကို မသိသေးတဲ့သူတွေလည်း သိသွားမှာပါ။

Primer

အဆီပြန်တဲ့အသားအရေပိုင်ရှင်တွေက မိတ်ကပ်မလိမ်းခင်မှာ Primer လိမ်းဖို့လိုပါတယ်။ ဒါမှ မိတ်ကပ်သားရွေ့တာ၊ ကွက်တာ၊ ပျက်တာမျိုးမဖြစ်ပဲ မိတ်ကပ်သားကြာရှည်ခံမှာပါ။

Cleanser

အဆီပြန်တဲ့အသားအရေပိုင်ရှင်တွေက သူများထက်ပိုဂရုစိုက်ရပါတယ်။ သေချာ Makeup Remover သုံးပြီမှ မျက်နှာသစ်ဆေးသုံးတာမျိုးကို မဖြစ်မနေလုပ်ရပါမယ်။ မဟုတ်ရင် အဆီဖုတွေ အများကြီးထွက်လာနိုင်ပါတယ်။

Scrub or Exfoliate

တစ်ပတ်တစ်ခါ Scrub ဒါမှမဟုတ် Exfoliate လုပ်ပေးဖို့ လိုပါတယ်။

Waterproof Eyeliner

အရမ်းအဆီပြန်တယ်ဆိုရင် Eyeliner ကို Waterproof Eyeliner သုံးပေးပါ။ မဟုတ်ရင် ကြာလာတဲ့အခါ မျက်နှာအဆီပြန်လာတာနဲ့အမျှ Eyeliner တွေ ပျက်သွားတာ၊ ပြန့်သွားတာမျိုး ဖြစ်လာပါလိမ့်မယ်။

Oil-Free Compact

အဆီပြန်တဲ့သူတွေက အောက်ခံ Foundation လိမ်းပြီးရင် အပေါ်ကနေ မဖြစ်မနေ ပေါင်ဒါပုတ်ရပါမယ်။ ဒီနေရာမှာတော့ Oil-Free Compact သုံးလို့ရသလို၊ Loose Powder သုံးလို့လည်း ရပါတယ်။ ဒါမှ မိတ်ကပ်သားမရွေ့မှာပါ။