Skincare လုပ်ချင်ပေမယ့် အများကြီးလည်း အကုန်လိုက်မဝယ်နိုင်ဘူး၊ တကယ်လိုအပ်တာပဲ သုံးချင်တယ်ဆိုတဲ့သူတွေနဲ့ အခုမှ skincare ကို သေချာစလုပ်မယ့်သူတွေအတွက် အဓိက မရှိမဖြစ်လိုအပ်တဲ့ skincare 7 မျိုးရှိပါတယ်။
Cleanser
မျက်နှာသစ်ဖို့အတွက် cleanser ကတော့ မဖြစ်မနေ လိုအပ်ပါတယ်။ Budget ချွေတာချင်ရင် အရမ်းဈေးကြီးတာတွေ သုံးစရာမလိုပါဘူး။ ကိုယ့်အသားအရေနဲ့ အဆင်ပြေတာမျိုးကိုသာ ရွေးသုံးပေးပါ။
Toner
Toner ကလည်း မဖြစ်မနေလိုပါတယ်။ Toner ကို ဖြူဖို့၊ အရေးအကြောင်းပျောက်ဖို့ဆိုတာထက် hydrating ကောင်းကောင်းပေးနိုင်တာမျိုးကို ရွေးချယ်သင့်ပါတယ်။ Hydrating ကောင်းကောင်းပေးနိုင်ရင် မျက်နှာအသားအရေက ကြည်လာတာပါပဲ။
Moisturizer
Moisturizer ကတော့ skincare step တွေထဲမှာ အရေးအကြီးဆုံးပါပဲ။ Moisturizer ကို ကောင်းကောင်းလေး သုံးပေးသင့်ပါတယ်။ မနက်၊ ည တစ်နေ့ ၂ ကြိမ်သုံးပါ။ Toner နဲ့ moisturizer ကိုသာ သေချာသုံးပေးရင် အသားအရေက စိုပြီးကြည်လာပါတယ်။
Eye Cream
Skincare တွေလိမ်းနေပြီး မျက်လုံးအတွက် eye cream ကို ချန်ထားခဲ့မယ်ဆိုရင် မျက်လုံးနားတစ်ဝိုက် အသားအရေက ခြောက်သွေ့လာပါမယ်။ မျက်ကွင်းတွေညိုလာမယ်၊ ငယ်ငယ်ရွယ်ရွယ်နဲ့ မျက်လုံးနားတစ်ဝိုက်မှာ အရေးအကြောင်းတွေ ပေါ်လာပါမယ်။ မျက်လုံးနားတစ်ဝိုက်မှာ အရေးအကြောင်းတွေ ဖြစ်နေရင် အိုမင်းရင့်ရော်တဲ့ပုံစံ ဖြစ်စေပါတယ်။
Sunscreen
Skincare တွေလိမ်းနေပြီး နေ့ဘက်တွေမှာ sunscreen မလိမ်းဘူးဆိုရင်တော့ ဘာမှမထူးပါဘူး။ မျက်နှာအသားအရေ ပျက်စီးပြီး တင်းတိတ်နဲ့ အမဲစက်တွေ ထွက်လာမယ်၊ အရွယ်မတိုင်ခင် အိုမင်းရင့်ရော်ခြင်းတွေ ဖြစ်လာပါမယ်။
Exfoliate
Exfoliate ကို တစ်ပတ်တစ်ခါ ပုံမှန်လုပ်ပေးမှ dead skin cells တွေကို ဖယ်ရှားပေးပြီး ချွေးပေါက်ထဲက အညစ်အကြေးတွေပါ သန့်စင်သွားပါမယ်။ အသားအရေပိုကြည်လာပါမယ်။ ဒါကြောင့် မရှိမဖြစ်လိုတဲ့အထဲမှာ exfoliate ကိုလည်း ထည့်ပေးထားတာဖြစ်ပါတယ်။ မျက်နှာအတွက်ရော body အတွက်ရော လိုပါတယ်။ Body ဆိုရင်တော့ body scrub ပေါ့။
Lotion
နောက်ဆုံးလိုအပ်တဲ့ skincare ကတော့ body အတွက် lotion ဖြစ်ပါတယ်။ Lotion သေချာ ပုံမှန်လိမ်းပေးမှ အသားအရေစိုပြည်ပြီး ကြည်နေမှာပါ။ Lotion မလိမ်းရင် အသားအရေက မွဲခြောက်ခြောက်နဲ့ လုံးဝမလှပါဘူး။
