ဟင်းချက်ဝါသနာဆိုတာ အမျိုးသမီးတွေတင်မကဘဲ အမျိုးသား တွေပါ သဘောကျနစ်သက်တတ်တဲ့ ဝါသနာကောင်းတခုပါ။ ကမ္ဘာပေါ်ကနာမည်ကြီး စားဖိုမှုးတော်တော်များများကလည်း အမျိုးသားတွေဖြစ်နေကြပါတယ်။
ဟင်းချက်ဝါသနာပါသူတွေထဲမှာ သာမာန်လူတွေတင်မဟုတ်ဘဲ ဒိတ်ဒိတ်ကြဲ Celebrity တွေပါ ပါဝင်နေတာဖြစ်ပါတယ်။ ဒီနေ့မှာတော့ အချက်အပြုတ်ဝါသနာပါတဲ့ နာမည်ကြီး အမျိုးသား ကေပေါ့အိုင်ဒေါလ်တွေကို ဖော်ပြပေးလိုက်ပါတယ်။
EXO’s D.O.
နာမည်ကြီး EXO အဖွဲ့ဝင်နဲ့ သရုပ်ဆောင် D.O. ကို အားလုံးသိကြမယ်ထင်ပါတယ်။ သူက သီချင်းဆိုတာအပြင် ဟင်းချက်တာက သူ့ရဲ့ဝါသနာတစ်ခုဖြစ်ပါတယ်။ သူဟာ ဟင်းချက်တာကို ဘယ်လောက်ဝါသနာပါလဲဆိုရင် စစ်မှုထမ်းတဲ့အချိန်မှာတောင်မှ မီးဖိုချောင်ထဲမှာ လုပ်ကိုင်ခဲ့တာပါ။
ဒါ့အပြင် ဟင်းချက်လတ်မှတ်တွေလည်း ရယူထားပြီးတော့ သူဟင်းချက်တာတွေကိုလည်း အစီအစဥ်တွေ တော်တော်များများမှာ မြင်တွေ့နိုင်ပါတယ်။
BTS’ Jin
နောက်ထပ် ဟင်းချက်ဝါသနာပါတဲ့ Cele တယောက်ကတော့ ကမ္ဘာတစ်ဝှမ်းက Army တွေရဲ့ Worldwide Handsome ဆိုတဲ့ BTS အဖွဲ့ဝင် Jin ပါ။ သူဟာ သူ့ရဲ့အချက်အပြုတ်စွမ်းရည်ကို Run BTS ဆိုတဲ့ အစီအစဥ်မှာလည်း အမြဲပြလေ့ရှိပါတယ်။
Seventeen’s Mingyu
လတ်တလော ဟော့ဖြစ်နေတဲ့ Seventeen အဖွဲ့ထဲက Mingyu ဟာဆိုရင်လည်း သူ့အဖွဲ့ဝင်တွေနဲ့ ခရီးထွက်ပြီဆိုရင် မီးဖိုချောင်ထဲ အမြဲဝင်ရလေ့ရှိသူပါ။ ဟင်းချက်တာရော စားရတာရောပါ ကြိုက်တဲ့သူမို့ ဟင်းချက်ဝါသနာပါတာလည်း မဆန်းတော့ပါဘူးနော်။
BTS’ Suga
နောက်ထပ် BTS အဖွဲ့ဝင်ဖြစ်တဲ့ Suga ကလည်း အချက်အပြုတ်ဝါသနာအိုး တယောက်ပါပဲ။ BTS မှာတော့ ဟင်းချက်တာနဲ့ ပတ်သက်ရင် Jin က ပိုပြီးလူသိများပေမယ့်လည်း သူတို့ရဲ့ Run BTS အစီအစဥ်မှာတော့ သူ့ရဲ့လက်စွမ်းတွေပြတာကို ပရိသတ်တွေ တွေ့ဖူးကြမှာပါ။
NCT 127’s Taeyong
NCT 127 ရဲ့ အဖွဲ့ခေါင်းဆောင် Taeyong ကလည်း သူတို့အဖွဲ့ရဲ့ စားဖိုမှုူးပါ။ သူ့ရဲ့အဖွဲ့မှာ သူက ဟင်းချက်အတော်ဆုံးဖြစ်ပြီး Food Diary, The NCT show စတာတွေမှာ သူ့ရဲ့ဟင်းချက်မှုတွေကို မြင်တွေ့ရနိုင်ပါတယ်။
BTOB’s Yook Sungjae
ဟင်းချက်ဝါသနာပါတဲ့ အိုင်ဒေါလ်တွေအကြောင်း ပြောမယ်ဆိုရင် BTOB အဖွဲ့ရဲ့ အငယ်ဆုံး Yook Sungjae ကိုလည်း ချန်ထားခဲ့လို့မရပါဘူး။ Idol Chef King ဆိုတဲ့ အစီအစဥ်မှာ တတိယဆုရခဲ့ဖူးပါသေးတယ်။
ATEEZ’s Wooyoung
ATEEZ အဖွဲ့ဝင် Wooyoung ဟာဆိုရင်လည်း ဟင်းချက်ဝါသနာပါသူဖြစ်ပြီးတော့ ATEEZ shows တွေမှာ သူ့ရဲ့လက်စွမ်းပြမှုတွေကို မြင်တွေ့ရမှာပါ။ အခုဆိုရင် ကိုရီးယားစားဖိုမှူးလတ်မှတ်ကိုလည်း ရယူဖို့ ကြိုးစားနေပါတယ်။
