သရုပ်ဆောင်လောက က လူတွေဟာလည်း တခြားအလုပ်အကိုင် လုပ်ကိုင်နေကြတဲ့ လူတွေလိုပါပဲ။ အတက်ရှိသလို အကျလည်း ရှိကြပါတယ်။ Hollywood မှာ အကောင်းဆုံး သရုပ်ဆောင်မှုအတွက်ကို အော်စကာဆု ပေးပြီးတော့ ဆိုးဝါးတဲ့ သရုပ်ဆောင်မှုအတွက်ကိုတော့ ရွှေရောင်ချယ်ထားတဲ့ ပလတ်စတစ် ရက်စ်ဘယ်ရီသီး ပေးကြပါတယ်။
ပလတ်စတစ် ရက်စ်ဘယ်ရီသီးရဲ့တန်ဖိုးဟာ ၄.၉၇ ဒေါ်လာပဲ ရှိပါတယ်။ ဒီဆုကိုတော့ အော်စကာဆု မပေးခင် တစ်ရက်အလိုမှာ အဆိုးဝါးဆုံး သရုပ်ဆောင်ကို ပေးအပ်လေ့ရှိပါတယ်။ ဒီနေ့တော့ ဒီဆုတွေရရှိခဲ့ဖူးတဲ့ သရုပ်ဆောင်တွေအကြောင်းပြောပြပေးသွားမှာပါ။
(၁) Halle Berry
Halle Berry ဟာ လူမည်းအမျိုးသမီးတွေထဲမှာ ပထမဆုံး Best Actress အတွက် အော်စကဆု ရရှိခဲ့တဲ့သူပါ။ ၂၀၀၂ ခုနှစ် Monster’s Ball ဇာတ်ကားနဲ့ ဒီဆုကို ရရှိခဲ့တာပါ။ ဆန့်ကျင်ဘက် ပလတ်စတစ် ရက်စ်ဘယ်ရီသီးဆုကိုတော့ ၂၀၀၅ ခုနှစ် Catwoman ရုပ်ရှင်နဲ့ ရရှိခဲ့ပါတယ်။ သူမဟာ ဆုပေးပွဲကို တတ်ရောက်ခဲ့ပြီး ကိုယ်တိုင် ဆုလက်ခံယူခဲ့ပါတယ်။
(၂) John Travolta
John Travolta ဟာ Pulp Fiction နဲ့ Saturday Night Fever ဇာတ်ကားတွေအတွက် အော်စကာဆုပေးပွဲမှာ ၂ ကြိမ်တိုင်တိုင် ဆန်ခါတင် စာရင်းဝင်ဖူးပါတယ်။ သူဟာ အဆိုးဝါးဆုံး သရုပ်ဆောင်မှုအတွက် Golden Raspberry ဆုကို ဆယ်စုနှစ်တစ်စုအတွင်း ၂ ကြိမ်တိုင်တိုင် ဆန်ခါတင်စာရင်းမှာ ပါဝင်ခဲ့ပါတယ်။ ယခုအချိန်ထိဆိုရင်တော့ ၈ ကြိမ်တိတိ ရှိသွားပါပြီ။
သူကိုယ်တိုင် ဒါရိုက်တာလုပ်ပြီး ရိုက်ကူးထုတ်လုပ်ခဲ့တဲ့ Battlefield Earth ဇတ်ကားဟာ Golden Raspberry ဆု ၅ ဆု ရရှိခဲ့တဲ့အထိ ဆိုးဝါးခဲ့ပါတယ်။
(၃) Jennifer Lawrence
Jennifer Lawrence ဟာ အော်စကာအတွက် ဆန်ခါတင် ၄ ကြိမ်အထိ ပါဝင်ဖူးပြီး ၁ ကြိမ်ရရှိထားပါတယ်။ အော်စကာဆုကိုတော့ Silver Linings Playbook ဇာတ်ကားနဲ့ ၂၀၁၃ ခုနှစ်မှာ ရရှိခဲ့တာပါ။
ဒါပေမဲ့ သူမဟာ ၂၀၁၈ ခုနှစ်မှာ Golden Raspberry အတွက် ဆန်ခါတင်စာရင်းမှာ ပါဝင်ဖူးပါတယ်။ ကံကောင်းစွာနဲ့ ဆုနဲ့လွဲချော်ခဲ့ပါတယ်။
(၄) Will Smith
Will Smith ဟာ အော်စကာဆုအတွက် ၂ ကြိမ်တိတိ ဆန်ခါတင်စာရင်းမှာ ပါဝင်ဖူးပါတယ်။ The Pursuit of Happyness နဲ့ Ali ဇာတ်ကားတွေမှာ အကောင်းဆုံး သရုပ်ဆောင်နိုင်ခဲ့တဲ့အတွက်ကြောင့် ဆန်ခါတင်မှာ ပါဝင်ခဲ့တာပါ။ ဒါ့အပြင် Will Smith ဟာ After Earth နဲ့ Wild Wild West ဇာတ်ကားတွေအတွက် Golden Raspberry ဆုမှာ နှစ်ခါ ဆန်ခါတင် ပါဝင်ခဲ့ပါသေးတယ်။
(၅) Eddie Redmayne
Eddie ဟာ The Theory of Everything ဇာတ်ကားနဲ့ ၂၀၁၅ ခုနှစ်မှာ အကောင်းဆုံး အမျိုးသားသရုပ်ဆောင်ဆု အော်စကာ ရရှိခဲ့ပါတယ်။
နောက်တစ်နှစ်အကြာမှာလည်း The Danish Girl ဆိုတဲ့ ဇာတ်ကားနဲ့ ဆန်ကာတင်စာရင်းမှာ ပါဝင်လာခဲ့ပါသေးတယ်။ ဒါပေမဲ့ ဆုနဲ့လွှဲချော်ခဲ့ပါတယ်။ အဲ့နှစ်မှာ Leonardo DiCaprio က အော်စကာဆု ဆွတ်ခူးခဲ့တာပါ။
Eddie ဟာ အော်စကာဆုအပြင် Jupiter Ascending ဆိုတဲ့ဇာတ်ကားမှာ သရုပ်ဆောင်မှု ဆိုးဝါးခဲ့တာကြောင့် Golden Raspberry ပေးအပ်ခြင်းခံခဲ့ရပါတယ်။
Source: Bright Side
