ဟယ်လို MyStyle Myanmar ပရိတ်သတ်တို့ရေ..အခုတစ်ခေါက်မှာတော့ ဝါကျွတ်လို့ ချစ်သူနဲ့ ရွှေလက်တွဲကြမယ့်သူတွေဖြစ်ဖြစ် ဖက်ရှင်ဒီဇိုင်းကို စိတ်ပါဝင်စားကြသူတွေဖြစ်ဖြစ် အသုံးဝင်စေမယ့် အနုပညာရှင်တို့ရဲ့ လှပလွန်းတဲ့ သတို့သမီးဝတ်စုံလေးတွေကို ရွေးချယ်ဖော်ပြပေးသွားချင်ပါတယ်။
သတို့သမီးဝတ်စုံလေးတွေဆိုတာ မိန်းကလေးတိုင်းရဲ့ စိတ်ကူးအိမ်မက်ထဲမှာ တစ်ခါလောက်တော့ဝတ်ကြည့်ချင်ကြမယ်ဆိုတာ သေချာပါတယ်နော်။
အလှဆုံးဝတ်ဆင်ပြီး ကိုယ့်ချစ်သူကို ကိုယ့်ရဲ့ပုံရိပ်ကို ပြသချင်တယ်ဆိုတာကို သေချာပေါက်နားလည်တာမို့ အခုလိုမျိုး လှပကျော့ရှင်းလွန်းလှတဲ့ သတို့သမီးဝတ်စုံလေးတွေကို ပြန်လည်မျှဝေပေးရခြင်းပဲဖြစ်ပါတယ်။
ကဲ..ကိုယ့်သတို့သမီးဝတ်စုံကို မဝယ်ဘဲ ဒီဇိုင်းယူပြီး ချုပ်ခိုင်းချင်သူတွေရော ဒီဇိုင်နာတွေအတွက်ရော အသုံးဝင်စေမယ့်လို့ မျှော်လင့်ရင်း အခုပဲ ဆက်ကြည့်လိုက်ရအောင်ပါ။
Hailey Baldwin Bieber
၂၀၁၉ ခုနှစ်မှာ ဂျက်စတင်ဘီဘာနဲ့ လက်ထပ်ခဲ့တဲ့ Hailey Baldwin ဟာ ဒီဇိုင်နာ Virgil Abloh ချုပ်လုပ်ပေးထားတဲ့ သတို့သမီးဝတ်စုံကို ဝတ်ဆင်ခဲ့ပါတယ်။ ပုလဲလေးတွေရော၊ ချည်ထိုးပန်းထိုးတွေရော စသဖြင့်ကို သေချာအနုစိတ်ပြီး ဖန်တီးပေးထားတဲ့ သတို့သမီးဝတ်စုံပဲဖြစ်ပါတယ်။
Ellie Goulding
ဗြိတိသျှ ပေါ့အဆိုတော် Ellie Goulding ကတော့ သူမရဲ့ ချစ်သူ Caspar Jopling နဲ့ ၂၀၁၉ ခုနှစ်မှာ York Minster ဘုရားကျောင်း၌ ရိုးရိုးရှင်းရှင်းလေး လက်ထပ်ခဲ့ပါတယ်။ York ရဲ့ အဖြူရောင်နှင်းဆီပန်းပုံသဏ္ဍာန်ကို လက်နဲ့ချည်ထိုးပန်းထိုး အလှထည့်ထားတာကိုလည်း မြင်တွေ့ရမှာပါ။
Priyanka Chopra
အိန္ဒိယမင်းသမီးချော Priyanka Chopra နဲ့ Nick Jonas တို့ရဲ့ လက်ထပ်ပွဲကတော့ ဟိုးလေးတကျော်ကျော်ဖြစ်သွားခဲ့ပါသေးတယ်။ အနောက်တိုင်းလက်ထပ်ပွဲမှာတော့ သျောအနုစိတ်ချုပ်လုပ်ထားတဲ့ Ralph Lauren တံဆိပ် သတို့သမီးဝတ်စုံနဲ့ ၇၅ လက်မရှည်လျားတဲ့ ခေါင်းခြုံပုဝါတို့ကို ဝတ်ဆင်ခဲ့ပါတယ်။
သူတို့ရဲ့ တခြားကျန်ရှိသေးတဲ့ မင်္ဂလာပွဲတွေမှာလည်း Sabyasachi, Dior စတဲ့ တံဆိပ်တွေရဲ့ သတို့သမီးဝတ်စုံတွေကို ဝတ်ဆင်ခဲ့ပါသေးတယ်။
Gwyneth Paltrow
ကမ္ဘာကျော်မော်ဒယ်လ် Gwyneth Paltrow နဲ့ Brad Falchuk တို့ရဲ့ ၂၀၁၈ ခုနှစ်၊ နယူးယောက်မြို့က Amagansett မှာ ကျင်းပပြုလုပ်ခဲ့တဲ့ မင်္ဂလာပွဲမှာတော့ A-line ဇာ Cap ပုခုံးလက်နဲ့ Valentino သတို့သမီးဝတ်စုံကို ဝတ်ဆင်ခဲ့ပါတယ်။
Chiara Ferragni
အီတလီလူမျိုး ဘလော့ဂါ၊ စီးပွားရေးလုပ်ငန်းရှင်၊ ဖက်ရှင်ဒီဇိုင်နာ၊ မော်ဒယ်လ် အဖြစ်လုပ်ကိုင်နေတဲ့ Chiara Ferragni ဟာ စူပါစတား Federico Leonardo Lucia နဲ့ ၂၀၁၈ စက်တင်ဘာလမှာ လက်ထပ်ခဲ့ပါတယ်။
သူမကိုယ်တိုင် ဒီဇိုင်နာ Maria Grazia Chiuri နဲ့ အတူပူးပေါင်းပြီး ဖန်တီးထားတဲ့ Dior ဝတ်စုံတွေကို ဝတ်ဆင်ခဲ့တာဖြစ်ပါတယ်။
Rose Leslie
The Game of Thrones ဇာတ်ကားထဲမှာ ပါဝင်သရုပ်ဆောင်ခဲ့တဲ့ မင်းသမီး Rose Leslie ဟာ မင်းသား Kit Harrington နဲ့ ၂၀၁၈ ခုနှစ် ဇွန်လတုန်းက လက်ထပ်ခဲ့တာဖြစ်ပါတယ်။
သူမရဲ့သတို့သမီးဝတ်စုံကိုတော့ ဒီဇိုင်နာ Elie Saab က ဖန်တီးချုပ်လုပ်ပေးထားတာဖြစ်ပြီး ရိုးရိုးရှင်းရှင်း ဇာဂါဝန်လေးကိုပဲ ဝတ်ဆင်ခဲ့တာဖြစ်ပါတယ်။
Meghan Markle
Duchess of Sussex ဖြစ်တဲ့ Meghan ကတော့ ၂၀၁၈ ခုနှစ်တုန်းက မင်းသား ဟယ်ရီနဲ့ မင်္ဂလာပွဲမှာ ဝတ်ဆင်ခဲ့တဲ့ ဝတ်စုံကို တချိန်က Givenchy ရဲ့ အနုပညာဒါရိုက်တာအဖြစ် လုပ်ကိုင်ခဲ့ဖူးတဲ့ ဗြိတိသျှဖက်ရှင်ဒီဇိုင်နာ Clare Waight Keller က ဖန်တီးပေးထားတာဖြစ်ပါတယ်။
Serena Williams
တင်းနစ်မယ် Serena Williams ကတော့ Reddit တည်ထောင်သူ Alexis Ohanian နဲ့ ၂၀၁၇ ခုနှစ်မှာ New Orleans ၌ လက်ထပ်ခဲ့ပါတယ်။ သူမရဲ့ဝတ်စုံကိုတော့ Alexander McQueen ဖက်ရှင်ကုမ္မဏီက ဒီဇိုင်နာ Sarah Burton ဖန်တီးပေးထားပါတယ်။
Miranda Kerr
ကမ္ဘာကျော် Victoria’s Secret Angel ဖြစ်တဲ့ Miranda Kerr ဟာ Snapchat တည်ထောင်သူ Evan Spiegel နဲ့ ၂၀၁၆ ခုနှစ်မှာ သူမတို့ရဲ့ အိမ်အနောက်က ခြံဝန်းထဲမှာပဲ ရိုးရိုးရှင်းရှင်း လက်ထပ်ပွဲကျင်းပခဲ့ပါတယ်။
Grace Kelly ရဲ့ တခေတ်တခါက နာမည်ကြီးခဲ့တဲ့ သတို့သမီးဝတ်စုံကို နမူနာယူပြီး ဖန်တီးထားတဲ့ Haute Couture သတို့သမီးဝတ်စုံကို ဝတ်ဆင်ခဲ့ပါတယ်။
Anne Hathaway
ကမ္ဘာကျော်ဒိတ်ဒိတ်ကြဲမင်းသမီး Anne Hathaway ကတော့ သရုပ်ဆောင်နဲ့ စီးပွားရေးလုပ်ငန်းရှင် Adam Shulman နဲ့ ၂၀၁၂ ခုနှစ်မှာ ကယ်လီဖိုးနီးယားပြည်နယ် Big Sur က ရိုးရာ Jewish outdoor sunset ceremony အဖြစ် လက်ထပ်ပွဲကျင်းပခဲ့ပါတယ်။
Anne ဟာ Valentino က အထူးဖန်တီးချုပ်လုပ်ထားတဲ့ သတို့သမီးဝတ်စုံကို ဝတ်ဆင်ခဲ့ပါတယ်။
The Duchess of Cambridge
Duchess of Cambridge ဖြစ်တဲ့ Catherine ရဲ့ မင်းသား ဝီလီယံနဲ့ ၂၀၁၁ ခုနှစ်က မင်္ဂလာပွဲမှာ ဝတ်ဆင်ခဲ့တဲ့ ဝတ်စုံကတော့ Alexander McQueen က ဒီဇိုင်နာ Sarah Burton သေချာဖန်တီးချုပ်လုပ်ပေးထားတာဖြစ်ပါတယ်။
Diana, Princess of Wales
၁၉၈၁ ခုနှစ်တုန်းက မင်းသား ချားလ်စ်နဲ့ လက်ထပ်ပွဲတုန်းက Princess of Wales ဒိုင်ယာနာရဲ့ ဝတ်စုံကတော့ အခုချိန်ထိကို ဘယ်တော့မှမေ့မရသေးတဲ့ ဝတ်စုံဒီဇိုင်းပါပဲ။
