ဆံပင်အဆီအရမ်းထွက်ရင် ခေါင်းခဏခဏလျှော်ကြပါတယ်။ ခေါင်းကလည်း ခဏခဏလျှော်တိုင်းမကောင်းပါဘူး။ ဆံပင်အဆီထွက်တော့ ဂျီးတင်လွယ်ပြီး ဗောက်ထတာ၊ ယားတာတွေ ဖြစ်တတ်ပါတယ်။ ဒါကြောင့် Oily Hair တွေအတွက် ဆံပင်အဆီအရမ်းထွက်တာကို သက်သာစေမယ့်နည်းလမ်းတွေကို မျှဝေပေးလိုက်ပါတယ်။
ရှားစောင်းလက်ပတ်
လုပ်ရမယ့်နည်းလမ်းကတော့ ရှားစောင်းလက်ပတ်ဂျယ်လ် – စားပွဲတင်ဇွန်း ၂ ဇွန်း၊ သံပယိုရည် – စားပွဲတင်ဇွန်း ၁ ဇွန်းနဲ့ ရေနည်းနည်းကိုရောမွှေပြီး ဆံပင်အနှံ့၊ ဦးရေပြားပါနှံ့အောင် လိမ်းပေးပါ။ ပြီးရင်တော့ မိနစ် ၃၀ ထားပြီး အချိန်ပြည့်ရင် ရေနဲ့ဆေးချပြီး ခေါင်းလျှော်ပါ။ ဒီနည်းလမ်းကိုတော့ တစ်ပတ်မှာ ၁ ကြိမ် (သို့) ၂ ကြိမ် ပုံမှန်လုပ်ပေးရပါမယ်။
ဒိန်ချဉ် mask
ဒိန်ချဉ် mask လုပ်ရမယ့်နည်းလမ်းကတော့ ဒိန်ချဉ် – ခွက်တစ်ဝက်စာနဲ့ သံပယိုရည် – စားပွဲတင်ဇွန်း ၂ ဇွန်းတို့ကို ရောမွှေပြီး ဆံပင်မှာ သေချာနှံ့အောင်သုတ်လိမ်းပေးပါ။ ပြီးရင်တော့ ခေါင်းကိုအဝတ် (သို့) ခေါင်းပေါင်းနဲ့ ပေါင်းပြီး ၁ နာရီထားပါ။ အချိန်ပြည့်ရင် ရေကြက်သီးနွေးနဲ့ဆေးချပြီး ခေါင်းလျှော်ပေးပါ။ ဒီနည်းလမ်းကိုလုပ်မယ်ဆိုရင် တစ်ပတ်မှာ ၁ ကြိမ် ပုံမှန်လုပ်ရပါမယ်။
Apple Cider Vinegar
လုပ်ရမယ့်နည်းလမ်းကတော့ Apple Cider Vinegar – စားပွဲတင်ဇွန်း ၃ ဇွန်းနဲ့ ရေ – ခွက်တစ်ခွက်စာတို့ကို ရောမွှေပြီး ဆံပင်တွေကို ထည့်စိမ်တာပဲဖြစ်ဖြစ်၊ ခေါင်းကနေငုံ့ပြီး လောင်းချတာပဲဖြစ်ဖြစ် လုပ်ပေးပါ။ ပြီးရင်တော့ ရေညှစ်ချပြီး မိနစ် ၃၀ လောက်ထားပါ။ အချိန်ပြည့်မှ mild ဖြစ်တဲ့ shampoo နဲ့လျှော်ပေးပါ။ ဒီနည်းလမ်းကိုလုပ်မယ်ဆိုရင် တစ်ပတ်မှာ ၁ ကြိမ် (သို့) ၂ ကြိမ် ပုံမှန်လုပ်ပေးရပါမယ်။
source:www.stylesatlife.com
