ခြေထောက်လေးကို ဖြူသန့်သွားအောင် ဖန်တီးနိုင်မယ့် ကိုယ့်အိမ်မှာ လုပ်နိုင်တဲ့ Pedicure နည်းလမ်း

ခြေထောက်လေးကို ဖြူသန့်သွားအောင် ဖန်တီးနိုင်မယ့် ကိုယ့်အိမ်မှာ လုပ်နိုင်တဲ့ Pedicure နည်းလမ်း

သင်က နေ့တိုင်း အလုပ်လုပ်ပေးနေတဲ့ သင့်ခြေထောက်လေးကို ဂရုစိုက်ပေးသင့်ပါတယ်။ ဒါ့အပြင် ဖိနပ်စီးတဲ့အခါ ခြေထောက်ဖွေးဖွေးလေးက သင့်ယုံကြည်မှုကို နှစ်ဆ တိုးစေပြီး သင့်ခြေလှမ်းတွေကို ပိုလှစေပါလိမ့်မယ်။ ဒီတစ်ခေါက်မှာတော့ Spa ကို တကူးတက သွားစရာမလိုဘဲ ကိုယ့်အိမ်မှာပဲ ခြေထောက်လေးတွေကို Relaxing ဖြစ်စေမယ့်အပြင် ဖြူဖွေးလာစေမယ့် နည်းလမ်းတစ်ခုကို ဖော်ပြပါရစေ။ သင်က ဒီနည်းလမ်းကို တစ်ပတ်မှာ တစ်ကြိမ် လုပ်ရုံနဲ့ သိသာတဲ့ ရလဒ်ကို ရမှာမို့ အသုံးဝင်မှာပါ။

ပထမအဆင့်- ရေနွေးကျိုပါ

ရေတစ်ခွက်စာ လောက်ကို ခြေထောက် တစ်စိမ်စာ အိုးထဲ ထည့်ပေးရပါမယ်။ ပြီးရင်တော့ ဒီအရည်ကို ပူလာအောင် ကျိုပေးရပါမယ်။

ဒုတိယအဆင့်

ဒီအဆင့်မှာတော့ ကျိုထားတဲ့ ရေထဲကို ဆားတစ်ဇွန်း ထည့်ပေးရပါမယ်။ ပြီးရင်တော့ နနွင်းတစ်ဇွန်း ထပ်ထည့်ပေးရပါမယ်။

တတိယအဆင့်

နောက်တစ်ဆင့်အနေနဲ့ သံပယိုရည် ထပ်ထည့်ရပါမယ်။ သံပယိုသီး အကုန်ထည်ြ့ပိးနောက် ဒီ ဆူနေတဲ့ ရေထဲ ညှစ်ထည့်ပေးရပါမယ်။ ပြီးရင်တော့ ညှစ်ထားတဲ့ အခွံတွေကိုပါ ထည့်ပေးရပါမယ်။ နောက်ဆုံးအဆင့်အနေနဲ့ မွှေပေးရပါမယ်။

ရလာတဲ့ အရည်ကို ခြေထောက်စိမ်နိုင်တဲ့အထိ အေးသွားအောင် ရေထည့်ထားတဲ့ ဗုံးထဲ ရောပေးရပါမယ်။ ဒီအရောထဲကို မုန့်ဖုတ်ဆိုဒါ တစ်ဇွန်းထည့်ရပါမယ်။ ပြီးနောက် အမြှုပ်ထအောင် ရှန်ပူ အနည်းငယ်ထပ်ထည့်ရပါမယ်။

ရလာတဲ့ အရည်ထဲကို ၄ မိနစ်ကနေ ၅ မိနစ် ဝန်းကျင် ခြေထောက်စိမ်ပေးရပါမယ်။ စိမ်ပြီးနောက် ချေးတွန်းတဲ့ ပစ္စည်းနဲ့ ခြေထောက်ကို ပွတ်ပေးရပါမယ်။ မိနစ်အနည်းငယ် ပွတ်ပြီးနောက် သင်လုပ်ရမယ့် အဆင့်တွေ ပြီးသွားပါပြီ။

ပြီးနောက် ခြေထောက်ကို ဆေးကာ အဝတ်စနဲ့ ရေသုတ်ပေးရပါမယ်။ ခြေထောက် အသားအရေ အစိုဓာတ်ကို ထိန်းသိမ်းတဲ့အနေနဲ့ Vaseline လူးပေးရပါမယ်။