ခန္ဓာကိုယ်မှာ ရှိတဲ့ အဆီပိုများကြောင့် အဝလွန်ရောဂါ၊ နှလုံးရောဂါ၊ စိတ်ကျရောဂါနဲ့ အခြားသော ကျန်းမာရေးပြဿနာများကိုပါ ခံစားရနိုင်တာကြောင့် တဖြည်းဖြည်းနဲ့ ဝိတ်တက်မလာအောင် သတိထားသင့်ပါတယ်။ သင့်အနေနဲ့ လေ့ကျင့်ခန်း ပြုလုပ်ဖို့ အချိန်မပေးနိုင်ဘူးဆိုရင်တော့ အခုဖော်ပြမယ့် နည်းလမ်းများ အသုံးပြုပြီး သင့် ဝမ်းဗိုက်မှာရှိတဲ့ အဆီပိုများကို ဖယ်ရှားနိုင်ပါတယ်။

ပရိုတင်းနှင့် အမျှင်ဓာတ်များ ကြွယ်ဝစွာပါဝင်သော မနက်စာ စားသုံးပါ

လေ့လာချက်များအရ မနက်ခင်းမှာ ပရိုတင်းဓာတ် များများ စားသုံးခြင်းက ဝမ်းဗိုက်အဆီပိုများကို လျော့ချပေးနိုင်တယ်လို့ လေ့လာတွေ့ရှိရပါတယ်။ ဒါ့ကြောင့် မနက်စာ စားတဲ့အခါ အသားအမျိုးမျိုး၊ ဥအမျိုးမျိုး၊ ပဲအမျိုးမျိုးကို ဦးစားပေး စားသုံးပါ။ ဒါ့အပြင် အမျှင်ဓာတ် ကြွယ်ဝစွာပါဝင်တဲ့ ငှက်ပျောသီး၊ ထောပတ်သီး၊ ပန်းဂေါ်ဖီစိမ်း စသည်တို့ကိုလည်း စားသုံးသင့်ပါတယ်။

အချိုရည်အစား ရေပဲ သောက်ပါ

မနက်စာအဖြစ် အချိုရည် သောက်သုံးခြင်းက ကျန်းမာရေးနဲ့ မညီညွှတ်တဲ့ အလေ့အထတစ်ခုပဲဖြစ်ပါတယ်။ အချိုရည်ထဲမှာ သကြားဓာတ်များ လွန်ကဲစွာ ပါဝင်နေတဲ့အတွက်ကြောင့် အသည်းအဆီဖုံးခြင်းကို ခံစားရနိုင်တယ်လို့ လေ့လာတွေ့ရှိချက်များအရ သိရှိရပါတယ်။ ဒါ့ကြောင့် အချိုရည် သောက်မယ့်အစား ရေပဲ သောက်သုံးသင့်ပါတယ်။

ကော်ဖီအစား Green Tea သောက်သုံးပါ

ကောက်ဖီနဲ့ Green Tea နှစ်မျိုးစလုံးမှာ ကာဖိန်းဓာတ် ပါဝင်တာချင်းတူပေမယ့် အကျိုးပြုပုံချင်းကတော့ မတူပါဘူး။ Green Tea ထဲမှာ ပါဝင်တဲ့ ကာဖိန်းဓာတ်က ကျန်းမာရေးနဲ့ ညီညွှတ်ပြီး ဝမ်းဗိုက်အဆီပိုများကို ဖယ်ရှားပေးနိုင်တယ်လို့ သုတေသနလေ့လာချက်များအရ သိရှိနိုင်ပါတယ်။

မိမိရဲ့နေ့လည်စာ ထမင်းဘူးကို ကိုယ်တိုင် ပြင်ဆင်ပါ

မနက်အိပ်ရာ နိုးကတည်းက နေ့လည်စာထမင်းဘူးကို ကိုယ်တိုင်ကိုယ်ကျ ပြင်ဆင်ခြင်းက အပိုဝင်ငွေ ထွက်မှာကိုလည်း တားဆီးပေးရာရောက်သလို ကျန်းမာရေးအတွက်လည်း အထောက်အကူပြုပါတယ်။ ဒါ့အပြင် အဆီပိုများကိုလည်း ဖယ်ရှားပေးနိုင်ပါတယ်။

အလုပ်ခွင်ဆီသို့ စက်ဘီးစီးသွားပါ (သို့) လမ်းလျှောက်သွားပါ

စက်ဘီးစီးခြင်း၊ လမ်းလျှောက်ခြင်းအားဖြင့် လေ့ကျင့်ခန်း ပြုလုပ်ရာ ရောက်တာကြောင့် ဝမ်းဗိုက်ရှိ အဆီပိုများ ယူပစ်သလို ပျောက်ကင်းသွားပြီး ကျန်းမာရေးအတွက်လည်း အထူးကောင်းမွန်ပါတယ်။ စက်ဘီး စီးတဲ့အခါမှာလည်း စက်ဘီးစီး ဦးထုပ်၊ တံတောင်ဖုံး၊ ဒူးဖုံးများ သေချာဝတ်ဆင်ပြီး အန္တရာယ်မရှိအောင် ဂရုတစိုက် မောင်းနှင်သင့်ပါတယ်။

Source: Brightside.me