True Beauty ထဲကမင်းသမီးလေး Moon Ga‑young ရဲ့ ဖက်ရှင်ပုံရိပ်များ

အခုပြသနေတဲ့ True Beauty Drama ထဲကမင်းသမီးလေး Moon Ga‑young ကိုတော့ Kdrama ချစ်သူတော်တော်များများက သိပြီးသားဖြစ်မှာပါ။ သူမကိုကြိုက်တဲ့၊ ချစ်တဲ့ ပရိသတ်တွေနဲ့ သူမကိုအခုမှစသိတဲ့ ပရိသတ်တွေအတွက် Moon Ga‑young ရဲ့ Bio နဲ့ သူမပါဝင်သရုပ်ဆောင်ထားတဲ့ ဇာတ်လမ်းတွဲတွေကိုပြောပြရင်းနဲ့ သူမရဲ့ ဖက်ရှင်ပုံရိပ်လေးတွေကိုပါ တစ်ခါထဲမျှဝေပေးလိုက်ပါတယ်။

Moon Ga‑young ကို ၁၉၉၆ ခုနှစ်၊ ဇူလိုင်လ ၁၀ ရက်နေ့မှာ မွေးဖွားခဲ့တာကြောင့် သူမရဲ့အသက်က အခုမှ ၂၄ နှစ်ပဲရှိပါသေးတယ်။ သူမကို Karlsruhe, Germany မှာမွေးဖွားခဲ့တာဖြစ်ပြီး သူမအသက် ၁၀ နှစ်ရောက်မှ ကိုရီးယားကို ပြောင်းလာခဲ့တာပါ။

သူမက ၂၀၀၆ ခုနှစ်မှာ အနုပညာလောကထဲကို စတင်ဝင်ရောက်ခဲ့တာဖြစ်ပြီး ၂၀၁၄ မှာတော့ Mimi ဆိုတဲ့ TV Series ထဲမှာ Shim Chang-min နဲ့တူတူ သရုပ်ဆောင်ထားပါတယ်။ ၂၀၁၅ မှာတော့ EXO Next Door ထဲမှာ ပါဝင်သရုပ်ဆောင်ခဲ့ပါတယ်။ EXO Next Door နဲ့ပဲ သူမကို လူသိများလာခဲ့တယ်။ ပိုပြီးမှတ်မိသွားကြတယ်၊ ချစ်တဲ့ပရိသတ်ပိုများလာတယ်လို့ ပြောလို့ရပါတယ်။

အဲ့နောက်ပိုင်းမှာတော့ Don’t Dare to Dream နဲ့ Live Up to Your Name ဆိုတဲ့ TV Series တွေမှာ ပါဝင်သရုပ်ဆောင်ထားပါတယ်။ ၂၀၁၇ မှာတော့ Waltzing Alone ဆိုတဲ့ရုပ်ရှင်မှာ သရုပ်ဆောင်ထားတာ တွေ့ရမှာပါ။ ၂၀၁၈ မှာတော့ Tempted ဆိုတဲ့ drama ထဲမှာ ပါဝင်သရုပ်ဆောင်ပြီး Excellence Award for Best Actress at the MBC Drama Awards ကို ရရှိခဲ့ပါတယ်။

၂၀၁၉ မှာတော့ Welcome to Waikiki 2 မှာ ပါဝင်သရုပ်ဆောင်ထားပြီး ၂၀၂၀ မှာတော့ Find Me in Your Memory ဆိုတဲ့ ဇာတ်လမ်းတွဲလေးမှာ ခေါင်းဆောင်မင်းသမီးအဖြစ်နဲ့ ပါဝင်သရုပ်ဆောင်ထားပါတယ်။ အခု ၂၀၂၀ ဒီဇင်ဘာမှာတော့ လက်ရှိပြသနေတဲ့ True Beauty ထဲမှာ ခေါင်းဆောင်မင်းသမီးအနေနဲ့ သရုပ်ဆောင်ထားတာကို တွေ့ရမှာပါ။

ဒီလောက်ဆိုရင်တော့ သူမရဲ့ အကြောင်းအရာတချို့နဲ့ ပါဝင်သရုပ်ဆောင်ထားတဲ့ ဇာတ်လမ်းတွဲလေးတွေကိုလည်း သိပြီးပြီဆိုတော့ သူမရဲ့ ချစ်စရာကောင်းပြီး လှပတဲ့ ဖက်ရှင်ပုံရိပ်လေးတွေကို ဆက်ပြီးကြည့်လိုက်ရအောင်နော်….။