Wedding Day ဆိုတာ ချစ်တဲ့စုံတွဲတွေအတွက်တော့ တကယ့်ကို အရေးကြီးတဲ့ Big Day ပါပဲ။ ဒီလိုအရေးကြီးတဲ့နေ့မှာ လှပနေချိန်နေတွေက ခဏတာမလို့ အမှတ်တရအဖြစ် အမြဲရှိနေနိုင်ဖို့အတွက် လိုအပ်ချက်မရှိအောင် သင့်ဓာတ်ပုံဆရာကို ဒီအခိုက်အတန့်လေးတွေကို သေချာလေးရိုက်ယူဖို့ သတိပေးသင့်ပါတယ်။
The Preparations
အခမ်းအနားမစမီ တိတ်ဆိတ်ငြိမ်သက်နေတဲ့ အခိုက်အတန့်တွေ ၊ သတို့သမီးအတွက် ကူညီနေတဲ့ မိခင်ရဲ့နူးညံ့တဲ့ အထိအတွေ့ ဒါမှမဟုတ် သူငယ်ချင်းတွေရဲ့ တိုးတိုးလေး အားပေးစကားပြောချိန် ၊ သတို့သားရဲ့ ကတိကဝတ်ကို တွေးတောရင်း ပြင်ဆင်နေတဲ့အခိုက်အတန့်တွေက နှစ်တွေကြာသွားလည်း မရိုးနိုင်တဲ့ ကြည့်နူးစရာအချိန်လေးတွေပါ။
The First Look
အခမ်းအနားမစခင်မှာပဲဖြစ်ဖြစ် သတို့သမီးက ကျက်သရေရှိရှိ လျှောက်လာတဲ့အခါပဲဖြစ်ဖြစ် ဒီအခိုက်အတန့်ဟာ စစ်မှန်တဲ့ စိတ်ခံစားမှုနဲ့ လေးနက်တဲ့ ချစ်ခြင်းမေတ္တာတွေနဲ့ အမြဲပဲ့တင်ထပ်နေပါတယ်။ ဒီလိုချစ်ခြင်းတွေနဲ့ပြည့်နေတဲ့ အကြည့်တွေကို အမိအရမှတ်တမ်းတင်နိုင်ဖို့လည်း လိုအပ်ပါတယ်။
The Vows
ဒီစကားလုံးတွေက တစ်ယောက်နဲ့တစ်ယောက် ကတိကဝတ်တွေရဲ့ အခြေခံအုတ်မြစ်ပါပဲ။ မျက်နှာချင်းဆိုင်ရပ်ပြီး သင့်ရဲ့ကတိတွေကို ကြေငြာတဲ့အခါ သင့်ကတိကဝတ်များရဲ့ ဆွဲငင်အားနဲ့အလှကို ဖမ်းယူဖို့ မမေ့ပါနဲ့။
Candid Moments
လာရောက်ကြတဲ့ ပရိတ်သတ်ရဲ့ ရီမောသံတွေ ၊ အပြုံးတွေ ၊ အပျော်တွေ နှုတ်ဆက်အပြုံးတွေ ဒါတွေက နှစ်ပေါင်းဘယ်လောက်ကြာကြာ ပြန်ကြည့်တဲ့အချိန်တိုင်း တစ်နေ့တာရဲ့အဖြစ်အပျက်တွေကို ပြန်ခံစားမိစေမှာပါ။
Wedding Dress
ပွဲနေ့မှာ ဝတ်ဖို့အတွက် သင်အပင်ပန်းခံ အားစိုက်ရွေးထားရတဲ့ မင်္ဂလာဝတ်စုံကလည်း မင်္လာပွဲတစ်ခုမှာ မဖြစ်မနေအရေးကြီးတာမလို့ မင်္ဂလာဝတ်စုံကိုလည်း မှတ်တမ်းတင်ဖို့ မမေ့ပါနဲ့။
