Modest Outfit ဆိုတာကတော့ ခန္ဓာကိုယ် အသားအရေကို သိပ်ပြစရာမလိုတဲ့ Outfit မျိုးကို ဆိုလိုပါတယ်။ ပုံမှန်အားဖြင့် ဗိုက်မပေါ်၊ ပေါင်သားသိပ်မပြရတဲ့ ဝတ်စုံမျိုးက Modest Outfit တွေ ဖြစ်ပါတယ်။ Modest Outfit က မြန်မာနိုင်ငံက ပျိုမေအများစုနဲ့ သင့်တော်ပါတယ်။ ဒီလိုပဲ ပျိုမေအများစုကလည်း Modest Outfit ပုံစံတွေကို ပိုသိချင်မှာပါ။
ဒီတော့ ခါးမပေါ်၊ ပေါင်တံ ဖော်ပြစရာမလိုဘဲ လှလှလေး ဖြစ်နေစေမယ့် Modest Outfit Idea ဖက်ရှင်ဝတ်ဆင်ပုံတွေကို ကြည့်လိုက်ရအောင်နော်-
ဆွယ်တာ အပေါ်ထပ်
ဘောင်းဘီရှည်နဲ့ အတွင်းဘက် ကြိုးတစ်ချောင်း အဖြူရောင်ကို ဝတ်ကာ ဆွယ်တာအပေါ်ထပ်ကိုတော့ ကြယ်သီးတစ်လုံးတည်း တပ်သင့်ပါတယ်။ ဒီပုံစံလေးက မိန်းကလေးဆန်ပြီး ချစ်ဖို့ကောင်းတဲ့ ဖက်ရှင်ပါ။
ဘောင်းဘီအပွ
တီရှပ်အပွနဲ့ ဘောင်းဘီအပွကလည်း တွဲဝတ်နိုင်တဲ့ ပေါ့ပေါ့ပါးပါး ဖက်ရှင် ပုံစံပါ။
Flare Pants
Flare Pant နဲ့အတူ တီရှပ်လက်ကို ခေါက်ပြီး ဝတ်တာက အထာကျကျ လှစေမယ့် ပုံစံ ဖြစ်ပါတယ်။
Style Pant အပွနဲ့အတူ အပေါ်ထပ် ပါးပါးလေး၊ ကြိုးတစ်ချောင်း အင်္ကျီပုံစံက သိပ်ပြင်ထားတယ် မထင်ရစေဘဲ ပေါ့ပေါ့ပါးပါးလေးနဲ့ လှပါတယ်။
Shirt အဖြူကို လက်ခေါက်ဝတ်ပြီး စကပ်ရှည်ထဲ ထည့်ဝတ်ပေးတာက Modest OutFit Idea တွေထဲက တစ်ခုပါ။
စကပ်အရှည်နဲ့ ဆွယ်တာအပွလေးကလည်း မလိုက်ဘူးထင်ရပေမယ့် တွဲဝတ်တတ်မယ်ဆိုရင် ပိုတောင်ချစ်ဖို့ ကောင်းသွားပါသေးတယ်။
အောက် ဘောင်းဘီအကျပ်နဲ့ အပေါ်အင်္ကျီပွပွလေးကလည်း အရောင်တွဲစပ်တတ်ရင် လှလှလေး ဖြစ်နေမှာပါ။
ကုတ်အင်္ကျီနဲ့ စမတ်ကျကျ လှချင်တဲ့ ပျိုမေတို့အတွက်
ယောက်ျားလေးဆန်ဆန် ဝတ်ချင်သူတွေအတွက် ရှပ်အင်္ကျီကို တစ်ဘက် အပြင်ထုတ် တစ်ဘက်အထဲ ထည့်တဲ့ စတိုင်
အပေါ်အင်္ကျီအပါးသား အပွနဲ့ စကပ်ရှည်ကလည်း လိုက်ဖက်တဲ့ စုံတွဲဖြစ်ပါတယ်။
Photo source: Pinterest
By MyStyle Myanmar
