ပျိုမေတို့ အားလုံး မင်္ဂလာပါနော်။ ဒီတစ်ခေါက်မှာတော့ အသားသိပ်ဖော်ပြတာမျိုးမဟုတ်ဘဲ လုံလုံခြုံခြုံနဲ့ လှချင်တဲ့ ပျိုမေတို့အတွက် ရည်ရွယ်ပြီး Modest ဖက်ရှင်ပုံစံကို မျှဝေပေးပါရစေ။ Modest Clothing ရဲ့ အဓိပ္ပာယ်ကတော့ လုံလုံခြုံခြုံနဲ့ အသားသိပ်မဖော်တဲ့ ဖက်ရှင်မျိုးကို ဆိုလိုပါတယ်။ အမျိုးသမီးအချို့ကတော့ Modest Clothing ဝတ်ဆင်ခြင်းဟာ ကိုယ့်ခန္ဓာကိုယ်ကို လေးစားခြင်းလို့ အဓိပ္ပာယ် ဖွင့်ကြပါတယ်။ မိန်းကလေးတွေရဲ့ အဓိက အစိတ်အပိုင်းတွေဖြစ်တဲ့ ရင်သား၊ ပေါင်တံစတာတွေကို မပေါ်အောင် လုံလုံခြုံခြုံ ဝတ်ခြင်းကို Modest လို့ ခေါ်ပါတယ်။ ဒီဖက်ရှင်က ရိုးရိုးလေးနဲ့ လှချင်တဲ့ ပျိုမေတို့နဲ့ သင့်တော်ပါတယ်။

Modest Clothing မှာ Crop တွေ၊ ပေါင်တိုတွေ ဝတ်စရာမလိုပါဘူး။ ဒီတော့ ဒူးညိုလို့ အတိုမဝတ်ရဲတဲ့ ပျိုမေတွေ၊ ခါးနေရာ အဆီရှိလို့ Crop မဝတ်ရဲတဲ့ ပျိုမေတို့အတွက်တော့ Modest clothing က ရွေးချယ်သင့်တဲ့ ဖက်ရှင်တစ်မျိုးပါပဲ။ ဒီတော့ Modest Fashion ဝတ်ဆင်ပုံတွေကို ကြည့်လိုက်ရအောင်နော်-

Modest Fashion ဝတ်ဆင်သူ လူသိများတဲ့ နာမည်ကျော် အမျိုးသမီးတွေကတော့ Kate Middleton, Michele Obama နဲ့ Ivanka Trump တို့ပဲ ဖြစ်ပါတယ်။ ဒီနာမည်ကျော် အမျိုးသမီးတွေကို ကြည့်လိုက်ရင် ကျက်သရေရှိရှိ အထက်တန်းဆန်ဆန်နဲ့ လှနေတယ်ဆိုတာ သိသာပါတယ်။ သင်က သူတို့ရဲ့ ဖက်ရှင်မျိုးကို သဘောကျရင်တော့ Modest Chlothing ကို ရွေးချယ်ဝတ်ဆင်သင့်ပါတယ်။

Photo Source: Pinterest

By MyStyle Myanmar